Donejakue bidea igarotzen den gune batean kanpatuta zegoen 46 urteko emakume frantziarra, itsaslabar baten ondoan. Astearte arratsaldean Zumaiako (Gipuzkoa) bizilagun batek Ertzaintzari jakinarazi zion hamar egun zeramatzala emakumea ikusi gabe, eta larrialdi zerbitzuek ikerketa bat hasi zuten. Emakumearen motxila eta janari hondarrak aurkitu dituzte kanpin dendaren barruan, baina ez dago haren arrastorik.
Ertzaintzaren Zaintza eta Erreskate Unitateko Mendi Atala eta Txakur Unitatea mobilizatu dira desagertutako emakumea aurkitzeko lanetan, eta gaur ere kanpin dendaren inguruan miatuko dute, 500 metroko erradioan, helikoptero baten laguntzaz.
