Albistea entzun

Aire zabalean maskara erabiltzea aurrerantzean ere hautazkoa izatea berretsi dute

Espainiako Kongresuan onartu duten errege dekretuaren arabera, maskararik gabe ibil daiteke, betiere ondoko pertsonekin 1,5 metroko distantzia eduki badaiteke.

Aire zabalean maskara erabiltzea aurrerantzean ere hautazkoa izatea berretsi dute
Aire zabalean maskara erabiltzea aurrerantzean ere hautazkoa izatea berretsi dute Tamaina handiagoan ikusi

Arantxa Iraola -

2021eko uztailak 21 09:37

Aldaketarik ez; aire zabalean maskara kenduta ibiltzea libre izango da, ingurukoekin 1,5 metroko distantzia edukiz gero. Atzo Espainiako Kongresuan berretsitako errege dekretuak hala zehazten du: «Dekretu honek egoera jakin batzuetan baino ez du onartzen malgutzea», jartzen du: «Arau orokorra da maskarak soinean eraman behar direla».

Ekainaren 24an jarri zuen neurri hori indarrean Espainiako Gobernuak, baina oraindik berresteko zegoen, eta desadostasunak sortu ditu. Atzo bertan, Eusko Jaurlaritzako arduradunek jakinarazi zuten Jaurlaritzako lehendakari Iñigo Urkulluk gutun bat bidali diola Espainiako Gobernuko presidente Pedro Sanchezi, besteak beste maskaren erabilera derrigortzeko neurriak eskatzeko.

Ekainaren amaieratik hona, gainera, asko okertu dira izurriaren datuak, transmisioa izugarri igo da, eta zenbait erakunde maskaren erabileraren malgutzearekin lotzen ari dira igoera hori. Osasun ministro Carolina Dariasek, hala ere, neurri «zuhurra» dela argudiatu du, eta esan egoera epidemiologikoa aldatu egin dela txertaketa datuekin. Onartu du maskararik gabeko jendearen pilaketak ere ikusi direla han-hemenka, eta gogorarazi arduraz jokatzea garrantzitsua dela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Zaballako presondegia, artxiboko irudi batean. ©Jaizki Fontaneda, FOKU

Hamalau kasu positibo atzeman dituzte Zaballako kartzelan

Uxue Rey Gorraiz

Kutsatutako guztiak presoak dira, eta aurretik hartua zuten COVID-19aren kontrako txertoa

Esako urtegia. ©JESUS DIGES / EFE

Esa: bi hamarkada mamuaren itzalpean

Ion Orzaiz

Hogei urte igaro dira Esako urtegia handitzeko lanak hasi zirenetik. Denbora horretan, lanen aurrekontuaren neurri berean handitu dira segurtasunari buruzko kezkak eta kontrako iritziak. Adituen ustez, lanak amaituta ere, «urtegia ez da inoiz beteko».
Elkarretaratze bat, Gasteizen, eraso transhomofoboen aurka. ©Juanan Ruiz / Foku

Emakume transexual baten kontrako erasoa salatu dute Gasteizen

Berria

Ikusgune Gasteizko LGTBI+Fobiaren aurkako Behatokiak salatu duenez, iragan uztailaren 22an eraso fisikoa egin zioten emakume transexual bati, Gasteizen. Lizarran ere eraso homofobo bat salatu dute.

Gasteiz. Etxebizitza Sindikatuaren prentsaurrekoa, atzo. Abetxuko auzoko etxegabetzea salatzen. ©Raul Bogajo/ FOKU

Etxebizitza Sindikatuak eta Errakik Abetxukon izandako etxegabetzea salatu dute

Unai Etxenausia

Gertatutakoa salatzeko agerraldia egin dute, eta horrelako kasuei aurre egiteko prestatu duten gida aurkeztu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna