Albistea entzun

Gipuzkoa berrabiarazteko unea dela aldarrikatu du Olanok

Legealdiaren erdira iritsita, balantzea egin du Markel Olano Gipuzkoako diputatu nagusiak. Azken hilabeteak «gogorrak» izan direla nabarmendu du, eta gizartea eraldatzen jarraitzeko deia egin du.

Markel Olano diputatu nagusia artxiboko irudian.
Markel Olano diputatu nagusia artxiboko irudian. Juan Carlos Ruiz / FOKU Tamaina handiagoan ikusi

Berria -

2021eko ekainak 11 15:57

2019-2023 agintaldiaren erdia igaro berritan, azken bi urteen balorazioa egin du gaur goizean Markel Olano Gipuzkoako diputatu nagusiak. Azken hilabeteak «oso gogorrak» izan direla onartu du ahaldun nagusiak, eta horren ondotik, orain Gipuzkoa «berrabiarazteko» unea dela aldarrikatu du: «Gure ekonomia eta gizartea eraldatzen jarraitzeko, desberdintasun sozialak geldiarazteko eta, gaurtik aurrera, hurrengo belaunaldien etorkizuna bermatzeko unea da».

Azken hilabete «gogorren» aitzinean, COVID-19aren pandemiak bizitzetan, ekonomian eta gizartean izan dituen efektuei aurre egiteko garaian, gipuzkoarrek «itzelezko lana» egin dutela nabarmendu du. Lan ildoa pertsonen osasun eta bizitzaren babesa, eta datozen belaunaldien etorkizun soziala eta ekonomikoa bermatzeko apustua izan direla aldarrikatu du.

Etorkizunera begira, Gipuzkoak Europa osoan desberdintasun sozial txikienak dituen lurraldeetako bat izan nahi duela azaldu du Olanok. Horrek, Olanoren iritziz, besteak beste, genero berdintasunean, hizkuntza berdintasunean eta lurralde barruko orekan aurrera egitea ekarri beharko luke. Bide horretan, nabarmendu du Elkar Ekin Lanean 2021-2023 enplegagarritasun programa paratu dutela abian Gipuzkoan lanerako aukera inlusiboak ugaritzeko, eta hiru urtean, bazterkeria egoeran dauden pertsonentzako 3.500 lanpostu berri sortzeko.

Azken aldian hildako herritarrak gogoan izan ditu Olanok, eta Osakidetzako eta Gizarte Zerbitzuetako langileei aitortza egin die. Pertsonen osasuna eta bizitza lehentasun izan direla azaldu du, eta hemendik aitzinera ere horrela izaten jarraituko dutela aldarrikatu du.

Aldaketa klimatikoaru aurre egitea, lehentasun

Olanorekin batera, Jose Ignazio Asensio Ingurumen diputatuak ere hartu du hitza, eta klima aldaketari aurre egitea lehentasun dutela erran du. Aldaketa Klimatikoari aurre egiteko fundazioaren instalazioa areagotzen hasiko direla azaldu du, eta berau Europako ingurumen proiektuak kudeatzeko tresna izango dela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Hauteskunde panel bat, Baionan. ©GUILLAUME FAUVEAU

Departamenduko eta eskualdeko bozak izanen dira gaur Iparraldean

Ekhi Erremundegi Beloki

Pirinio Atlantikoetako Departamenduko Kontseilu Nagusia eta Akitania Berria eskualdeko kontseilua hautatuko dituzte

Jean-Jacques Lasserre —irudian— presidente berriz hautatu zuten Departamendu Kontseiluko bilkura, Pauen (Okzitania), 2015eko apirilaren 2an. ©BOB EDME

Elkartasun politiken erronka

Iñaki Etxeleku

Departamendu kontseilari berrien hautatzeko bozak dira bihar. Departamendu kontseiluen eskumen nagusia elkartasun politikena da. Gizarte laguntzak indartu beharraz aritu dira bi eragile

Ezkerretik hasita, Aitzol Asla eta Teresa Toda, atzo, Bilbon. ©ARITZ LOIOLA / FOKU

Foro Sozialak egiaztatu du espetxe politikan aldaketa gauzatzen ari direla

Gotzon Hermosilla

Foroak ohartarazi du «aldaketaren aurkako lobby indartsu bat» dagoela. «Bermeak» eskatu dituzte presoak gizarteratzeko ibilbideetarako

Egiari Zor-ek egindako agerraldia, atzo, Bilbon. ©MONIKA DEL VALLE / FOKU

«Ertzaintzak eginiko torturak» aitortzeko eskatu diote Jaurlaritzari

Jon O. Urain

Egiari Zor-ek nahi du Jaurlaritzak bere gain har dezala «erantzukizun politikoa», eta «autokritika» ez egitea egotzi dio. Polizia abusuen 30 biktima aitortzeko ekitaldi bat egingo du gobernuak gaur zortzi

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.