Albistea entzun

Osakidetzak txertatzeko era emango die 12-15 urte artekoei

Bihartik aurrera Osakidetzaren webgunea prest egongo da nerabeentzako orduak emateko

Osakidetzak txertatzeko era emango die 12-15 urte artekoei
Osakidetzak txertatzeko era emango die 12-15 urte artekoei Tamaina handiagoan ikusi

Arantxa Iraola -

2021eko uztailak 20 09:55

Gaur goizean gobernu kontseiluaren ostean Eusko Jaurlaritzako ordezkariek egin duten agerraldian, Osasun sailburu Gotzone Sagarduik esan du bihartik aurrera era emango dietela 12-15 urteko gaztetxo eta nerabeei txertoa hartzeko ordua hartzeko. Orain arte muga 16 urtean zegoen, eta jaistea erabaki dute. Era horretan, ikasturtea hasten denerako adin tarte horren txertaketa ere hasita egongo dela esan du, eta egokiago osatu ahal izango dela prozesua. Bihartik izango dute era nerabeek izena ematen hasteko. «Webgunea prest egongo da horretarako», esplikatu du sailburuak.

Sagarduik gogora ekarri du gainerako gazteak txertatzeko prozesua abian jarri berria dela, eta badirela oraindik txertoa jartzeko orduak libre. Batetik, uste du hori gertatu dela oporraldietan-eta dabiltzalako gazte asko; beste asko, berriz, kutsatu egin dira olatu honetan, eta, ondorioz, atzeratu egin behar izan dute txertaketa prozesua. Txertoa hartzera joan ezin diren gazteei eskatu die bertan behera uzteko hartuak zituzten orduak, beste pertsona batek erabiltzeko modua izango duelako.

Adin tarte berri hau txertaketa prozesura ekarrita txerta daitekeen populazioan jada txertatutakoen ehunekoa apur bat apalduko dela onartu du sailburuak. Ostiraletik hartuko dituzte kontuan nerabeak datuak emateko orduan.

Txertoa jartzeko deia egin du Sagarduik, izurriari aurre egiteko tresna ezinbestekoetako bat dela gogora ekarrita. Jaurlaritzak zehaztu du Pfizerren dosiak erabiliko dituztela: etxe horretako dosiak baino ez dituztelako baimendu adin tarte horretarako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Zaballako presondegia, artxiboko irudi batean. ©Jaizki Fontaneda, FOKU

Hamalau kasu positibo atzeman dituzte Zaballako kartzelan

Uxue Rey Gorraiz

Kutsatutako guztiak presoak dira, eta aurretik hartua zuten COVID-19aren kontrako txertoa

Esako urtegia. ©JESUS DIGES / EFE

Esa: bi hamarkada mamuaren itzalpean

Ion Orzaiz

Hogei urte igaro dira Esako urtegia handitzeko lanak hasi zirenetik. Denbora horretan, lanen aurrekontuaren neurri berean handitu dira segurtasunari buruzko kezkak eta kontrako iritziak. Adituen ustez, lanak amaituta ere, «urtegia ez da inoiz beteko».
Elkarretaratze bat, Gasteizen, eraso transhomofoboen aurka. ©Juanan Ruiz / Foku

Emakume transexual baten kontrako erasoa salatu dute Gasteizen

Berria

Ikusgune Gasteizko LGTBI+fobiaren aurkako Behatokiak salatu duenez, uztailaren 22an eraso fisikoa egin zioten emakume transexual bati, Gasteizen. Lizarran ere eraso homofobo bat salatu dute.

Gasteiz. Etxebizitza Sindikatuaren prentsaurrekoa, atzo. Abetxuko auzoko etxegabetzea salatzen. ©Raul Bogajo/ FOKU

Etxebizitza Sindikatuak eta Errakik Abetxukon izandako etxegabetzea salatu dute

Unai Etxenausia

Gertatutakoa salatzeko agerraldia egin dute, eta horrelako kasuei aurre egiteko prestatu duten gida aurkeztu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna