Albistea entzun

Gizon bat atxilotu dute Donostian, bi pertsona armaz mehatxatu eta etxean gotortu ostean

Bizilagun baten dei baten bitartez joan da Ertzaintza bertara. Lekukoen hitzetan, suzko arma batekin mehatxu egin die bi gizoni. Ondoren, etxean gotortu da.

EFE Tamaina handiagoan ikusi

Berria -

2021eko ekainak 10 10:11

Bart iluntzean gertatu da, 21:00ak aldera: gizon batek beste bi mehatxatu ditu suzko arma batekin Donostiako Antigua auzoan, eta, hori egin ondoren, bere etxean gotortu da. Bizilagun baten dei baten bitartez joan da Ertzaintza bertara, eta lau ordu behar izan dituzte gizona atxilotzeko.

Antza, telefonia enpresa bateko langile bat da atxilotuak mehatxatutako bi lagunetako bat: bezero baten Internet zerbitzua konpontzera joana zen etxebizitza horretara, eta, bizilagunaren solairura igotzean, beste gizona haren ataritik atera eta suzko arma batekin mehatxu egin die berari eta bizilagunari. Une horretan, Internet gabe utzi dutela eta konpondu diezaietela eskatu die erasotzaileak mehatxatuei.

Testuinguru hori ikusita, telefonia enpresara deitu duen bizilagunaren etxean babestu dira bi mehatxatuak, eta, behin babestuta, gertatutakoaren berri eman diote SOS Deiak 112 zerbitzuari.

Deia jaso eta berehala agertu da Ertzaintza, baina susmagarriak ez die bere etxean sartzen utzi. Hori dela eta, polizia agenteek etxebizitzaren inguru guztia hesitu behar izan dute, gizona armatuta egon zitekeelakoan. Lau orduko negoziazioaren ostean, 68 urteko susmagarriak bere burua entregatu du goizaldeko 01: 00ak aldera, erresistentziarik jarri gabe.

Etxebizitza barruan aurkitu dute erabili duen arma, eta, Segurtasun Sailaren arabera, epailearen esku geratuko da datozen orduetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Herritar bat txertoa jartzen, Baionako txertaketa gunean. ©Guillaume Fauveau

Hego Euskal Herriko herritarrak Ipar Euskal Herrian txertatzeko irizpideak zehaztu dituzte

Berria

Iparraldean bizi behar da bertan txertoa hartzeko. Halere, lehen dosia Iparraldean hartu duten Hego Euskal Herritarrek bigarren dosia hartzen ahalko dute leku berean.

Euskarazko hezkuntzaren aldeko elkarretaratzea Nafarroako Parlamentuaren aurrean ©Idoia Zabaleta / FOKU

Euskaraz ikasi nahi dutela aldarrikatzeko, dozenaka lagun bildu dira Nafarroako Parlamentuaren aurrean

Olaia L. Garaialde

Uztailaren 2an Baluarte plazatik abiatuko den manifestazioan parte hartzeko deia egin dute LAB, Steilas eta ELA sindikatuek.

Heriotza duinaren lorratzetan

«Eskubideei buruz ari gara eutanasiaren gaiaz mintzo garenean»

Berria

Eutanasiari buruzko ikus-entzunezko berezi bat egin du BERRIAk: 'Heriotza duinaren lorratzetan'. Eutanasiari berari eta legeari buruz hitz egiten du, hiru elkarrizketaturen ahotik.

Zarauzko hondartza olatu handiekin. ©Andoni Canellada/ FOKU

Bizkaiko eta Gipuzkoako kostaldea itsas mailaren igoerara egokitu nahi dute

Iñaki Agirre Perez

Klima aldaketak Hegoaldeko itsasertzean izan ditzakeen ondorioei aurre egiteko plan bat garatzen ari da Jaurlaritza, 2100erako itsas maila 80 zentimetro igo daitekeela aurreikusita.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna