Albistea entzun

Afganistan

Sei herrialdek eskatu diote Bruselari ez ditzala eten Afganistanerako deportazioak

Talibanekiko borrokak gogortu egin dira azken egunetan, baina AEBek ez dute asmorik aire erasoak ugaritzeko. Pentagonoaren arabera, afganiarrei dagokie orain herrialdea defendatzea.

Herritar talde bat Chamanen, Pakistango mugan, talibanek beste aldera igarotzen noiz utziko zain. /
Herritar talde bat Chamanen, Pakistango mugan, talibanek beste aldera igarotzen noiz utziko zain. / Akhter Gulfam/EFE Tamaina handiagoan ikusi

Arantxa Elizegi Egilegor -

2021eko abuztuak 10

Dena prest dago Qatarren hiru eguneko negoziazioak hasteko. Han dira Afganistango Gobernuaren ordezkariak, eta AEBetako ordezkari berezi Zalmay Khalizald ere, baina ez dirudi talibanek eurek hitz egiteko asmo handirik dutenik. Beharrik ere ez dute. Izan ere, azken hiru egunetan sei eskualdetako hiriburuen jabe egin dira, eta beste hamahirutan armadaren aurka jo zuten. Horrez gain, mugako lurralde ugari ere bereganatu dituzte, Kabuli are zailago eginez auzoko estatuetatik laguntza lortzea. Egoera horretan, Europako Batasuneko estatu kide zenbaitentzat Afganistanek migratzaileak deportatzeko «herrialde segurua» da oraindik ere, eta estatus horri eusteko eskatu diote Bruselari.

Alemaniak, Austriak, Herbehereek, Danimarkak, Greziak eta Belgikak aurkeztu dute eskaria. Belgikako Asilo gaietarako idazkari Sammi Mahdiren esanetan, estatu bateko «zenbait eskualde» seguruak ez izateak ez du esan nahi herrialde horretako herritar guztiei babesa eman behar zaienik. Auzia mahai gainean izango dute estatu kideek hilaren 18an egitekoa duten goi bileran. Mahdik aurreratu duenez, Bruselak kontrakorik ebatzi ezean, Belgikak jarraitu egingo du asiloa ukatu zaien afganiarrak deportatzen.

Bien bitartean, herrialdean talibanek erasoan jarraitzen dute. Afganistango indar bereziek aurre egin diete miliziei hiri nagusietan, Lashkar Gahn eta Kandaharren kasu, baina beste hiri batzuetan armadak egin du talibanen aurka, eta horietan miliziena izan da garaipena. Horiek hala, Kabulek galdua du fedea elkarrizketetan, eta gerra jauntxoen elkarlanarekin egoera irauliko duen esperantza du, nahiz eta ez dion uko egin elkarrizketetan pate hartzeari.

Ashraf Ghani presidentearen gertukoek zabaldu dute estatuburuak gero eta babes txikiagoa du bai etxean eta bai atzerrian. Horiek hala, gero eta gehiago ari dira ohartarazten herrialdea gerra zibil baten atarian dagoela. Batez ere, Pentagonoko iturrien azken erantzunaren ostean. Washingtonek berretsi du Kabuli laguntzen jarraituko duela, talibanen ustezko gotorlekuak bonbardatuz, baina iragarri du laguntza hori «mugatua» izango dela. Izan ere, Etxe Zuriaren begietara afganiarrei dagokie orain herrialdea defendatzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritar batzuk gizon baten hilotza eramaten, atzo, Jeninen. ©ALAA BADARNEH / EFE

Israelgo indarrek gutxienez hamar palestinar erail dituzte bi erasotan, tiroz

Julen Otaegi Leonet Mikel O. Iribar

Jenin hirian eta Jerusalem ekialdean oldartu dira militarrak. Armadako buruak «terrorismoaren kontrako jarduerekin» jarraitzeko agindu du

Josep Borrell EBko diplomaziaburua eta Naser Burita Marokoko Atzerri ministroa, hilaren 5eko bilkuraren ostean. ©J. M. / EFE

Marokoren eta EBren arteko harreman onak, mehatxupean

Ricard Gonzalez

Lehen informazioen arabera, badirudi Rabatek sortu zuela europarlamentuko ustelkeria trama. Eskandalu horrek gainezka eragin die bi aldeei, desadostasunen ondoren.
 ©Paolo Aguilar/ EFE

Dina Boluarteren aurkako zentsura mozioa aurkeztu dute

Berria

Peruko Kongresuko zenbait kideren arabera, presidentea «ez da gai» kargu horretan jarduteko

Malmer Stenergard Suediako Migrazio ministroa, Ylva Johansson Europako Batzordeko Barne komisarioa eta Gunnar Strommer Suediako Justizia ministroa, gaur, Stockholmen, EBko Barne ministroen bilkuraren aurretik ©PONTUS LUNDAHL / EFE

EBko estatu kideen arteko koordinazioa handitu nahi dute migratzaile gehiago kanporatzeko

Ander Perez Zala

Europako Batzordeak aurkezturiko plana aztertuko dute egunotan talde komunitarioko Barne ministroek. Asilorako eskubiderik ez duten iheslariak itzultzea du helburu.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...