Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Golfa

Jon Rahmek irabazi egin du AEBetako Irekia

Duela aste batzuk Memorialetik erretiratu egin behar izan zuen, COVID-19arekin kutsatu zelako, baina gogor bueltatu da orain Barrikako golf jokalaria.

Jon Rahm, atzo, txapelketa irabazi ostean.
Jon Rahm, atzo, txapelketa irabazi ostean. EFE Tamaina handiagoan ikusi

Ainara Arratibel Gascon -

2021eko ekainak 21 12:32

Jon Rahmek irabazi du AEBetako irekia, golfeko torneorik handienetakoa. Garaipena eman dion kolpea eta gero, pozik, kabitu ezinda zegoen. Makila eta eskumuturra gora igoz ospatu du. Ez zen erraza kolpea, jaitsieran baitzen. Garaipenak, gainera, beste sari bat du. Izan ere, Rahm lehen postuan jarri da berriro ere munduko zerrendan. Emaztea, semea eta gurasoak han zituen, eta haiekin ospatu du garaipena. «Duela bi aste COVIDarekin geratutakoa eta gero, baikor izan nintzen. Ziur nengoen torneo honetara iritsi eta gauza handiak egingo nituela».

Barrikakoak leku berezi batean irabazi du: Torrey Pines zelaian, bere lehen torneo profesionala irabazi zuen zelaian. Gainera, bost urte betetzen ziren profesionaletan hasi zela. Meritu bikoitza du garaipenak: kontuan izan behar da Rahm justu iritsi zela torneora, COVID-19agatik bi aste zeramatzalako lehiatu gabe, eta itxialdian. Gakoa hamazazpigarren zuloan egon da, zeinetan birdie-rako putt batekin lehen postuan jarri den. Azkenean, 67 kolpeko txartela osatu du, joko maila izugarria erakutsita.

Rahm baikor zen azken egunari begira, eta aukerak zituela adierazi zuen bezperan. Baita aurreikuspenak bete ere. Bikain hasi da lehen zuloetan, eta hor egon da gakoa. Artean, torneo handi batean lortu ez zuena lortu du: birdie bikoitz batekin hastea. Zulo bakoitzeko hasierako kolpeak oso onak izan dira, eta, hala, pixkanaka goiko postuetan finkatu da. Golf jokalari guztiak martxan zirela, Rahm bigarren zen, Oosthuizenengandik kolpe batera.

Dena oso irekia zegoen. Azken saioak ordubete pasatxo zeramala, hamar golf jokalari zeuden kolpe bateko aldearekin. Guztiak txapelketa handiak irabazitakoak. Torneoaren azken egunak ezin zuen ederragoa izan. Baina lehia horretan, bik eutsi diote: Rahmek eta Oosthizenek. Pazientziaz eta kolpe izugarriak jota, atzean utzi dituzte aurkariak. Hamahirugarren eta hamalaugarren zuloak ondoren etorriko zenaren adierazgarri izan dira.

Hamazazpigarren zuloan jarri da lehen postuan Rahm, putt bizkor batekin pilota zuloaren erdi-erditik sartuta, garbi. Oosthizenek ezin zuen huts egin. Baina ez da hala izan: garaipena eta loria Rahmenak ziren.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Piloariak atzo, Dania Jai Alain. / ©Kevin Cox, @brooklyncowboy1

Azken tantoak jokatu dira, «bihotzeko plazan»

Jon Ordoñez Garmendia

Atzo itxi zuten Floridan (AEB) Dania Jai Alai pilotalekua, 68 urteren ostean. Emozioa borborka izan zen eta une hunkigarriak bizi izan ziren.

Osasunak bolada txarra eten nahi du gaur, Sadarren Elxi irabazita
«Nork bere koloreak ditu oraindik ere, baina etsaitasun txikiagoz»

«Nork bere koloreak ditu oraindik ere, baina etsaitasun txikiagoz»

Olaia Gerendiain - Gipuzkoako Hitza

Lau hamarkada baino gehiago patroi lanetan egin ondoren, Lujanbiok bukatutzat eman berri du bere jarduna. 24 urte zituela jo zuen goia, Kontxako Bandera irabazita.

Realeko jokalariak Mateu Lahoz epaileari kexuka, gaur, Bartzelonan. ©Andreu Dalmau / EFE

Amaitu da ligako bolada ona ere

Paulo Ostolaza

Neurketa irabazteko adina gol aukera izan dituzte txuri-urdinek, baina, azkenean, Espanyolek asmatu du. Haserrea eragin du epaileak Isaki baliogabetu dion golak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.