Albistea entzun

Txibite: «Uda hasierarako, espero dugu txertatuta egotea herritarren %40tik gora, eta uda bukaerarako, %70»

Nafarroako Gobernuko lehendakariak esan du «oraingoz» ez dutela planteatu tabernen barnealdea ixtea

Maria Txibite Nafarroako presidentea, gaurko prentsaurrekoan.
Maria Txibite Nafarroako presidentea, gaurko prentsaurrekoan. Nafarroako Gobernua. Tamaina handiagoan ikusi

Ion Orzaiz -

2021eko martxoak 23

COVID-19aren aurkako txertaketa prozesua bizkortzeko «prest» dagoela esan du Maria Txibitek, Nafarroako Gobernuko lehendakariak: «Txertoen hornidurak huts egiten ez badu, hasieratik esan dugu Nafarroak badituela beharrezko baliabide materialak eta pertsonalak txertaketaren erritmoa bizkortzeko». Zehazki, gobernuaren kronogramaren arabera, herritarren erdiek txertoa hartzea eta talde immunitatea «uda bukaerarako» bermatuko litzateke: «Gure datuen arabera, herritarren %40 eta %60 artean txertatuta egonen dira uda hasierarako, eta %70, berriz, uda amaitzerako».

Lehendakariak zehaztu du, halaber, txertoen hornidurak baldintzatuko duela erritmo hori: «Iristen zaizkigun dosien menpe gaude, baina, hornidurak huts egiten ez badu, helburuak beteko ditugu».

Hego Euskal Herrian, gaur hasi dira AstraZenecaren txertoa berriz erabiltzen, iragan asteko etenaldiaren ostean. «Ikerketa zientifikoek frogatu dute AstraZenecaren txertoa segurua dela; zero arriskua ez da existitzen, ez txerto honekin ez beste ezein sendagairekin, baina honako hau txerto eraginkorra da, eta txertaketaren eboluzioan antzematen ari gara hori».

Barnealdeak ere zabalik, oraingoz

Ostalaritzari eragiten dioten neurri murriztaileei buruz, presidenteak adierazi du «oraintxe bertan» Nafarroako Gobernuak ez duela asmorik Aste Santura begira tabernen barnealdea ixteko agindua emateko. Dena dela, Txibitek argitu du erabaki hori «ez dagoela bazterturik», eta azaldu du arretaz aztertuko dutela pandemiaren bilakaera datozen asteetan. «Ez eguneko positiboei soilik, aldagai guztietako datuei egiten diegu so». Gainera, erantsi du ospitaleen egoera dela kezkarako zio nagusia.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Muxikan (Bizkaia), Undabaso eremuanlandatzen ari diren sailetako batzuk. ©OSKAR MATXIN / FOKU

Zerbait gertatzen ari da Undabason

Igor Susaeta

Tokiko ekosistemak eta bioaniztasuna leheneratzeko asmoarekin, Lurgaia fundazioak helburu du Urdaibaiko biosfera erreserbako harizti mistorik handiena sortzea. Dozena bat urteko lanaren ondoren, jada 163 hektarea kudeatzen ditu Muxikan, 'Undabaso' deitu dioten gunean. Hasiak dira eremu horretan prozesu ekologiko batzuk antzematen.
Itsasondo. ©Ariane Vierbücher

Lurra, interes publikoaren mesedetan

I. Susaeta

Itsasondoko Udala duela dozena bat urte hasi zen lursailak erosten. Alkatearen esanetan, «herritarrek erabiltzeko moduko mendiak» nahi dituzte. Etorkizunean lurrak izango duen garrantziaz ohartarazi du.
Guardia Zibila, kanpaldia egiten ari zirenengana gerturatzen. ©IÑIGO URIZ / FOKU

Kanpaldia egiten segitu nahi dute Aroztegiko proiektua gelditu arte

Irati Urdalleta Lete

Guardia Zibila hiru aldiz agertu da. Lekarozen elkarretaratzea egin dute, 228 etxebizitza, hotel bat eta golf zelaia eraikitzeko proiektua gelditzeko
Anbulantziak, Donostia ospitaleko larrialdietarako sarreran. ©GORKA RUBIO / FOKU

Ospitaleetako presioak ez du etenik, positiboen hazkundea apaldu arren

Ion Orzaiz

116 pertsona erietxeratu dituzte COVID-19ak jota, eta 182 gaixo larri daude ZIUetan. 985 kasu atzeman dituzte, eta positibo tasa %7,9 da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna