Albistea entzun

Koronabirusa

Osakidetzak baheketa bat egingo du Lazkaon

Probak egitera deitu ditu 19 eta 59 urte arteko herritarrak

Osakidetzak baheketa bat egingo du Lazkaon
Osakidetzak baheketa bat egingo du Lazkaon Tamaina handiagoan ikusi

Arantxa Iraola -

2021eko martxoak 24 09:26

Luzatzen ari da egunotan, COVID-19 kasuen igoerarekin kezkatuta, osasun agintariek baheketak egiteko hautatu dituzten herrien zerrenda. Bihar eta etzi Lazkaon (Gipuzkoa) egingo du baheketa bat Osakidetzak; 15-59 urte arteko herritarrak deitu ditu testak egitera. Arratsaldez izango dute aukera, herriko kiroldegian. Aurrez telefonoz hots egin beharko dute herriko osasun zentrora, eta han esango diete noiz joan behar duten probak egitera. PCR testak egingo dizkietela jakinarazi du Osakidetzak.

Lazkaon azken hamalau egunetan 100.000 biztanleko 1.349 kasu izan dira, eta atzemandako positiboak denera 76 izan dira. Osakidetzako arduradunek adierazi dute horrek bultzatu dituela baheketa antolatzera.

Osakidetzak berriki Ataunen (Gipuzkoa) eta Elorrion (Bizkaia) ere egin ditu baheketak. Aste honen hasieran Nafarroako Gobernuak iragarri du, halaber, baheketak eginen dituela Milagron, Acedon eta Mendazan.

Osasun agintarien partetik, kezka agerikoa da. Atzo bertan Gotzone Sagardui Eusko Jaurlaritzako Osasun sailburuak ohartarazi zuen bilakaera epidemiologikoa «hazkunde fasean» dagoela, eta aurreikusi zuen datozen egunetan intzidentzia tasak «igoera moderatua» izango duela. Horiek horrela, baheketetan parte hartzea garrantzitsua dela oroitarazi dute sarri askotan osasun agintariek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ursula von der Leyen Europako Batzordeko lehendakariaren artxiboko irudi bat. ©OLIVIER HOSLET / EFE

Txertoen patenteak kentzearen gainean eztabaidatzea onartu du Europak

Maria Ortega Zubiate

Herrialde ekoizleei dei egingo diete «esportazioa baimendu eta hornikuntza kateak oztopatzen dituzten neurriak deuseztatzeko». Europako Batasuna da «munduko txerto esportatzaile nagusia». AEBek babestu egin dute txertoei patentea kentzea.

Iñigo Urkullu Eusko Jaurlaritzako lehendakaria, gaur, Eusko Legebiltzarrean. ©David Aguilar / Efe

Jaurlaritzak ez dio helegiterik jarriko EAEko Auzitegi Nagusiaren erabakiari

Berria

Urkulluk esan du soilik auzitegiak onartutako neurri murriztaileak sartuko dituztela alarma egoeraren ondorenerako aterako duten dekretuan. «Bermeak» nahi ditu, eta errekurtsoa jartzeak «ziurgabetasun aldi bat» sortuko lukeela uste du.

PCRak egiteko eremua, Nafarroako Ospitale Gunean. ©IÑIGO URIZ / FOKU

Apaltzerik ez, hirugarren egunez: 809 positibo Hegoaldean

Ion Orzaiz

13.965 PCR eta antigeno test egin dituzte Osakidetzak eta Osasunbideak, eta positibotasuna apur bat igo da, %5,8raino

Euskara azterketa, atzo, Barakaldoko BECen. ©BERRIA

Ia 17.000 ikasle ari dira atzoz geroztik HABEren euskara azterketa egiten

Gotzon Hermosilla

Arabako, Bizkaiko eta Gipuzkoako deialdiez gain, Madrilgo eta Bartzelonako Euskal Etxeetan ere egingo dute euskara azterketa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna