Albistea entzun

Albiste faltsuak

Foruzaingoak ukatu egin du Nafarroan saileko hiltzaile bat dagoenik

Sare sozialetan Poliziaren izenean dabilen mezu faltsu bat gezurtatu dute. Herrialdean azken asteotan aurkituriko gorpuen kasuak oker lotzen ditu, eta asteartean beste bat agertu zela adierazten du, hori ere gaizki.

Maiatzaren 31ean Iruñeko ekialdeko Beloso auzoan aurkituriko gorpuzkiak aztertzen. Besteak beste, kasu hori erabili dute gezurrezko mezua zabaltzeko.
Maiatzaren 31ean Iruñeko ekialdeko Beloso auzoan aurkituriko gorpuzkiak aztertzen. Besteak beste, kasu hori erabili dute gezurrezko mezua zabaltzeko. Foruzaingoa Tamaina handiagoan ikusi

Edu Lartzanguren -

2021eko ekainak 10 10:21

«Poliziok ez dugu Whatsappen bidez informatzen, are gutxiago larritasuna sortzen duten delituen inguruan». Twitterren mezu hori jarrita, sare sozialetan dabilen gezur bat salatu nahi izan zuen Nafarroako Foruzaingoak atzo. Txioan, Whatsappen bolo-bolo dabilen mezuaren irudi bat partekatu zuen Foruzaingoak. Horretan, Nafarroan saileko hiltzaile bat dagoela esaten zuten, herrialdean azken asteotan aurkituriko gorpuzkien aferak faltsuki lotuta.

Biral eginiko gezurrezko mezuak testu hau dauka: «Foruzaingotik adi ibiltzeko eskatu nahi diegu herritarrei. Azken hilabeteotan lau gorpu aurkitu dira gure erkidegoaren hainbat gunetan. Maiatzaren 13an hilotz bat agertu zen Orkoiengo hondakin planta batean. Apirilaren 25ean, kiskalitako gorpu bat topatu genuen Tuterako txabola batean. Ekainaren 1ean, emakume baten gorpuzkiak aurkitu genituen Belosoko etxola batean. Azkenean, gaur, ekainaren 8an, beste gorpu bat agertu da Vinculo plazako lan batean, hiriaren erdian. Hedabideei esan diegu jendea ez larritzeko, aurretik aipaturiko gorpuetako bat dela. Halere, egoera kezkagarria da. Zantzu eta froga askok garamatzate ziurtatzera saileko hiltzaile bat dabilela geure kaleetan».

Txantrean apirilaren 17ko beste gertaera bat hilketekin lotzen du mezuak. «Lasaitasuna eskatzen dugu, eta, batez ere, kalera gauean bakarrik ez irteteko. Hiltzaile horren biktimarik gogokoenak bakarrik dagoen jendea eta eskean dabiltzanak dira». Gezurrezko mezua amaitzen da informazio eske batekin, Foruzaingoari 092 zenbakira deituta. Telefono hori Udaltzaingorena da.

Hainbat hedabideetan zabalduriko informazio oker batean oinarritu da mezua, asteartean beste gorpu bat agertu dela esateko. Nafarroako telebista eta irrati batek zabaldu zuten hori asteartean. Ez zen gorpurik agertu. Foruzaingoa Orkoien agertutakoa ikertzen ari zen, besterik gabe.

Edonola ere, mezua bolo-bolo zabaldu da Nafarroan, eta Foruzaingoak gezurtatzea erabaki du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Herritar bat txertoa jartzen, Baionako txertaketa gunean. ©Guillaume Fauveau

Hego Euskal Herriko herritarrak Ipar Euskal Herrian txertatzeko irizpideak zehaztu dituzte

Berria

Iparraldean bizi behar da bertan txertoa hartzeko. Halere, lehen dosia Iparraldean hartu duten Hego Euskal Herritarrek bigarren dosia hartzen ahalko dute leku berean.

Euskarazko hezkuntzaren aldeko elkarretaratzea Nafarroako Parlamentuaren aurrean ©Idoia Zabaleta / FOKU

Euskaraz ikasi nahi dutela aldarrikatzeko, dozenaka lagun bildu dira Nafarroako Parlamentuaren aurrean

Olaia L. Garaialde

Uztailaren 2an Baluarte plazatik abiatuko den manifestazioan parte hartzeko deia egin dute LAB, Steilas eta ELA sindikatuek.

Heriotza duinaren lorratzetan

«Eskubideei buruz ari gara eutanasiaren gaiaz mintzo garenean»

Berria

Eutanasiari buruzko ikus-entzunezko berezi bat egin du BERRIAk: 'Heriotza duinaren lorratzetan'. Eutanasiari berari eta legeari buruz hitz egiten du, hiru elkarrizketaturen ahotik.

Zarauzko hondartza olatu handiekin. ©Andoni Canellada/ FOKU

Bizkaiko eta Gipuzkoako kostaldea itsas mailaren igoerara egokitu nahi dute

Iñaki Agirre Perez

Klima aldaketak Hegoaldeko itsasertzean izan ditzakeen ondorioei aurre egiteko plan bat garatzen ari da Jaurlaritza, 2100erako itsas maila 80 zentimetro igo daitekeela aurreikusita.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.