Barakaldon bi lagun atxilotu dituzte, eraso matxista bana egiteagatik

Barakaldon (Bizkaia) azken orduetan bi lagun atxilotu dituzte eraso matxista bana egiteagatik. Eraso batek ez du zer ikusi zuzenik bestearekin.

Lehenengoa ostiraletik larunbaterako gauean gertatu zen, Lasesarren, eta Udaltzaingoak atzo goizean atxilotu zuen erasotzailea. Dirudienez, atxilotua lagun batzuekin zegoen emakume bat erasotzen saiatu zen, baina ez zuen lortu.

Bestea, berriz, atzo arratsaldean atxilotu zuen Ertzaintzak, emakume batek salaketa jarri ostean. Iturri ofizialek azaldu duten gauza bakarra da eraso matxista bat egozten diotela atxilotuari, eta ikerketa zabaldu dutela. El Correo-k zabaldu duenez, ordea, bortxaketa kasu bat da, eta erasotzailea erasotuaren aitaordea da. Emakumeak larunbat goizean ezarri zuen salaketa; goizeko ordu txikietan gertatu zen erasoa biak bizi diren etxean.

Gertakariok salatzeko kontzentrazioa egin dute Argitan Barakaldoko emakumeentzako aholku etxeak deituta.

KONTZENTRAZIOA!!
👉🏻HERRIKO PLAZA
👉🏻18:00 HS
Estamos hartas! Basta ya!!#barakaldocontraelmachismo#BarakaldoMatxismoarenKontrapic.twitter.com/wCOJ6RAN1G

— Argitan (@argitan_baraka) July 11, 2021