Albistea entzun

Prezioak

Inflazioa pixka bat apaldu da uztailean

Hego Euskal Herrian, prezioak %3 handitu dira azken urtean, argindarraren, erregaien eta elikagaien bidez.

Argindarra da azken urtean gehien garestitu den atala.
Argindarra da azken urtean gehien garestitu den atala. Juan Carlos Hidalgo / Efe Tamaina handiagoan ikusi

Iker Aranburu -

2021eko abuztuak 13

Eten egin da urtearen hasieraz geroztik ikusi den inflazioaren igoera. Hego Euskal Herrian, prezioak duela urtebete baino %3 garestiago daude, INE Espainiako Estatistika Institutuaren arabera. Ekainean, berriz, %3,2ren aldea zegoen urte baten eta bestearen artean.

Ohikoa den moduan, uztailean behera egin du KPI kontsumo prezioen indizeak, merkealdiaren ondorioz. 2021a ez da salbuespena izan: jantziak eta oinetakoak %11,7 merkatu dira Nafarroan, eta %12,4 merkatu dira Araban, Bizkaian eta Gipuzkoan.

Bitxiagoa dirudi etxebizitzari lotutako gastuak ere merkatu izana —%0,9 Araban, Bizkaian eta Gipuzkoan, %0,7 Nafarroan—, horien barruan baitago argindarra, eta asko garestitu baita PVPC kontsumitzaile txikiarentzako borondatezko prezio arautua dutenentzat. Jaitsiera horretan zeresan handia izan du Espainiako Gobernuak argindarraren gaineko BEZa %21etik %10era jaitsi izana, betiere megawatt-orduak 65 eurotik gora baldin badago. Merkatu arautuan daudenak ez ezik, merkatu librean daudenak ere BEZ txikiagoa ordaintzen ari dira.

Hain zuzen ere, etxeko gastuen atala garestitu da gehien azken urtean: %8,1 Nafarroan, eta %9,4 beste hiru lurraldeetan. Haren atzetik doaz garraioak (%8,1), azken urteetako preziorik garestienak baitituzte gasolioak eta, batez ere, gasolinak.

Elikagaien prezioak ere gorantz egin du: %3 Nafarroan, eta %1,9 beste lurraldeetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

KENKARIEN EZBAIA

Joxerra Senar

Kenkarien eta pizgarrien ondorioz, Hego Euskal Herriko ogasunek 544 milioi euro biltzeari utziko diote sozietate zergan aurten. Neurrion asmoa da enpresek xede batzuetara bideratzea, baina Nafarroan egin den txosten batek «zalantza handiak» azaldu ditu lau kenkariren eraginkortasunaz.
Fessenheim herriko zentral nuklearra, Alsazian. Iaz itzali zuten. ©CHRISTOPHE KARABA / EFE
Jaurlaritzako, aldundietako eta udaletako ordezkariak, atzo, bilera hasi aurretik, Gasteizen. ©JAIZKI FONTANEDA / FOKU

Jaurlaritzak inoizko gastu handiena egingo du zerga bilketa onari esker

Aitor Biain

Bilketa %9,6 handituko da aurten, eta %4,6 datorren urtean. Diru gehigarria zorra txikitzeko eta inbertsioak egiteko erabiliko dute. Aurrekontuak 13.000 milioiren langa gaindituko du lehen aldiz

Urnietako kiroldegiko berritze lanak, atzo; hor hil zen bi beharginetako bat. ©JAVIER ETXEZARRETA / EFE

Egun berean eraikuntzako bi langile hil dira, Urnietan eta Amurrion

Jokin Sagarzazu

Bata kiroldegia berritzeko lanetan ari zen, eta bestea, berriz, etxe berri baten eraikuntzan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna