Albistea entzun

Futbola

UEFAk Irene Paredes izendatu du Txapeldunen Ligako atzelaririk onena

Final-zortzirenak jokatu zituzten taldeetako entrenatzaileek aukeratu dute Legazpiko (Gipuzkoa) atzelaria txapelketako onena.

Paredes, uztailean, Bartzelonak aurkeztu zutenean. /
Paredes, uztailean, Bartzelonak aurkeztu zutenean. / BERRRIA Tamaina handiagoan ikusi

Jon Ordoñez Garmendia -

2021eko abuztuak 26 20:23

Irene Paredes izendatu du UEFAk 2020-2021eko denboraldiko Txapeldunen Ligako atzelaririk onena. Turkian egin du saria emateko ekitaldia UEFAk, Istanbulen, eta han eman du horren berri. Paredes finalerdietara iritsi zen Paris Saint-Germain taldearekin, eta Frantziako Liga irabazi zuen. Jokalari legazpiarra taldeko kapitaina izan zen, gainera.

Iazko sarietan seigarren geratu zen Paredes, eta Wendie Renand izendatu zuten atzelaririk onena. Aurten alderantziz izan da, eta, Paredesen atzetik, Mapi Leon Bartzelonakoa eta Magdalena Eriksson Chelseakoa geratu dira, hurrenez hurren.

Bozketaren emaitza

1 Irene Paredes (Paris Saint-Germain) – 62 puntu
2 Mapi Leon (Bartzelona) – 56 p.
3 Magdalena Eriksson (Chelsea) – 42 p.
4 Ashley Lawrence (Paris Saint-Germain) – 29 p.
5 Marina Hegering (Bayern Munich) – 24 p.
6 Wendie Renard (Lyon) – 16 p.

Paredesek sei partida jokatu zituen joan den sasoian Txapeldunen Ligan, guztira 524 minutu. Bi gol sartu zituen. Saria erabakitzeko, Txapeldunen Liga final-zortzirenetatik aurrera jokatu zuten taldeetako entrenatzaileek eta hogei kazetari adituk eman dute botoa. Bakoitzak hiru jokalari aukeratu ditu, eta lehenengoari bost puntu eman dizkio, bigarrenari, hiru, eta hirugarrenari, bat.

Paredes oporretan zela elkarrizketatu zuen BERRIAk, ekainean. Jokalariak apal erantzun zuen: "Beste urrats bat egin dudan edo ez esatea ez dagokit niri. Nik esan dezakedana da hasieratik oso ondo sentitu nintzela; ez dut aparteko arazo fisikorik eduki, eta taldearen bolada onak ere asko lagundu dit". Azken bost urteek bete egin dutela aitortu zuen Paredesek, eta beretzat "urte ahaztezinak" izan direla gaineratu: "Ez naiz batere damutzen duela bost urte hartu nuen erabakiaz. Pertsona eta futbolari moduan hazi egin naiz, eta horretan jarraitu nahi dut".

Ekainean amaitu zitzaion kontratua PSGrekin, eta Bartzelonak fitxatu du. Uztailean aurkeztu zuen Kataluniako klubak. Aurrera begira, futbolarekin gozatzen jarraitzeko asmoa du, horrek motibatzen duela jokatzeko. Oraindik ere hobetzen eta hazten segitu dezakeela ere esan zuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

 ©LUR GIL

Pauso erraldoia

Lur Gil

Euskal Herriko sokatiralariek lan aparta egin dute Getxon, Lur Gaineko Sokatirako Munduko Txapelketan. Zazpi domina irabazi dituzte: bi urre eta bi brontze taldekako lehian, eta bi urre eta brontze bat selekzioen artekoan.
<b>Muniain eta Iñaki Williams, gol bat ospatzen, Mallorcaren aurka.</b> ©ARITZ LOIOLA / FOKU

Atzean, sendo; aurrean, zuzen

Haritz Gallastegi

Athletic emaitza onak lortzen ari da liga hasieran, eta horrek konfiantza galdua berreskuratzen lagunduko dio. Arlo fisikoan erakutsitako indarra eta lanerako konpromisoa dira orain arteko arrakastaren giltzak.

 ©AITOR ARRIZABALAGA / EUSKO LABEL LIGA

«Denboraldia motza egin zaigu; orain gaude sasoirik onenean»

Iñaki Berastegi

Arrakastaz beteriko denboraldia izan da Santurtziko traineruarentzat. Gorka Aranberrik uste du «urte osoan» maila «aparta»eman dutela, nahiz eta denboraldi amaierara sasoiko ailegatzea zen helburua.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.