Albistea entzun

Nafarroako Kultur programa ekainaren 18tik irailaren 4ra egingo dute

Nafarroako 38 herri eta hiritara zabalduko da, iaz baino bira gehiagora. Parte hartzaileen artean 28 artista nafar izango dira, eta kanpoko beste hamar.

Rebeca Esnaola eta Santos Indurain kontseilaiak, Juan Carlos Castillo eta tokiko erakundeetako eta konpainietako ordezkariekin.
Rebeca Esnaola eta Santos Indurain kontseilaiak, Juan Carlos Castillo eta tokiko erakundeetako eta konpainietako ordezkariekin. Nafarroako Gobernua Tamaina handiagoan ikusi

Ane Eslava -

2021eko ekainak 1 15:23

Kultura eta lurraldea uztartzen dituen Nafarroako Gobernuaren programa bat da Kultur. Uda oro antolatzen dute, eta kultura foru erkidegoaren herri eta hirietara zabaltzea lortu nahi du. Iaz bezala, aurten ere pandemiak ezartzen dituen baldintzetara moldatuta eta protokolo batzuen pean antolatu dute egitasmoa: ekainaren 18tik irailaren 4ra egingo dute, ostegun, ostiral eta larunbatetan, 38 herri eta hiritan.

Beran hasiko da, hilaren 18an, Hogei Berriro taldearen kontzertu batekin, eta irailaren 4an amaituko da, Tuteran, Pamplona Jazz Band taldearen emanaldiarekin, eta Artaxoan, La niña hiloren kontzertuarekin. Toki horietara ez ezik, Tafalla, Orbaizeta, Gares, Zugarramurdi Elizondo, Uxue, Otsagabia, Corella edota Agoitzera ere hedatuko da. Gaur eman dituzte xehetasun guztiak Rebeca Esnaola Kultura eta Kirol kontseilariak, Santos Indurain Osasun kontseilariak eta Juan Carlos Castillo Nafarroako Udalerrien eta Kontzejuen Federazioko presidenteak. Hemen ikus daiteke programazioa osorik.

Parte hartuko duten musikari eta taldeen artean daude Demode Quartet, Broken Brothers Brass Band, Hagoan, Anne Etxegoien, Juan Mari Beltran, Tenpora, Suakai edota Trikidantz. Aurten, gainera, sorkuntza digitaleko arte plastikoak txertatuko dituzte programazioan. Zehazki, Bertizeko lorategi botanikoan eta erakusketa aretoan zabalduko dute Gua-Mia-Bu artistaren Azken eguzkilorea erakusketa, uztailaren 1etik abuztuaren 31ra bitartean.

Iaz, Kultur programak 4.300 pertsona baino gehiago bildu zituen, eta, Rebeca Esnaola kontseilariaren arabera, aurtengo baldintzak «hobeak» dira; beraz, erantzuna ere positiboa izatea aurreikusten dute. Hain zuzen ere, gizarteak «kultura arnastu» behar duela adierazi du Esnaolak: «Kultura arnastea izan daiteke gizartearentzako baltsamorik onena denontzako zailak diren hilabete hauetan. Kulturaz gozatzea izan daiteke uda hau aprobetxatzeko modu egokia».

«Kultura osasuna da»

Esnaolak zehaztu duenez, egitasmoaren helburuak dira «kalitatezko arte eskaintza zabaltzea lurraldean zehar, tokiko erakundeei kultura hedatzen laguntzea, sektoreari bultzada ematea eta bertako ondarearen balioa nabarmentzea». Kultura Zuzendaritzaren programen artean lurraldeari lotuen dagoena dela gaineratu du.

Santos Indurain kontseilariak, berriz, azpimarratu du kultura «segurua» dela, eta urte honetan sektoreak erakutsi duela «egoera orotara egokitzeko gaitasuna, osasunaren eta interes orokorraren alde». Gaineratu du «osasunean inbertitzea kulturan inbertitzea» dela, eta aurtengo uda «inoiz baino kulturalagoa» izango dela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Jean Rhys (Roseau, Dominika, 1890-Exeter, Ingalaterra, 1979). ©BERRIA

Klasikoen haize berria

Joannes Jauregi

55 urte bete ditu Jean Rhysen 'Sargazo itsaso zabala' nobelak. Idazle ezezagun samarra zen ordu arte, eta liburuak arrakasta itzela ekarri zion, 76 urte zituela; «berandu», idazlearen esanetan.

Pierre Huygheren Untilled lana (2011-2012), Documenta 13n. Vila-Matasen eleberrian gehien agertzen denetariko bat da. ©ARTISTAREN KORTESIAZ
 ©JAIZKI FONTANEDA / FOKU

«Entelekiatik errealitatera pasatu ginen, eta hemen gaude»

Andoni Imaz

Pozak eta minak kantuan eman ditu 40 urte baino gehiagoan, kantaera dotore eta sakonarekin. Taldean aritu da beti, «inoiz ez delako bakarrik lan egiten». Hala ere, ondo daki zer den bere kasa ibili beharra.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.