Albistea entzun

Eibarko alkateak gaitzetsi egin du sareetan zabaldu den udaltzainaren argazkia

Argazkian «eskatzen duen guztiari, eman» dioen katilu batekin ageri da Eibarko udaltzain bat. Irudiak gaitzespena eragin du sareetan.

Eibarko udaltzain bat, eskuetan 'eskatzen duen guztiari, eman' dioen katiluarekin.
Eibarko udaltzain bat, eskuetan 'eskatzen duen guztiari, eman' dioen katiluarekin. BERRIA Tamaina handiagoan ikusi

Paulo Ostolaza -

2021eko maiatzak 12 09:38

«Alkate gisa halako mezuak gaitzesten ditut, batetik, ez dutelako Eibarko udaltzainen kolektiboa ordezkatzen, eta, bestetik, egunero egiten duten lana zikintzeko soilik balio dutelako». Hala idatzi zuen atzo Twitterren Jon Iraola Eibarko alkateak (PSE-EE), sareetan zabaldu zen irudi baten inguruan.

Han, Eibarko udaltzain bat ageri da, laneko uniformearekin, eskuetan «Lukas 6:30: eskatzen duen guztiari, eman» dioen katilu batekin. 

Argazkia eta haren mezua gaitzesteaz gain, Iraolak jakinarazi zuen gertatutakoa argitu nahian dabiltzala, eta hartu beharreko neurriak hartuko dituztela: «Gertatutakoa ez da berriz gertatuko, eta ahal dugun guztia egingo dugu hori horrela izan dadin», idatzi zuen.

Irudiko katilua Ertzaintzari buruzko Instagrameko @ertzaintzaa kontuak sustatutakoa da, eta ohikoa da zenbait polizia taldetako kideek Eibarkoaren moduko argazkiak bidaltzea kontu horretara. Besteak beste, ertzainen, udaltzainen, mossoen, espainiako polizien eta guardia zibilen argazkiak ageri dira kontu horretan. Hamabi mila jarraitzailetik gora ditu.

Katiluaren aurreko aldea da irudian ageri dena, eta atzeko aldean, Ertzaintzaren haritz hosto batez gain, hala dio: «Nire etsaiak izan daitezela indartsuak eta ausartak, nik ez dezadan damurik sentitu haiek garaitzean».

Ebangelioa eta polizia

Baina zer da katiluak dioen «Lukas 6:30» hori? Bibliari egiten dio erreferentzia, eta sareetan eskuin muturreko politikariek erabili izan dute. Zehazki, Bibliako pasarte horrek honela dio: «Eskatzen dizun edonori, eman, eta zeurea kentzen dizunari, ez bihurrarazi». Beraz, ondoriozta daiteke testuingurutik kanpo erabilitako esaldi bat dela poliziek darabiltena. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Herritar bat txertoa jartzen, Baionako txertaketa gunean. ©Guillaume Fauveau

Hego Euskal Herriko herritarrak Ipar Euskal Herrian txertatzeko irizpideak zehaztu dituzte

Berria

Iparraldean bizi behar da bertan txertoa hartzeko. Halere, lehen dosia Iparraldean hartu duten Hego Euskal Herritarrek bigarren dosia hartzen ahalko dute leku berean.

Euskarazko hezkuntzaren aldeko elkarretaratzea Nafarroako Parlamentuaren aurrean ©Idoia Zabaleta / FOKU

Euskaraz ikasi nahi dutela aldarrikatzeko, dozenaka lagun bildu dira Nafarroako Parlamentuaren aurrean

Olaia L. Garaialde

Uztailaren 2an Baluarte plazatik abiatuko den manifestazioan parte hartzeko deia egin dute LAB, Steilas eta ELA sindikatuek.

Heriotza duinaren lorratzetan

«Eskubideei buruz ari gara eutanasiaren gaiaz mintzo garenean»

Berria

Eutanasiari buruzko ikus-entzunezko berezi bat egin du BERRIAk: 'Heriotza duinaren lorratzetan'. Eutanasiari berari eta legeari buruz hitz egiten du, hiru elkarrizketaturen ahotik.

Zarauzko hondartza olatu handiekin. ©Andoni Canellada/ FOKU

Bizkaiko eta Gipuzkoako kostaldea itsas mailaren igoerara egokitu nahi dute

Iñaki Agirre Perez

Klima aldaketak Hegoaldeko itsasertzean izan ditzakeen ondorioei aurre egiteko plan bat garatzen ari da Jaurlaritza, 2100erako itsas maila 80 zentimetro igo daitekeela aurreikusita.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.