Albistea entzun

Hizkuntza gutxituak

Peruko Gobernuko presidenteak kitxuaz eta aimaraz hitz egin du parlamentuan, eta oposizioak protesta egin du

Guido Bellidok argudiatu du Peruko Konstituzioaren 48. artikuluak dioela kitxua hizkuntza ofiziala dela.

Jon Ordoñez Garmendia -

2021eko abuztuak 27 17:01

Guido Bellido Peruko Ministro Kontseiluko presidenteak ostegunean parlamentuan egin duen hitzaldiak hautsak harrotu ditu Pedro Castillo Peruko presidentearen oposizioan. Ministro Kontseiluarentzat babesa eskatzeko hartu du hitza Bellidok, baina ez du gazteleraz egin, kitxuaz eta aimaraz baizik. Hasieran, denek entzun dituzte haren hitzak, baina, minutu eta erdi pasatu ondoren, oposizioko kideak protestan hasi dira (ikusi bideoa).

Maria del Carmen Alva parlamentuko presidenteak eten egin du hitzaldia: "Premier, zuk esan duzu itzuli egingo zenuela. Mahaiarekin adostuta zegoen itzuliko zenuela. Eskertuko nizueke lehenbailehen egitea itzulpena. Zure azalpena ez dadila hain luzea izan kitxuaz, mesedez, besteok ez dugu-eta ulertzen". Bellidok erantzun dio konstituzioaren arabera kitxua hizkuntza ofiziala dela. "Barkatu, premier: guztiok eskertuko genuke, nik ere ez baitut ulertzen, aurrerantzean gazteleraz hitz egitea, mesedez, Mahaiarekin adostu bezala".

Behin gazteleraz, Bellidok azaldu du zergatik hitz egin duen kitxuaz eta aimaraz. Esan du gazteleraz hitz egiten denean bazterrean uzten dituztela hizkuntza hori ez dakiten eta soilik kitxuaz egiten dutenak: "Honek erakusten du gure herrialdeak ez duela ulertu badaudela sustrai luzeak dituzten herriak, euren kultura dutenak, euren hizkuntzak". Bere gobernuarentzat babesa eskatuz, esan du Perun tolerantzia, ahaidetasuna eta bakea bilatuko dituen gobernu bat behar dela.

"Eskuina, amorratzen, [gobernuko] presidenteak bere hitzaldia kitxuaz eman duelako. Arrazistak dira, eta hori ere hizkuntza ofiziala dela ahazten dute", argitaratu du Twitterren Guillermo Bermejo parlamentariak.

Guido Bellido Ugarte Livitaca herrian jaio zen, Cusco departamentuan, eta Peru Aske ezkerreko alderdiarekin aurkeztu zen hauteskundeetara. Castillok ekainean hauteskundeak irabazi ostean, gobernua osatzeko ardura eman zion, eta Ministro Kontseiluko presidente izendatu zuen uztailaren 29an. Gobernua aukeratuta, parlamentuan harentzat babesa eskatzera joan denean mintzatu da kitxuaz eta aimaraz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jordi Puignero Kataluniako Gobernuko presidenteordea eta Pere Aragones presidentea, atzoko gobernu bileran. ©ENRI FONTCUBERTA / EFE

Aragonesek Puignero Generalitateko presidenteordea kargugabetu du

Mikel Elkoroberezibar Beloki - Gorka Berasategi Otamendi

Kataluniako presidentearen esanetan, harenganako «konfiantza politikoa galdu» du, ez ziolako jakinarazi JxCk konfiantza arazo batera aurkezteko eskatu zionik asteartean, politika orokorreko eztabaidan.

Jenin inguruan izandako erasoaldia, gaur. ©ALAA BADARNEH, EFE

Israelgo armadak lau palestinar hil eta 44 zauritu ditu Zisjordania iparraldeko kanpamentu batean

Uxue Rey Gorraiz

NBEk adierazi du Israel «gehiegizko bortizkeriaz» jarduten ari dela. Erakundearen arabera, indarkeria kasu gutxi batzuetan da zilegi: «Soilik bizitzak babesteko guztiz ezinbestekoa denean». Azken sei hilabeteetan ehun palestinar inguru hil dira Israelen erasoaldietan.

1 ©ALBERTO ESTVEZ / EFE

Erreferendumak zer ekarri zuen

Igor Susaeta

Galdeketara deitu zuten, lege bat onartu zuten horretarako, eta herritarrek bozkatu egin zuten, Poliziaren indarkeriari aurre eginez. Madrilek errepresioaren bidean segitu zuen, eta kartzelatzeak eta erbesteratzeak heldu ziren.

Pere Aragones Kataluniako presidentea, gaur, politika orokorreko eztabaidan ©Quique Garcia, EFE

Erreferendum bat noiz eta nola egin zehazteko argitasun akordio bat proposatu du Aragonesek

Gorka Berasategi Otamendi, berriemaile berezia

Proposamen horren aldeko akordioa jostera deitu ditu Kataluniako alderdiak eta gizartea. JxCk gobernu akordioa betetzeko eskatu dio; bestela, konfiantza arazo batera aurkeztea galdegingo diola ohartarazi du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.