Albistea entzun

Ezbeharra

Hiru dira Josibaiako auto istripuan hil diren ume zuberotarrak

Bi autok elkar jo zuten asteazkenean arratsaldean, eta 8 urteko haur bat hil zen. Haren hemezortzi hilabeteko anaia hil zen atzo, ezbeharrean izandako zaurien ondorioz. Gaur jakinarazi dute amari zesareaz eginda atera zioten umea ere hil egin dela.

Istripuan zauritu zen pertsonetako bat Baionako Ospitalera eraman zuten. /
Istripuan zauritu zen pertsonetako bat Baionako Ospitalera eraman zuten. / Guillaume Fauveau Tamaina handiagoan ikusi

Berria -

2021eko ekainak 11 08:49

Ezbehar oso larria izan zen asteazken arratsaldean Josibaian (Okzitania). Bi autok elkar jo zuten, eta horietako batean zihoan Zuberoako familia bateko 8 urteko haur bat hil zen. Hemezortzi hilabeteko anaia, berriz, larri zauritu zen, eta Paueko ospitalera eraman zuten. Atzo hainbat orduz hil ala bizi egon ostean, hori ere hil egin zen.

Bi haurrak eta ama zihoazen ezbeharra izan zuten autoetako batean. Ama Maulen jaioa da, eta haurdunaldi baten amaieran zegoen. Hori ere Paueko ospitalera eraman zuten helikopteroz, eta zesarea egin zioten. Haur jaioberria ostegun goizaldean jaio zen, baina gaur jakinarazi dute hori ere hil egin dela. Ama egoera egonkorrean dago.

Ezbeharrak oinaze handia eragin du Zuberoako eskualde horretan. Amak Bildoze-Onizepeako (Zuberoa) Tauzin espartin enpresan egiten du lan, eta 8 urteko haurra Onizepeako eskolara joaten zen. Christian Berkaits auzapezak jakinarazi duenez, psikologo talde bat eskolako 70 haur eta irakasleekin hasi da lanean. Hemezortzi hilabeteko haurra Mauleko haur eskolara joaten zen.

Beste autoan 68 eta 67 urteko emakume eta gizon bat zihoazen. Bidosekoak dira (Okzitania), eta Baionako eta Tarbeko ospitalera eraman zituzten. Osasun agintariek jakinarazi dutenez, euren bizitza ez dago arriskutan. Louis Labadot Mauleko alkatea "oso hunkitua" agertu da gertatutakoarekin. Istripuaren nondik norakoak ikertzen ari da Nabarrengoseko Jendarmeriko Polizia.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

ZIUetako gela bat, Nafarroako ospitale gunean. ©Jesus Diges / EFE

Hegoaldean 204 positibo atzeman dituzte

Berria

Positibo eman zuten proben kopurua %3,2koa da.

EH Baiko Anita Lopepe Ainhize-Monjolosen (Nafarroa Beherea) bozkatzen, gaur. ©GuillaumeFauveau

Parte hartzea 2015ean baino baxuagoa izaten ari da departamenduko bozetan

Ekhi Erremundegi Beloki - Paulo Ostolaza

Pirinio Atlantikoetako Departamenduko Kontseilu Nagusia eta Akitania Berria eskualdeko kontseilua hautatuko dituzte gaur Ipar Euskal Herrian.

Gaurko manifestazioko une bat, Bilbon. ©Ongi Etorri Errefuxiatuak Bizkaia

Errefuxiatuentzako bide «seguruak eta legezkoak» eskatu dituzte Hegoaldeko hiriburuetan

Paulo Ostolaza

Errefuxiatuen Nazioarteko Eguna da gaur. Eusko Jaurlaritzak, besteak beste, Siriako bost familiarekin batera egin du ekitaldi bat.

 ©BERRIA

PAIRAMENDUA ETETEKO HITZA

Arantxa Iraola

Hilaren 25etik eutanasia eskariak legezkoak izango dira Hegoaldean: indarrean sartuko da Espainiako Kongresuak martxoan onartutako legea. Duden sorburu dira testuaren zenbait eduki eta legea ezartzen hasteko egon den asti laburra, baina hemen da eskubidea: pairamendu egoeretan noiz hil hautatzekoa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna