Albistea entzun

Okupazioa

Desokupa enpresak etxe okupatu bat hustu du Abadiñon, protesta artean

Herritar talde batek salatu du mehatxupean bota dituztela etxean bizi zirenak, eta Ertzaintza oldartu egin zaie protestara batu direnei.

Ertzainak eta protestara batu diren herritarrak, eraikinaren inguruan.
Ertzainak eta protestara batu diren herritarrak, eraikinaren inguruan. Anboto Tamaina handiagoan ikusi

Berria -

2021eko apirilak 15 09:13

Espainian ezaguna da Desokupa enpresa. Okupatutako etxeak husten dituzte «bortxaz eta modu oldarkorrean», hainbat elkartek salatu izan dutenez. Gaur, Abadiñoko (Bizkaia) Zelaieta auzoko Alfredo Baeschlin kalean dagoen etxe bat hustera joan dira. Etxe barruan zeudenak atera egin dira, enpresako kideek emandako agiri bat sinatu ostean, Ertzaintzaren iturriek Anboto atariari adierazi diotenez. Lekukoek, ordea, salatu dute «mehatxu» artean sinarazi dietela agiri hori.

Azaldu dutenez, Desokupako «zortzi-hamar» kide joan dira eraikina husteko asmoz, eta haien aurrean protesta egitera joan dira Abadiñoko hogeitik gora herritar. «Faxistak gure kaleetatik kanpora!», oihukatu dute.

Ertzainak ere joan dira gero, eta borraz jo dituzte protestan elkartu direnak.

Arratsaldean, kontzentrazioa

Desokupa faxista kanpora lelopean, kontzentrazio batera deitu dute enpresa horren kontra, 19:30ean, Abadiñoko Ferialeku plazan.

Durangaldeko Ahal Dugu-k «kezka» agertu du gertatu denarekin. Haien ustez, eskuin muturrak sustatzen duen diskurtsoak «jarrera oldarkorrak» hauspotzen ditu. «Enpresa horretako kideak boxeolari eta paramilitar ohiak dira, eta lotura estua dute eskuin muturrarekin», alderdiaren hitzetan. Bat egin dute arratsaldeko kontzentrazioarekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iñigo Urkullu Eusko Jaurlaritzako lehendakaria, Labiren bileran, gaur. / ©Jon Usual, EFE

Eusko Jaurlaritzak onartu egin du EAEko Auzitegi Nagusiaren erabakia

Jon Ordoñez Garmendia - Paulo Ostolaza

Igandean libre izango da Hego Euskal Herrian mugitzea. Ostalaritzak 22:00ak arte irekita egon ahalko du Araban, Bizkaian eta Gipuzkoan, eta Jaurlaritzak indargabetu egin ditu joko aretoei eta barneko kirol jarduerei zegozkien debekuak ere. Neurriak igandean jarriko dituzte indarrean.

Lekarozko lurretan, Aroztegia jauregiaren inguruan egin nahi dute makroproiektua. ©Andoni Canellada / FOKU

Aroztegiko proiektua bertan behera uzteko manifestazioa deitu dute hilaren 15erako

Berria

Elizondoko plazatik aterako da manifestazioa Landa eremua defendatu! Aroztegia gelditu lelopean. 

Tabernek aukera izanen dute 22:00ak arte irekitzeko. Irudian, Iruñeko taberna bat. ©IÑIGO URIZ / FOKU

Zer aldatuko da igandetik aurrera?

Ion Orzaiz

Euskal Herria banatzen duten hiru eremu administratiboetan bide orri propioak ezarri dituzte, neurri murriztaileen arintzea kudeatzeko.

Langileak, gaur eguerdian zuloa agertu den inguruan ©EH Bildu Donostia

Beste zulo bat agertu da Donostiako metroaren obretan

Irati Urdalleta Lete

Kontxako kabinetan forjatuaren azpian agertu da zuloa. Euskal Trenbide Sarearen arabera, ez du haren egituran eraginik izan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna