Albistea entzun

Hizkuntza eskubideak jomugan

Baliorik gabe utzi dute Berriozarko kontratu batean jasotako euskara eskakizuna

Kiroldegiko taberna kudeatzeko kontratuaren bi atal baliogabetu dituzte; besteak beste, euskaraz aritzeko B2 maila zen eskakizunetako bat.

Euskaraz bizitzearen aldeko manifestazio bat Iruñean, artxiboko irudi batean.
Euskaraz bizitzearen aldeko manifestazio bat Iruñean, artxiboko irudi batean. Oiartso Los Arcos / Foku Tamaina handiagoan ikusi

Jon O. Urain -

2021eko uztailak 22 12:19

Nafarroako Administrazio Auzitegiak bertan behera utzi du Berrikilan sozietate publikoaren administrazio kontseiluak iazko ekainaren 11n hartutako erabaki bat, Berriozarko kiroldegiko taberna kudeatzeko kontratuan ezarritako klausula batzuengatik. Zehazki, bi atal baliogabetu ditu auzitegiak: batetik, eskakizunetako bat zen kontratua esleitzen diotenak zera bermatu behar zuela: bezeroekiko arretan egongo diren langileek euskaraz komunikatzeko gaitasuna izatea, Hizkuntzen Europako Erreferentzia Markoaren araberako B2 maila egiaztatuta. Horrez gain, tabernaren kudeatzaileak euskarazko komunikabideen presentzia «bermatu» behar zuen (telebista, irratia, prentsa idatzia edo musika).

Navarra Sumaren Berriozarko udal taldeak helegitea jarri zuen, eta koalizio horrek eman du auzitegiaren erabakiaren berri. Jakinarazi duenez, auzitegiak ebatzi du «hizkuntzaren araberako diskriminazioa» dagoela kontratuan. Areago, auzitegiaren arabera, «euskarazko gaitasun linguistikoari buruzko preskripzioak eta baldintzak ordenamendu juridikoaren aurkakoak dira; izan ere, ez Europako, ez [Espainiako] Estatuko ezta foru arauek ere ez dute aurreikusten baldintza diferenteak ezartzea ekonomian edo berrikuntzarekin lotutako arloetan, ingurumenean, gizarte arloetan».

Hedabideen presentziari dagokionez, auzitegiak dio baldintza hori ezartzea «diskriminatzailea» dela kontratu berak ez badu zehazten gaztelaniazko hedabideak edukitzeko derrigortasuna ere.

Navarra Sumak nabarmendu du auzitegiek arrazoia eman diotela koalizioari, «urteak» daramatzalako «EH Bilduren hizkuntza politika sektarioa salatzen». Horregatik, eskatu du beste kontratazio prozesu bat abiatzeko, «berdintasunaren eta diskriminaziorik ezaren printzipioak errespetatuko dituena». Gainera, Raul Maiza alkateari galdegin dio barkamena eska diezaiela deialdian parte hartu ez zutenei. Era berean, PSN, Ezkerra eta Ahal Dugu-ri ere dei egin die, «beharrezkoa den gehiengoa osatu dezaketelako EH Bilduren politika baztertzaileak amaitzeko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal Eskola Publikoaz Harro Topagunearen prentsaurreko baten artxiboko argazkia ©Marisol Ramirez

Hezkuntza publikoaren aldeko manifestaziora deitu dute azaroaren 6rako

Javi West Larrañaga

Arabako, Bizkaiko eta Gipuzkoako hezkuntza akordio berriaren harira, eskola segregazioari eta inklusio faltari aurre egingo dien hezkuntza sistema bat eskatu dute.

Gobernu bileraren osteko ageraldia, gaur goizean ©David Aguilar / EFE

Sagarduik «tentuz» jokatzeko eskatu du, birusaren hedapenaren joera «goranzkoa» delako

Irati Urdalleta Lete

Eusko Jaurlaritzako Osasun sailburuaren hitzetan, oraindik goizegi da beste olatu bat datorrela esateko, eta ez dago jakiterik «goranzko» bilakaerak zer eragin izango duen ospitaleetan.

Errepide bazterra, artxiboko irudi batean. ©Susanna Sáez, EFE

Txirrindulari nafar bat hil da Calahorran, auto batek harrapatuta

Uxue Rey Gorraiz

Bart gertatu da istripua. Hildakoak 19 urte zituen, eta San Adriangoa zen. Atleta zen Grupoempleo klubean.

Sizilian porturatu da 'Aita Mari', 105 migrante erreskatatuta

Sizilian porturatu da 'Aita Mari' ontzia, 105 migrante erreskatatuta

Uxue Rey Gorraiz

Erreskate ontzia Trapaniko portura ailegatu da astelehenean. Joan den asteartean Maltako uretan erreskatatutako 105 pertsona ziren barrenean. Ordutik, noraezean ibili da ontzia; gaur arte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.