Albistea entzun

Datuak

Azken bi hilabeteetan birusarekin jende gehien hil den astea izan da aurrekoa

Gutxienez 70 lagun zendu dira gaitzak jota astebetean Hegoaldean. Osakidetzak eta Osasunbideak 15.000 test egin dituzte asteazkenean, eta 1.057 kasu atzeman dira.

PCRak egiteko gunea, Nafarroako Ospitalean.
PCRak egiteko gunea, Nafarroako Ospitalean. Iñigo Uriz/FOKU Tamaina handiagoan ikusi

Uxue Rey Gorraiz -

2021eko apirilak 29

Otsailetik erregistratutako daturik beltzena izan da birusarekin loturiko heriotzei dagokienez. Apirilaren 19tik 25era gutxienez 70 pertsona zendu ziren Hego Euskal Herrian, Nafarroako Gobernuak eta Eusko Jaurlaritzak emandako informazioaren arabera. Denbora tarte horretara arte, gaitzarekin hildakoen kopurua otsailaren 22tik 28ra bitarteko astean izan zen langa horretatik gorakoa azkenekoz. Hartan, 73 pertsona hil ziren birusarekin.

Birusaren transmisioari buruzko adierazleei dagokienez, kutsatuen kopuruak bigarren egunez jarraian gainditu du mila kasuren langa Hego Euskal Herrian. Atzo 14.800 diagnostiko proba egin ziren guztira, eta 1.057 positibo atzeman ziren. Beraz, positiboen portzentajea %7,1 da, atzoko testak oinarri harturik. Hegoaldeko bi osasun sistemek emandako datuak banan-banan aztertuta: Osakidetzak egindako testen %7,3k eman dute positibo; aldiz, Osasunbideak egindakoetan apalagoa da ehunekoa: %5,3.

Atzo atzemandako kutsatuen kopuruak herrialdeka aztertuta, Bizkaian detektatu da kasu gehien: 412. Gipuzkoa du atzetik; izan ere, 386 positibo detektatu dira lurralde horretan. Halaber, Nafarroan 181 kasu izan dira; Araban, 70.

Gainera, ospitaleen egoerari buruzko datuak eguneratu ditu Eusko Jaurlaritzako Osasun Sailak. Emandako informazioaren arabera, atzo 83 lagun erietxeratu zituzten birusagatik. Guztira 719 pertsona daude ospitalean gaitzagatik, eta horietako 192 ZIU zainketa intentsiboetako unitateetan daude. Nafarroako Gobernuak oraindik ez du eman erietxeen gaineko informaziorik.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Aro beltzerako liburu zuria

Gotzon Hermosilla

Zenbait arlotako 40 ikerlarik baino gehiagok 'COVID-19aren Liburu Zuria' aurkeztu dute. Jakintza arlo askotatik aztertu nahi izan dute pandemiak ekarritako egoera. 175 proposamen zehatz egin dituzte, «datuetan oinarrituta»
Nerabe talde bat maskara jantzita, aire zabalean. ©JAGOBA MANTEROLA / FOKU

Nafarroako gazte gehienek pandemiaren eragin emozionala igarri dute

Maria Ortega Zubiate

Ongizatean kaltea igarri badute ere, osasun emozional egokia dutela uste dute gehienek. Nafarroako Gobernuak ikerketa bat egin du
Hego Euskal Herriko ostalariek aukera izanen dute 22:00ak arte irekitzeko. ©IÑIGO URIZ / FOKU

Euskal Herri osoa arintze fasean izanen da bihartik aurrera

Ion Orzaiz - Mikel P. Ansa - Paulo Ostolaza

Jaurlaritzak neurri murriztaile gehienak arindu ditu, epaileen irizpideei men eginda. Hegoalde osoan libre izanen dira joan-etorriak. Txibitek ostalaritza irekitzeko plana aurkeztu du
Iñigo Urkullu Eusko Jaurlaritzako lehendakaria, Labiren bileran. / ©Jon Usual, EFE

Jaurlaritzak helegitea aurkeztuko dio EAEko Auzitegi Nagusiaren erabakiari

Paulo Ostolaza - Jon Ordoñez Garmendia

Goizean epaileek ebatzi dute Jaurlaritzak ez duela eskumenik herritarren joan-etorriak mugatzeko behin alarma egoeraren legea indargabetu eta gero. Etxeratze agindua ezartzeko modurik ez duela ere zehaztu du, eta bilkurak lau lagunetara mugatzeko debekua ere atzera bota du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna