Albistea entzun

JOSU URRUTIKOETXEAREN AUZIA

Urrutikoetxearen aurkako auziak bakea lortzeko ahalegina «kriminalizatzea» bilatzen duela salatu du Sortuk

Alderdiaren ustez, epaiketak agerian uzten du «badirela sektore boteretsu batzuk erosoago bizi direnak iraganari kateatuta».

Josu Urrutikoetxea (erdian), herenegun, Parisko Zigor Auzitegian.
Josu Urrutikoetxea (erdian), herenegun, Parisko Zigor Auzitegian. C. PETIT TESSON / EFE Tamaina handiagoan ikusi

Berria -

2021eko ekainak 17

Josu Urrutikoetxea ETA zeneko militante historikoa Parisko Zigor auzitegian epaitu dute aste honetan, besteak beste, 2011 eta 2013 bitartean ETAko kide izan zelakoan, «helburu terrorista» zuen gaizkile elkarte bateko kide izatea leporatuta. Hori dela eta, Sortuk ohar bat kaleratu du gaur, epaiketa horren atzean Urrutikoetxeak «bakea lortzeko egindako ahalegina kriminalizatzeko» borondate bat dagoela salatzeko.

Urrutikoetxearen aurkako auzia 2017an eginikoaren errepikapena da. Orduan zazpi urteko kartzela zigorra ezarri zioten, baina, epaiketan parte hartu ez zuenez, auzia errepikatzeko eskatu zuen Urrutikoetxeak. Honakoan, Terrorismoaren kontrako Frantziako fiskaltzako prokuradoreak bost urteko kartzela zigorra eskatzen du ETAko kide ohiarentzat.

Alderdi abertzalearen ustez, epaiketa honek agerian uzten du «Espainiako Estatuaren baitan bezalaxe, Frantziakoan ere badirela sektore boteretsu batzuk erosoago bizi direnak iraganari kateatuta», eta euskal gatazka konpontzeko borondate falta dagoela nabarmendu du: «Jakina den moduan, Urrutikoetxea gatazka konpontzeko bitartekari gisa behin baino gehiagotan aritu izan da. Parisko Zigor Auzitegiko prokuradorea, hala ere, ematuta dago bakea lortzeko ahalegina kriminalizatzearekin».

Zentzu horretan, Urrutikoetxeari egozten dioten egite bakarra «Oslon elkarrizketetarako ordezkaritza bateko partaide gisara egotea» deka azpimarratu du sortuk, eta, leporatze horren bidez, elkarrizketa bera delitu bihurtu nahi dela zehaztu du: «Bakeak herri honetan eta estatuetan etsai boteretsuak ditu, eta bake justu eta iraunkor bat oztopatzen jarraitzen dute. Euskal jendartearen nahirik eta desiorik handienari eraso egiten jarraitzen dute».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iruñeko Baluarte plaza. Orain, Konstituzio plaza izendatu du Navarra Sumak. ©Mgoni4

Navarra Sumak badu bere Konstituzio plaza Iruñean

Uxue Rey Gorraiz

Enrique Maia buru duen Iruñeko Udalak izena aldatu dio orain arte Baluarteko plaza zenari: Konstituzio plaza deitu dute. Plazaren izena azaltzeko plakak urratu egiten du euskararen ordenantza: gaztelania hutsean dago.

 ©ANDONI CANELLADA / FOKU

«Egunetik egunera joan behar dugu indar harremana hobetzen»

Jon O. Urain

Hirugarren kongresu prozesua amaitu du Sortuk, estrategia eta zuzendaritza gaurkotuta. Rodriguezen hitzetan, alderdiaren helburua izango da «duela 60 urte gertatu zenaren moduko herri bulkada bat sustatzea».
 ©JON URBE / @FOKU

Altsasu: tsunamiari aurre egin dion horma

Joxerra Senar

Asteon, Europako Giza Eskubideen Auzitegiak ez du tramiterako onartu Altsasuko zortzi gazteen defentsaren eskaera, eta auzia itxitzat jo du. Amaia Izko abokatuak azaldu du «zail» egin zaiela Estrasburgon bost urteotako bidegabekeria ikusaraztea.

Amarik gabeko urtebetetze eguna

Amarik gabeko urtebetetze eguna

Maddi Ane Txoperena Iribarren

Maria Lizarraga eta Iñigo Gutierrez euskal presoen alaba Izadik bihar beteko ditu 3 urte. Kartzelatik atera beharko du orduan, Espainiako espetxe legediak hala aginduta, eta amarengandik bereizi. Gutierrez atzo atera zen espetxetik, hirugarren graduan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.