Albistea entzun

Bihar BERRIA-n

Nola irakurri du Sarrionandia haren osteko belaunaldiak?

Sarrionandiaren Euskal Herriratzea baliatuz, 1970eko hamarraldian jaiotako lau idazle haren obraren gainean solastatu dira: Harkaitz Cano, Irati Jimenez, Eider Rodriguez eta Kirmen Uribe. Kantu bilakatutako poemei buruz ere aritu dira.

IDOIA BERATARBIDE ARRIETA Tamaina handiagoan ikusi

Berria -

2021eko apirilak 24 08:32

Joseba Sarrionandia idazlearen itzulerak asaldura eragin du Euskal Herrian. Itzal handiko idazlea da, literatur genero nagusi guztiak jorratu izan ditu, eta 1985ean Martuteneko kartzelatik ihes egin eta erbestera jo zuenetik, misteriozko eta miresmenezko aura baten inguratu du. Arrasto nabarmena utzi dute haren poesia, narratiba eta saiakera lan askok. BERRIAk lau idazlerekin hitz egin du arrasto horri buruz, eta igandeko egunkarian argitaratuko du haiek esandakoekin osatutako erreportajea.

Sarrionandia idazle berezia da Harkaitz Cano, Irati Jimenez, Eider Rodriguez eta Kirmen Uriberentzat. Gaztetxotan egin zuten topo haren literaturarekin, eta bakoitzak bere istorioa du Sarrionandiaren liburuekin.

«Izkiriaturik aurkitu ditudan ene poemak besapeko liburua izan zen niretzat, ez soilik liburuarengatik beragatik baita Sarrionandiaren jarreragatik ere. Idazlearen eta itzultzailearen arteko mugak lausotzen ditu hor; avant la lettre, hipertestu bat zen hura», azaldu du Canok.

Sarrionandiak ipuingintza modernoaren atea zabaldu zuela uste du Jimenezek: «Fundazionala da narratiba laburraren arloan, eta ez dut uste hori aitortu zaionik. Gure literatura garaikidean, bera izan da ipuin kontalari magikoen genealogia inauguratu duena. Kontua da ez diogula ipuinari baliorik ematen, literatura heldugabea dugulako, eta oso antimodernoak garelako».

Ni ez naiz hemengoa liburuak aldaketa bat eragin zion Rodriguezi euskal literatura eta euskara bera jasotzeko moduan: «Ez nuen horrelakorik inoiz irakurri. Batetik, Kafka, Maiakovski edo Nietzsche; bestetik, Joxe Migel Barandiaran, Milia Lasturkoa edo Jon Mirande. Biolentziaren inguruko gogoetak hizkuntzaren ingurukoen aldamenean emanak zetozen. Inpaktu handia eragin zidan».

Uribe ere Ni ez naiz hemengoa-k hunkitu zuen bereziki: «Kartzela barruan nola irakurtzen ote zuen hainbeste, eta iturri ezberdinetatik. Jakin-min eta ezagutza handia azaltzen ditu». «Idazle konpletoa» iruditzen zaio, genero guztietan fina.

Musikari ugarik sortu dituzte kantuak Sarrionandiaren hitzekin, eta lau idazleek horien artean haientzako kutunenak ere aukeratu dituzte.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Kepa Junkera, erdian, gaur Bilboko Arte Ederren museoan egindako liburuaren aurkezpenean ©Aritz Loiola/ Foku

Kepa Junkerak bere obra osoa berrikusten duen arte liburua kaleratu du

Iñigo Astiz

Musikariaren diskografia osoa errepasatzen du Berpiztu lanak, eta, gainera, 40 artistak propio sortutako obra bana eta Junkerak sortutako kanta guztien partiturak ere badakartza. Musikariak berak parte hartu du argitalpenaren aurkezpenean.

 ©Joanes Etxebarria

«Anitz egin da hitz berrien asmatzeko, baina zahar anitz galdu ditugu»

Joanes Etxebarria - Ipar Euskal Herriko Hitza

Liburu edo pastoraletan, historia landu du bereziki, olerkiekin batean. Idazlan luzeak gehiago ez egitea deliberatu du. Uste du aitzinatu dela euskararen alorrean, baina lan asko dela egiteko.

<em>Maus</em> liburuko lau bineta. ©ASTIBERRI

Saguen txilioak holokaustoan

Uxue Rey Gorraiz

Gurasoek holokausto nazian bizitakoetan oinarrituta sortu zuen Art Spiegelmanek 'Maus' komikia. Pulitzer saria irabazi zuen 1992an. Euskarara ekarri dute berriki.

Soinu txikia XIX. mendearen amaieran hedatu zen Euskal Herrian. ©BERRIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...