Albistea entzun

Aroztegia

Guardia Zibila Aroztegiaren aurkako kanpalditik joan da

«Poliziaren presentzia handia» izan da arratsaldean, baina ez dute hustu. 80 herritar inguru gerturatu direla azpimarratu dute.

Guardia Zibila Aroztegiaren aurkako kanpaldian, ostiralean
Guardia Zibila Aroztegiaren aurkako kanpaldian, ostiralean Iñigo uriz / foku Tamaina handiagoan ikusi

Irati Urdalleta Lete -

2021eko apirilak 19

Aroztegiko proiektuaren kontra Lekaroz herrian (Baztan, Nafarroa) egiten ari diren kanpaldia husteko arriskuan dagoela ohartarazi dute arratsaldean, baina Guardia Zibila bertatik joan da, kanpaldia hustu gabe. «Poliziaren presentzia handia» zegoela ohartarazi dute  arratsaldean, eta herritarrei kanpaldia babestera joateko deia egin diete. Deialdiak izan du erantzuna: 80 herritar inguru bildu dira, Ariztegik esan duenez. Kanpaldiaren helburua Aroztegiko proiektua bertan behera uztea da; hots, Lekaroz herrian 228 etxebizitza, hotel bat eta golf zelai bat egiteko proiektua geldiaraztea.

Goizean ere Guardia Zibila kanpalekura hurbildu da, baina bertan zeudenek elkarri helduta harresi bat egin dute, eta ez dute lortu handik botatzea, Ariztegik azaldu duenez. Gainera, gaur astelehena izaki, berriz ekin diete proiektua eraikitzeko lanei, baina Ariztegik azpimarratu du lanak gelditzea lortu dutela. Orain ere «herri harresi bat» egiteko asmoa dutela ziurtatu du, kanpaldia egiten jarraitu ahal izateko: «Gure helburua hor jarraitzea da, tinko». «Garaipen txiki bat» izan dutela nabamendu du Ariztegik: makina bat Iruñera bueltan eraman dute.

 

Ez da Guardia Zibila kanpaldira joaten zaien lehen aldia. Ostiralean bertan, ekintza hasi berritan, lehenengo aldiz joan zitzaizkien, eta larunbatean ere bi aldiz izan ziren bertan, baina ez zuten lortu herritarrak handik botatzea.

Kanpaldia ez da proiektuaren aurka egiten ari diren mobilizazio bakarra: joan den larunbatean, Lekarozko plazan elkarretaratzea egin zuten, eta maiatzaren 15ean, 17:30ean, manifestazioa egingo dute Elizondoko plazatik hasita (Baztan, Nafarroa).

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Herritar bat txertoa jartzen, Baionako txertaketa gunean. ©Guillaume Fauveau

Hego Euskal Herriko herritarrak Ipar Euskal Herrian txertatzeko irizpideak zehaztu dituzte

Berria

Iparraldean bizi behar da bertan txertoa hartzeko. Halere, lehen dosia Iparraldean hartu duten Hego Euskal Herritarrek bigarren dosia hartzen ahalko dute leku berean.

Euskarazko hezkuntzaren aldeko elkarretaratzea Nafarroako Parlamentuaren aurrean ©Idoia Zabaleta / FOKU

Euskaraz ikasi nahi dutela aldarrikatzeko, dozenaka lagun bildu dira Nafarroako Parlamentuaren aurrean

Olaia L. Garaialde

Uztailaren 2an Baluarte plazatik abiatuko den manifestazioan parte hartzeko deia egin dute LAB, Steilas eta ELA sindikatuek.

Heriotza duinaren lorratzetan

«Eskubideei buruz ari gara eutanasiaren gaiaz mintzo garenean»

Berria

Eutanasiari buruzko ikus-entzunezko berezi bat egin du BERRIAk: 'Heriotza duinaren lorratzetan'. Eutanasiari berari eta legeari buruz hitz egiten du, hiru elkarrizketaturen ahotik.

Zarauzko hondartza olatu handiekin. ©Andoni Canellada/ FOKU

Bizkaiko eta Gipuzkoako kostaldea itsas mailaren igoerara egokitu nahi dute

Iñaki Agirre Perez

Klima aldaketak Hegoaldeko itsasertzean izan ditzakeen ondorioei aurre egiteko plan bat garatzen ari da Jaurlaritza, 2100erako itsas maila 80 zentimetro igo daitekeela aurreikusita.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.