Atzo hil zen Joey Jordison Slipknot taldeko bateria jotzaile ohia, 46 urte zituela. 1995ean sortu zuen musika taldea, Shawn Crahan eta Paul Gray perkusionistekin batera. Guztira bost disko kaleratu ditu Spliknotek, eta 20 milioi disko baino gehiago saldu mundu osoan.
Jordison 2013. urtera arte egon zen taldean, eta, handik urte batzuetara, 2016an, azaldu zuen zergatik utzi zuen: zeharkako mielitisa diagnostikatu zioten. Musikariak beste talde batzuekin ere egin zuen lan, hala nola Rob Zombie, Metallica eta Ministry taldeekin.
Jordisonen familiak adierazi du «bakean» hil dela, eta haren heriotzak «atsekabe deskribaezina» eragin diela. Slipknoteko taldekideek irudi beltzak partekatu dituzte beren sare sozialetan, musikariaren heriotzagatik. Corey Taylor Slipknot taldeko abeslariak, esaterako, Twitterren zabaldu du honako irudi hau.
— SHRED DJENT REDEMPTION (@CoreyTaylorRock) July 27, 2021
