IGERIKETA

Estilo libreko 200 metrokoan ere Titmus garaile

Ledeckyri aurre hartu dio berriro australiarrak, eta estatubatuarrak bosgarren amaitu du. Halere, Ledeckyk urrezko lehen domina lortu du: estilo libreko 1.500 metroko finalean nagusitu da.

Ariarne Titmus australiarra, urrezko dominarekin. JOE GIDDENS / EFE
Jone Bastida Alzuru.
2021eko uztailaren 28a
14:42
Entzun

Tokion urrezko bost domina kolkoratzeko ametsa zuen Katie Ledecky igerilari estatubatuarrak, baina ez du beteko. Ariarne Titmus australiarrak aurrea hartu zion emakumezkoen estilo libreko 400 metroko finalean, eta gaur ere Titmus gailendu da estilo libreko 200 metrokoan. Australiarrak urrats bat egin du, eta igerilekuko izarra izaten ari da. Areago, Ledecky ez da podiumera ere igo proba horretan: Rion irabazle izan, eta Tokion bosgarren postuan amaitu du. Siobhan Haughey izan da bigarren, eta Penny Oleksiak hirugarren.

Geroago, baina, arantza kendu du igerilari estatubatuarrak: urrezko domina eskuratu du estilo libreko 1.500 metroko finalean. Lehen aldiz jokatu da proba hori Jokoetan. Zilarrezkoa Erica Sulivanentzat izan da, eta brontzezkoa Sarah Kohlerrentzat.

Igeriketako final gehiago ere jokatu dira gaur. Pronostikoak bete dira gizonezkoen 200 metroko tximeleta estiloan, eta Kristof Milak nagusitu da. Tomoru Hondak amaitu du bigarren, eta brontzezko domina Federico Burdissok eskuratu du.

Yui Ohasi japoniarrak irabazi 200 metroko estilo proba, joan den igandean 400 metrokoan nagusitu ondoren. Azken metroetan gailendu zaio Alex Walsh estatubatuarrari. Kate Douglasek osatu du podiuma.

Azkenik, gizonezkoen estilo libreko 4x200 metrokoan, txandaka, Erresuma Batuak lortu du urrezko domina. Europako errekor berria ezarri dute. Azken lau Jokoetan garaile izandakoak, AEBak, ez dira igo podiumera. Errusia izan da bigarren, eta Australia hirugarren.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.