Albistea entzun

Izurriak

Mendebaldeko Afrikako Marburgeko gaitzaren lehenengo kasua atzeman dute, Gineako Errepublikan

Ebolaren familiako birus batek eragiten du. Osasunaren Mundu Erakundeak esan du birusa berehala gelditu behar dela.

Marburgeko gaitzaren Angolako 2005eko agerraldia: 329 pertsona hil ziren.
Marburgeko gaitzaren Angolako 2005eko agerraldia: 329 pertsona hil ziren. FRANCISCO FONTES / EFE Tamaina handiagoan ikusi

Edu Lartzanguren -

2021eko abuztuak 10 09:45

Orain arte Angolan, Kongoko Errepublika Demokratikoan, Kenian, Hegoafrikan eta Ugandan gertatu dira marburg gaitz kutsagarriaren agerraldiak. Baina, oraingoan, lehen aldiz atzeman dute Afrikako mendebaldean, Gineako Errepublikan. Ebolaren familiako birus batek eragiten du gaitza, eta hilgarria da askotan.

Osasunaren Mundu Erakundearen Afrikarako zuzendariak esan du birusak ahalmena duela «asko zabaltzeko». Erakundeak adierazi du «berehala gelditu» behar dela.

Frutaren saguzarrak dira birusaren bektoreak. Horiek kutsatzen dituzte gizakiak, eta, gero, horien artean transmiti daiteke, gorputzeko isurien bitartez. Marburg izena jarri zioten gaitzari, lehenengo agerraldia 1967an atzeman zutelako Alemaniako hiri horretan. 31 pertsona kutsatu ziren orduan, eta horietako zazpi hil.

Izan ere, heriotza tasa handia du birusak. Buruko mina, sukarra, eta giharretako mina dira sintometako batzuk. Gaixoek odola botaka egiten dute, eta odola isurtzen dute. Ez dago tratamendurik.

Halere, oso gutxitan gertatzen dira kasuak.

Gineako Errepublikako gaixoa hil egin da, eta haren gorpuko laginak aztertzean ondorioztatu dute Marburgeko gaitza zuela.

Nzerekore hiriko Gueckedoun gertatu zen, joan zen astean. Inguru horretan ebolaren agerraldi bat egon da duela gutxi, eta horren kontra eraturiko taldeak ari dira orain Marburgeko gaitzaren aurka. Hildakoarekin harremanetan egondako jendea aurkitzeko lanean ari dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritar batzuk gizon baten hilotza eramaten, atzo, Jeninen. ©ALAA BADARNEH / EFE

Israelgo indarrek gutxienez hamar palestinar erail dituzte bi erasotan, tiroz

Julen Otaegi Leonet - Mikel O. Iribar

Jenin hirian eta Jerusalem ekialdean oldartu dira militarrak. Armadako buruak «terrorismoaren kontrako jarduerekin» jarraitzeko agindu du

Josep Borrell EBko diplomaziaburua eta Naser Burita Marokoko Atzerri ministroa, hilaren 5eko bilkuraren ostean. ©J. M. / EFE

Marokoren eta EBren arteko harreman onak, mehatxupean

Ricard Gonzalez

Lehen informazioen arabera, badirudi Rabatek sortu zuela europarlamentuko ustelkeria trama. Eskandalu horrek gainezka eragin die bi aldeei, desadostasunen ondoren.
 ©Paolo Aguilar/ EFE

Dina Boluarteren aurkako zentsura mozioa aurkeztu dute

Berria

Peruko Kongresuko zenbait kideren arabera, presidentea «ez da gai» kargu horretan jarduteko

Malmer Stenergard Suediako Migrazio ministroa, Ylva Johansson Europako Batzordeko Barne komisarioa eta Gunnar Strommer Suediako Justizia ministroa, gaur, Stockholmen, EBko Barne ministroen bilkuraren aurretik ©PONTUS LUNDAHL / EFE

EBko estatu kideen arteko koordinazioa handitu nahi dute migratzaile gehiago kanporatzeko

Ander Perez Zala

Europako Batzordeak aurkezturiko plana aztertuko dute egunotan talde komunitarioko Barne ministroek. Asilorako eskubiderik ez duten iheslariak itzultzea du helburu.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.