Albistea entzun

Abel Azkona artistaren aurkako auzia artxibatu dute berriro

Abokatu Kristauak elkarteak jarri zuen artista nafarraren aurkako salaketa, «sentimendu erlijiosoen aurkako delitua» egotzita, erakusketa batean 'pederastia' hitza ostiekin osatzeagatik.

Abel Azkona, epaitegira bidean, deklaratzera joaten, 2016an.
Abel Azkona, epaitegira bidean, deklaratzera joaten, 2016an. Iñigo Uriz / Foku Tamaina handiagoan ikusi

Ane Eslava -

2021eko apirilak 14

Artistak berak sare sozialen bidez eman du justiziaren erabakiaren berri: Bergako (Katalunia) auzitegiak erabaki du Abokatu Kristauak elkarteak haren aurka zabaldutako auzia artxibatzea, hiri horretan 242 ostiarekin pederastia hitza osatzen zuen Amen obra erakutsi izanagatik.

Nafarroako Probintzia Auzitegiak 2017an artxibatu zuen Azkonaren aurkako beste auzi bat, obra beragatik. Kasu hartan, Nafarroako Eliza Katolikoak kereila bat aurkeztu zuen artistaren aurka, profanazio eta erlijio sentimenduen aurkako irain delituak egotzita, 2015ean Iruñeko Erorien Monumentuan obra hori jarri ondoren, Desenterrados erakusketan. Espainiako Gobernuak Nafarroan duen ordezkaritzak eta Abokatu Kristauen elkarteak salaketarekin bat egin zuten.

Abokatu Kristauak, tematutap>

Baina auzia artxibatu ondoren, abokatu ultrakatolikoek aurrera jarraitzea erabaki zuten, eta iragarri zuten hainbat salaketa aurkeztuko zituztela, Azkonak obra hori erakusten zuen tokietan. Palman eta Murtzian, esaterako, elkarteak mehatxua adierazi besterik ez zuten egin; baina Bergan, berriz, kereila jarri zuten, eta salaketak ibilbidea izan du.

Bergako epaileak hiru aldiz deitu zuen Azkona deklaratzera, baina artistak desobedientziaren alde egin, eta auzitegira ez joatea erabaki zuen. Haren aurkako bilatze eta atxilotze agindua ezarri zuten, eta Azkona Lisboara joan zen.

Azkenik, borroka judizial luze baten ostean, Azkonak sare sozialen bitartez adierazi du epaitegiak ez duela jada bere aurkako auzirik zabalik. Pozik agertu da, atxilotua izateko beldurrik gabe Espainiako Estatura itzuli ahal izango delako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

James Joyceren <em>Ulises</em>-ek mendea bete du aurten. ©BERRIA
Bilboko Arte Ederren museoko 18. gela hartzen dute Rubensen lanek. ©OSKAR MATXIN EDESA / FOKU

2025ean nahi dute zabalik Bonnat museoa

Iñigo Astiz

Guztira, 4.000 metro koadro izango ditu Baionako Bonnat-Helleu museo berriak, eta maileguak egiten hasteko asmoa dute
Claudia Pages artista eta Clara Montero Tabakalerako kultur zuzendaria, Lau Pareta aretoan. ©GOTZON ARANBURU / FOKU

Gerundioaren buelta biolentoa

Itziar Ugarte Irizar

Claudia Pagesen 'Gerundi circular' bideo instalazioa jarri dute ikusgai Tabakaleran, urtarrilera arte
Inazio Mujika, Aintzane Atela, Miren Arratibel, Manu Lopez eta Joxean Muñoz, gaur goizean, Donostian. ©Gorka Rubio / Foku

Edith Wharton batu da Literatura Unibertsala bildumara

Itziar Ugarte Irizar

Egile estatubatuarraren 1911ko ‘Ethan Frome’ nobela laburra euskaratu dute Miren Arratibelek eta Aintzane Atelak. Izen bereko pertsonaiaren gorabeherak ditu ardatzean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...