Albistea entzun

Nondik dator argentinarrak itsasontzietatik datozela dioen esaldia?

Alberto Fernandez Argentinako presidentearen adierazpen batek zeresan handia eman du sare sozialetan.

Pedro Sanchez eta Alberto Fernandez, atzo, Buenos Airesen. /
Pedro Sanchez eta Alberto Fernandez, atzo, Buenos Airesen. / Juan Ignacio Roncoroni/EFE Tamaina handiagoan ikusi

Jon Ordoñez Garmendia -

2021eko ekainak 10 17:53

Eztabaida handia eragin du Alberto Fernandez Argentinako presidenteak atzo Pedro Sanchez Espainiakoari Buenos Airesen egindako harreran esandakoak: «Octavio Pazek behin idatzi zuen mexikarrak indioetatik datozela, brasildarrak oihanetik atera zirela eta argentinarrak itsasontzietan iritsi ginela». XX. mendearen hasieran Hego Amerikara iritsi ziren migratzaileei egin nahi zien aipamena Fernandezek, baina beste zerbaitegatik izan dute oihartzuna: ageri duten arrazakeriagatik eta Octavio Paz Literatura Nobel saridun mexikarrak (1914-1998) ez zuelako horrelakorik inoiz esan. Twitterren berehala zabaldu zen Fernandezek esandakoa Alberto, Octavio Paz eta lotsa nazionala.

«Octavio Paz gajoa, hark ez du errurik», esan du Pablo Avelluto Argentinako Kultura ministro izandakoak. Francisco Sanchez oposizioko diputatuak argitu du zer izan zen Pazek idatzi zuena: «Mexikarrak aztekengandik datoz; perutarrak, inkengandik, eta argentinarrak, itsasontzietatik». Fernandezek ez zuen hori errepikatu, eta indio eta oihan hitzak erabili izanak erabat aldatu dio zentzua Pazek esandakoari.

Fernandezek Pazen ahotan jarri nahi izan duen esaldia Litto Nebbia musikari argentinarraren Llegamos de los barcos (Itsasontzietatik gatoz) kantaren hitzak dira. Nebbia Argentinako rockaren ikurretako bat da, eta Fernandezek berak aitortu izan du haren jarraitzailea eta laguna dela. Hau dio Nebbiaren letrak: Brasildarrak oihanetik datoz; mexikarrak, indioengandik, baina gu, argentinarrok, itsasontzietatik.

Bere hanka sartzeaz jabetuta, Fernandezek barkamena eskatu zuen, baina errurik onartu nahi ez duenaren modura: «Ez nuen inor iraindu nahi izan. Baina, hala ere, inor minduta sentitu bada, barkamena eskatzen diot». Eta argudiatu du: «Berretsi egin da beste behin argentinarrok itsasontzietatik gatozela. XX. mendearen lehen erdian jatorrizko gure herriekin batera bizi izan ziren bost milioi migratzaile iritsi ziren. Gure aniztasuna harro egoteko modukoa da».

Mexikoko presidente Lopez Obradorrek onartu egin du Fernandezen barkamen eskaera. Maximiliano Reyes Zuñiga Mexikoko Latinoamerikarako eta Kariberako Harremanetarako idazkariordeak esan du Latinoamerikako aniztasun etnikoa ezkutatzen duela Fernandezek esandakoak, eta gaineratu du ez dela batere esaldi egokia. «Onartzen dugu barkamen eskaera, eta berretsi egiten dugu gure jatorri indigena», adierazi du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Bortxazko asimilaziorako barnetegi bateko argazkia, datarik gabe. ©Egiaren eta Berradiskidetasunaren Batzordea

Bigarrenez, identifikatu gabeko ehunka gorpu aurkitu dituzte Kanadako barnetegi ohi batean

Jone Arruabarrena

Haur indigenak indarrez asimilatzeko sortu ziren gisa horretako barnetegiak. Maiatzaren bukaeran, beste 215 gorpu aurkitu zituzten beste barnetegi baten lurretan.

San Salvadorren atzemandako doga kargamentu bat. / ©Rodrigo Sura, EFE

Duela hamar urtetik hona %22 areagotu da munduan droga kontsumoa

Arantxa Elizegi Egilegor

Droga salmenta eta kontsumoari buruzko urteko txostena argitaratu du NBEk. Haren arabera, handitu egin da kontsumoa 2010etik hona, eta goranzko joerari eutsiko dio datozen urteetan ere, Afrikan 2030erako %40 gehiago areagotzeraino.

Ezkerretik eskuinera, Rull, Romeva, Cuixart, Junqueras, Turull, Sanchez eta Forn, kartzelatik irten berri. ©QUIQUE GARCIA / EFE

Oriol Junqueras: «Gu espetxetik aterata ez da ezer amaitzen»

Iosu Alberdi

Kalean dira Espainiako Gobernuak indultua eman dien buru independentistak. Autodeterminazioaren eta amnistiaren alde lan egiteko asmoa adierazi dute. Asteartean bilduko dira Aragones eta Sanchez

Libiako lehen ministro Abdulhamid Mohammed Dbeiba, atzo, Berlinen. ©S. G. / EFE

«Atzerriko esku hartzea» amaitzeko deia egin dio nazioarteak Libiari

Arantxa Elizegi Egilegor

Gatazkari buruzko nazioarteko bigarren konferentzia egin dute, Berlinen. Bileran izan dira batasun nazionaleko gobernuko ordezkariak ere

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna