Albistea entzun

Indarkeria

B-Egiaz plataformak iragarri du «bide berriak» jorratuko dituela «GALen atzean nor egon zen» jakiteko

Ostiralean agerraldia egingo dute Madrilen, eta Auzitegi Nazionaleko fiskaltzak haien eskaerei emandako erantzuna jakinaraziko dute

Pili Zabala eta Maria Jauregi, Foro Sozialak 2019an egindako topaketa batean.
Pili Zabala eta Maria Jauregi, Foro Sozialak 2019an egindako topaketa batean. Jon Urbe - Foku Tamaina handiagoan ikusi

Gotzon Hermosilla -

2021eko ekainak 1 17:29

Joan den otsailean BERRIAri emandako elkarrizketa batean, Pili Zabalak iragarri zuen plataforma berri bat sortu zutela «GAL ikertzeko» eta talde horren atzean nortzuk zeuden jakiteko, auziari buruz prentsan agerturiko informazio berrien karietara. B-Egiaz da plataforma berri horren izena, ehun bat lagunek osatzen dute, eta datorren ostiralean agerraldia egingo dute Madrilen.

Plataformaren lehenengo ekinbideetako bat izan zen Gipuzkoako Auzitegiko fiskaltzari eskaera bat egitea, agerturiko informazio berrien argitara –adibidez, Felipe Gonzalez Espainiako gobernuburu ohia GALekin lotzen zutenak– diligentziak ireki zitzan, GAL taldea nork antolatu zuen ikertzeko, orain arte auzipetuak izan ez diren zenbait pertsonak horretan esku hartzea izan zutelakoan. Gipuzkoako fiskalburu Juan Kalparsorok Espainiako Auzitegi Nazionaleko fiskaltzari igorri zion eskaera. Ostiraleko agerraldian, B-Egiaz plataformakoek jakinaraziko dute zein izan den fiskaltzaren erantzuna.

Edonola ere, B-Egiaz plataformak iragarri du «ekinbide berriak» abian jarriko dituztela, «behingoz estatu krimen hauen inguruan egia osoa eta sustatzaileak nortzuk izan ziren jakite aldera».

Agerraldian, Pili Zabalarekin batera, parte hartuko dute Maria Jauregi ETAk hildako Juan Maria Jauregiren alabak, Juan Diego Botto aktoreak eta Maria de Olmo historialariak.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bakartxo Ruiz, parlamentuan, eta atzean Maria Txibite gobernuko lehendakaria, ekainean. ©Idoia Zabaleta / Foku

Nafarroako Gobernuak eta EH Bilduk akordioa lortu dute aurrekontuei buruz

Joxerra Senar

Oraindik ere ez da erabateko akordioa, eta zerga neurrien inguruan ados jartzea falta dela azpimarratu du Bakartxo Ruizek. Haren esanetan, «akordioa osoa izan arte» ez dute xehetasunen berri emango. Gobernua baikor azaldu da 2022an aurrekontuak izateko bidean.

Zemmourren kanpaineko afixa bat, Angelun (Lapurdi). ©Guiilaume Faveau

Jende andana bildu da Miarritzen Eric Zemmour eskuin muturreko polemistaren aurka

Ekhi Erremundegi

Besteak beste, LAB sindikatuak, EH Baik eta Les Bascos LGBT kolektiboak egin dute deialdia. Oraindik ofizialki deklaratu ez bada ere, Frantziako presidentetzarako hautagaitza prestatzen ari da Zemmour, 2022ko bozetarako.

 ©EH BILDU

EH Bilduk estatutuaren «agortzea» nabarmendu du; PSE-EEk, ekarpenak

Maddi Ane Txoperena Iribarren

Urkulluk azaldu du «bete gabe» dagoela eta 30 eskumen lekualdatzeke daudela oraindik ere. PPk estatutuaren «deuseztatze» nahia salatu du

Urkullu, gaur, herritarren galderak erantzuten. ©Irekia

Urkulluk esan du «bateragarriak» direla pentsio minimoa hobetzea eta AHTa egitea

Edu Lartzanguren

Herritarrek eginiko hogei galderari erantzun dio Iñigo Urkullu lehendakariak, '#UrkulluTopaketa' egitasmoaren barruan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.