Albistea entzun

EUSKAL PRESOAK

Sortuk dio «presoen kaleratze bakoitzak elkarbizitzarako bidea indartzen» duela

Espainiako Gobernuko ordezkariak adierazi du presoei eginiko harrerek «zauriak irekitzen» dituztela.

Presoen etxeratzearen aldeko manifestazio bat egin zuten Iruñean apirilaren 17an, Sortuk deituta.
Presoen etxeratzearen aldeko manifestazio bat egin zuten Iruñean apirilaren 17an, Sortuk deituta. Jagoba Manterola / Foku Tamaina handiagoan ikusi

Jon O. Urain -

2021eko abuztuak 25 16:57

Agustin Almaraz presoa aske geratu eta gero Bilbon eginiko harrerak eta Covitek sare sozialetan eginiko salaketak hautsak harrotu ditu azken egunetan, eta eragile politiko ugarik eskatu dute harrera horiek publikoki ez egiteko. Eztabaida hori ikusita, Sortuk ohar bat zabaldu du, eta nabarmendu «presoen kaleratze bakoitzak elkarbizitzarako bidea indartzen» duela: «Espetxetik irteten den preso bakoitza elkarbizitzara eta bakera hurbiltzen gaituen gertakaria da. Elkarbizitza eraikitzeko ezinbestekoa da presoen eskubideak urratzen dituen salbuespen politikan amaitzea eta kalerako bidea bultzatzea».

Sortuk gogora ekarri du espetxe legeria arrunta aplikatuko balitz euskal presoen %84k kartzelatik irteteko aukera izan beharko luketela, baina Espainiako Estatuan dauden presoen kasuan «legea bihurritu egiten» dela: «Irteera baimenetarako, hirugarren gradurako eta baldintzapeko askatasunerako eskubidea ukatzen ari zaie Estatua, preso ahalik eta denbora luzeenean atxikitzeko helburuarekin». Almarazen adibidea jarri du: 26 urte eman ditu espetxean. Ia 25 Andaluzian urrunduta eta lehen graduan, muturreko egoeran. Zigorraren hiru laurdenak 2014an bete zituen, eta, beraz, behar baino zazpi urte gehiago eman ditu preso». Gainera, gogorarazi du abuztuan askatutako bost presoek osorik bete dituztela beren zigorrak, eta gehienak espetxealdi ia osoa bete dutela Euskal Herritik kanpo: «Normaltasunetik eta elkarbizitzaren aldeko jarreratik gutxi du errealitate horrek».

Sorturen iritziz, «nekez eraikiko da elkarbizitza besteari zer egin behar duen edo zer egin dezakeen edo ez inposatuz», eta, horren harira, uste du «harrera ekitaldien kontra jotzen dutenen helburua —hau da, amak, aitak edo lagunek beren maiteak espetxetik irtetean besarkatzea debekatu nahi dutenen helburua— garaile eta garaituen errelato bakarra inposatzea» dela, eta horrek elkarbizitza «urruntzen» duela.

Itxaso: «Morala da?»

Denis Itxaso Espainiako Gobernuak Euskal Autonomia Erkidegoan daukan ordezkariak ere hitz egin du gaiaz. Euskadi Irratian eginiko elkarrizketa batean, Itxasok argudiatu du harrera publikoek «hainbat zauri irekitzen» dituztela eta presoek «espetxean egindako birgizarteratze lana» lapurtzen zaiela.

Horrez gain, azaldu du uler dezakeela presoei kartzelatik irtetean harrera pribatuak egitea, baina ez omenaldi publikoak; horrekin lotuta, ezker abertzaleari eskatu dio gogoeta egiteko: «Elkarbizitza lortzeko, kontua ez da legezkoa den ala ez. Legezkoa izan daiteke, baina morala da?».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Idoia Mendia, Bilboko Campos antzokian egin den PSE-EEren BIltzar Ttipian ©Miguel Toña / Efe

Idoia Mendia ez da aurkeztuko PSE-EEren primarioetara

Joxerra Senar

PSE-EEren Biltzar Ttipian azaldu du duela urtebete hartu zuela «erabaki pertsonal eta politikoa» eta hala aurreratu ziola Pedro Sanchezi: «Ondoren zuek izan zarete lehenak jakiten», adierazi die militante sozialistei

Igor Uriart, Baionako epitegian, gaur arratsaldean ©Bob Edme

Igor Uriarte ez zigortzea erabaki du epaileak, errudun izendaturik ere

Ekhi Erremundegi Beloki

Gaur izan du auzi saioa Baionako epaitegian Frantziako Estatuko lurraldean bizitzeko zuen debekua urratzeagatik. «Berri biziki ona da», Maritxu Paulus Basurcoren hitzetan

Beatriz Artolazabal sailburua, artxiboko irudi batean. ©Monika del Valle / Foku

Jaurlaritzak ongietorrien gaitzespena sartu du Udaberri planean

Gotzon Hermosilla

Bizikidetzaren, giza eskubideen eta aniztasunaren planaren behin betiko bertsioa onartu du Gobernu Kontseiluak.

 ©CHRISTOPHE PETIT TESSON / EFE

«Ez da irreala instrukzio epaileak ez auzipetzea»

Ekhi Erremundegi Beloki

Egoitz eta Josu Urrutikoetxearen abokatuak Frantziako Justiziak euskal militanteei eman dien trataera gaitzetsi du, eta prozedurei buruzko argibideak eman ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna