Albistea entzun

India 18 milioi kasura heldu da azken orduetan

 

Aldaera indiarra

Arantxa Elizegi Egilegor -

2021eko apirilak 29 11:33

Oxigenoa lortzea jarri du lehentasuntzat Narendra Modi lehen ministroaren gobernuak. Indiako erietxeek joan den astean iragarri zuten koronabirusak jotako gaixoentzako oxigenorik gabe geratuak zirela, eta botikak ere amaitzen ari zitzaizkiela. Azken orduetan, gainera, inoizko kutsatu gehien atzeman dute: 379.257. Horiekin, 18 milioi pasa dira herrialde hartan atzemandako positiboak, eta 204.832 hildakoak —horietatik 3.600, azken 24 orduetan—.

Kutsatzeak gutxitze aldera, gobernuak iragarri zuen atzo aplikazio berri bat jarri zuela martxan 18 urtetik gorako guztiek txertaketarako ordua hartu zezaten. Herritarrek, baina, salatu zuten hura abian jarri eta ordu gutxira kolapsatu egin zela, eta hainbat orduz erorita egon zela ataria; berriz martxan jarri zenerako, ez zegoen txandarik libre. Txertaketa kanpaina indartsu hasi zuten urtarrilean, baina motelduz joan da asteek aurrera egin ahala. Egun, 1.400 milioi herritarretatik %10ek bakarrik jaso dute lehen txertoa, eta soilik %1,5ek biak.

India da txerto gehien ekoizten duten herrialdeetako bat, baina, gobernuak 45 urtetik gorakoak txertatzen hasteko baimena eman zuenetik, horiek ere bukatuz joan dira. Oposizioak leporatu dio lehen ministroari txertoak atzerrira saldu izana herritarrentzako dosiak bermatu gabe.

Nazioarteari eskatu dio laguntza New Delhik, eta jaso du erantzunik. AEBek iragarri dute 83 milioi euroko laguntza emango diotela herrialdeari botika eta bestelako baliabideetan, besteak beste, mila oxigeno bonbona eta N95 motako 15 milioi maskara, baita AstraZeneca txertoaren hogei milioi dosi ere. Laguntza bihar hasiko da heltzen. Errusiak ere bi hegazkin bidali ditu Indiara, zaintza berezietarako hainbat baliabiderekin.

Munduan biztanle gehien duen herrialdeko hamar estatutan biltzen dira kutsatzeen %74. Horietatik, Maharashtra eta New Delhi dira okerren daudena, eta, ondorioz, itxialdia ezarri dute agintariek bietan. Pandemiak osasun sistema ez ezik hileta guneak ere kolapsatu ditu. Hiriburuan, aparkalekuak errausketa gune bilakatu dituzte hainbat auzotan. Bien bitartean, herritarrak gaixo dituzten senideentzako botika eta oxigeno bila dabiltza —biak ala biak amaituta daude bai ospitale eta bai botiketan—.

Ez dago argi zerk eragin duen Indian bigarren olatuak horren gogor jo izana. Baina adituek uste dute birusaren aldaerak, eta batez ere B1617 aldaerak, zeinak bi mutazio izan dituen eta askoz ere kutsakorragoa den, zerikusia izan duela, segurtasun neurriak ez betetzearekin batera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Jordi Sanchez eta Pere Aragones, artxiboko irudi batean. ©Eric Fontcuberta / EFE

ERCk eta Juntsek oinarrizko ituna adostu dute, elkarrekin gobernua osatzeko

Edu Lartzanguren

ERCk Barne Departamenduaren ardura hartuko du, lehen aldiz, Kataluniako hainbat hedabideren arabera. Eguerdian prentsaurrekoa eman dute Pere Aragonesek eta Jordi Sanchezek, egoera desblokeatu duen ituna azaltzeko.

Palestinako erreskate taldeak jende hondakinetatik ateratzeko lanean, atzo, Israelek erakina suntsitu ostean. ©Mohammed Saber / EFE

Israelek 200 lagun baino gehiago hil ditu dagoeneko Gazan

Edu Lartzanguren - Julen Aperribai

Atzoko erasoetan 42 lagun hil zituzen. Nazio Batuen Erakundearen Segurtasun Kontseilua atzo bildu zen, baina ostera ere ez zen gai izan adierazpen bateraturik adosteko, AEBek eragotzita.

Larrialdi zerbituetako kideak zaurituak eramaten. / ©Atef Safadi, EFE

Bi pertsona hil dira Zisjordanian, sinagoga bat erorita

Arantxa Elizegi Egilegor

Poliziaren arabera, 650 lagun zeuden Givat Zeev kokaguneko gune erlijiosoan. Eraikinak ez zituen oraindik beharrezko baimenak.

Botoak zenbatzen, bart, Santiagon. / ©EFE

Independenteak eta ezkerra nagusi Txileko batzorde konstituziogilerako bozetan

Arantxa Elizegi Egilegor

Zerrenda bakarrean bilduta aurkeztu diren eskuineko alderdiek ez dute lortu eserlekuen herenak eskuratzea, eta 155 aulkitik 38 bakarrik lortu dituzte. Boto gehien jaso duen ezkerreko hautagaiari eginiko elkarrizketa argitaratu zuen BERRIAk larunbatean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.