Albistea entzun

Indarkeria

Larri dago oraindik ere Zornotzako asteburuko istiluetan zaurituriko gaztea

Hainbat eraso izan dira Zornotzan (Bizkaia) asteburuan. Hiru lagun zaurituta eraman zituzten ospitalera. Atzo elkarretaratzea egin zuten protesatzeko.

Zornotzan egin den agerraldia.
Zornotzan egin den agerraldia. BERRIA Tamaina handiagoan ikusi

Nerea Laurizika -

2021eko uztailak 28

Joan den asteburuan, Zornotzan (Bizkaia), istiluak izan ziren herriko hainbat tokitan, eta hiru lagun zaurituta eraman zituzten ospitalera. Horietako bat larri dago oraindik ere.

Salatu dutenez, jipoia jaso zuen gazteak jende askoren arteko borroka batean, igande gauean, Eusko Jaurlaritzaren Segurtasun Sailaren arabera. Jauregibarria inguruan gertatu zen istilua, eta buruan jasotako kolpeengatik konortea galduta eraman zuten gaztea Gurutzetako erietxera.

Erasotzaileek, gainera, grabatu egin zuten jipoia, eta bideoa sare sozialetan zabaldu zuten; irudietan ikus daiteke herriko beste zenbait tokitan ere istiluak sortu zituztela.

Gertakariok salatzeko, agerraldia egin dute bart, «erasoen eta giro oldarkorraren» aurkako jarrera agertzeko. Hainbat eragile eta herritarrek egin dute deialdia eta herritarren babes zabala jaso du sare sozialetan zein elkarretaratzean bertan.

«Lehenik eta behin, elkartasuna adierazi nahi izan diete asteburu honetan erasoak jasan dituzten herritarrei. Salatu dute arazoaren muina «betiko gizonen gizonkeria» dela: «Beti dago gizon talde bat, giro biolentoa sortzen eta jarrera matxiruloak izaten», salatu dute. Dei egin dute herri moduan egoera errotik mozteko: «Herria denona denez, denon ardura da». Halaber, argi utzi nahi izan dute horrelako jarrerek ezin dutela inpunitaterik izan: «Errespetuaren alde ez dagoena, errespetuaren kontra dago».

Asteburuko istiluetako bat Luis Urrengoetxea kalean gertatu zen: borroka bat izan zen bi kuadrillaren artean, eta kristalezko botilak ere jaurti zituzten. Udaltzaingoa eta Ertzaintza bertaratu ziren, eta mutil bat atxilotu zuten. Gero ere jarraitu zuten istiluek, lehenengo borroka hartan parte hartu zuen kuadrilletako bat tartean zela.

Kondor industrialdean gizon batek neska bat konorterik gabe utzi zuen ukabilkada batez, eta erasoa jasan zuena ospitalera eraman zuten. Ertzaintzak erasotzailea atxilotu zuen, baina, hurrengo goizean autoaren bila joan zenean, berriz ere istiluak izan zituen han zeuden hainbat gazterekin. Aurreko gauean atxilotutako gizonak berak haietako bat jipoitu zuen, eta, aurpegian zauri larriak zituela, ospitalera eraman behar izan zuten.

Asteburuero zerbait

Azken asteetan beste zenbait eraso ere gertatu dira Zornotzan. Ekainaren 19an, adibidez, mutil batek eraso homofobo bat jasan zuen. Fisikoki zein ahoz eraso zioten, eta hura defendatzera gerturatu zen emakumeak ere ahozko eraso matxista jasan zuen. Egun hartan bertan, beste neska batek eraso matxista bat pairatu zuen taberna batean.

Uztailaren 15ean, berriz, gazte kuadrilla bati eraso zion mutil gazteen talde batek. Denbora bat zeramaten jazarpena pairatzen, eta egun hartan kaletik jarraitu, mehatxatu, iraindu eta harriak jaurti zizkieten. Eraso horiek salatzeko, elkarretaratzeak egin ziren, Zornotzako Talde Feministak eta Akelarre aniztasunaren aldeko plataformak deituta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Hamar urteko eginahala

Hamar urteko eginahala

Iñaki Etxeleku - Ipar Euskal Herriko Hitza

10. urteurrena ospatuko du Mintzalasaik, BABeko euskararen aldeko asteak. Gaurtik hilaren 26ra iraganen da aurtengoa. Euskarazko eskaintza zabaltzea du betiko xedea.

Baheketa bat, artxiboko irudian. ©Jagoba Manterola / FOKU

Beste 132 kasu atzeman dituzte Hegoaldean, eta positibotasun baxuak jarraitzen du

Edu Lartzanguren

Bakarrik 12 gaixo gehiago hartu dituzte erietxeetan, eta ZIUetan ingresaturiko pertsonen kopuruak ere jaisten jarraitzen du.

Haurrak Gasteizko ikastetxe batean, artxiboko irudian. ©JUANAN RUIZ / FOKU

«Publiko-itunpeko dikotomia» gainditzea proposatu du EH Bilduk

Irati Urdalleta Lete

Hezkuntzaren alorrerako egindako proposamena onartu dute koalizioaren Konferentzia Politikoan. Besteak beste, ikasleen onarpen «irekia, justua eta gardena» egiteko sistema bat diseinatu du

 ©BERRIA

ESKOLATIK EUSKARAN MURGILTZEN

Ion Orzaiz

Euskal Herrian, euskarazko murgiltze ereduan ikasten dute ikasleen erdiek baino gehiagok, eta goranzko joera erakusten dute matrikulazio datuek. Hala ere, aldeak daude herrialde batetik bestera: Nafarroan eta Ipar Euskal Herrian, gutxiengo batek jotzen du euskarazko hezkuntzara.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.