Albistea entzun

Urrutikoetxearen auziak

Josu Urrutikoetxea: «Erabaki honek atea zabaltzen dio beste mota bateko justizia bati»

Euskal Irratietan elkarrizketatu dute gaur goizean Josu Urrutikoetxea. Urrats asko egin direla nabarmendu du, baina oraindik beste asko «egiteke» daudela.

Josu Urrutikoetxea, Parisen, Auzitegi Korrekzionalean, 2011-2013 Osloko mahaiari buruzko epaiketan.
Josu Urrutikoetxea, Parisen, Auzitegi Korrekzionalean, 2011-2013 Osloko mahaiari buruzko epaiketan. CHRISTOPHE PETIT TESSON/EFE Tamaina handiagoan ikusi

Jone Arruabarrena -

2021eko irailak 2

Atzo Parisko Zigor Auzitegiak hartutako erabakiak harridura eragin zuen: errugabetzat jo zuen Josu Urrutikoetxea ETA zeneko kide historikoa. Auzitegiak ebatzi du ez dagoela nahikoa elementu 2011-2013 aldian ETAko kide izan zela frogatu ahal izateko, eta hiru magistratuek adierazi dute negoziatzea ezin dela parekatu erakundeko kide izatearekin. Urrutikoetxeak gaur goizean Euskal Irratietan egin dioten elkarrizketan adierazi duenez, erabakia garrantzi handikoa da aurrera begira: «Justiziak horrelako egoera bat kontuan hartzeak beste mota bateko justizia bati ateak zabaltzen dizkio. Epai honek erakusten du ETArekin negoziazioetan ibiltzea ez dela delitu bat».

Frantziak izan duen jarreraz ere aritu da Urrutikoetxea. Esan du Frantziako Estatuak «muzin» egiten diola oraindik bizirik dagoen euskal gatazkari: «Ahoa betetzen zaie munduko beste gatazka batzuetan salbatzaile direla esanez, baina beraiek bustita dauden gatazka bati muzin egiten diote». Josu Urrutikoetxeari elkarrizketa (Euskal Irratiak):

Hala ere, epai horrekin ez da bukatu Urrutikoetxearen auzitegietako ibilbidea. Beste epaiketa baten esperoan dago Urrutikoetxea: irailaren 13an eta 14an akusazio berari aurre egin beharko dio, 2005-2006 aldian izan ziren negoziazioak prestatzen aritu izana leporatuta. Baliteke azken epaiak hurrengoetan ere eragina izatea. Urrutikoetxearen ustez, «logika jarraituz», hurrengo epaiketaren emaitzak ere «berdina» izan beharko luke: «Hurrengo epaiketan eragin beharko luke erabaki honek».

2005-2006 urteen arteko elkarrizketetan parte hartzeagatik, gainera, Espainiaratua izateko arriskua izan lezake Urrutikoetxeak, Frantziako Kasazio Auzitegiak iaz ontzat eman baitzuen Espainiako justiziak haren kontra egindako estradizio eskaera. Guztira, bi estradizio eta bi euroagindu ditu Urrutikoetxeak. Errugabetzat jo ondoren, Espainiaratze agindu bi bertan behera geratu dira, baina beste bik indarrean jarraitzen dute oraindik. «Espainiaratzeak aurrera jarraitzen du», azaldu du elkarrizketan.

Aieteko hitzarmenaz geroztik izan den egoeraz ere mintzatu da: «Urrats asko egin dira, baina asko daude egiteke oraindik. Euskal Herria gatazka politiko batean bizi da. Frantziar estatuak muzin egiten dio, baita Espainiak ere, eta Euskal Herriak behar dituen aurrerapausoak emateko denon laguntza behar da».

Ipar Euskal Herrira bueltatu da Urrutikoetxea, Angelura (Lapurdi), eta itzuleran hainbat gatazkak harritu dute: «Banekien hemen gatazka hauek bazeudela, prentsa jarraitu dudalako, baina hemen bertatik bertara ikusteak harritu nau». Gatazka horien artean, etxebizitzaren arazoa, turistifikazioa, lurraren gehiegizko ustiatzea, nekazaritza arazoak, eta euskararen zein etorkinen aurkako erasoak aipatu ditu Urrutikoetxeak. «Arazo horiek erakusten dute Euskal Herria gatazka politiko batean dagoela, ez bake prozesu batean».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Usurbilgo udaletxea. ©NOAUA

Usurbilgo Sagardia plazaren izena aldatzeko exijitu du Espainiako Gobernu Ordezkaritzak

Xabier Martin

Joxe Martin Sagardia euskal errefuxiatua BVEk hil zuen 1980an, Miarritzen. ETAko ustezko kideen zerrenda batean dagoela esan dio udalari Espainiako Gobernu Ordezkaritzak, eta Terrorismoaren Biktimen Legea urratzen duela plazaren izenak.

Eneko Andueza eta Maria Txibite, bilera ostean. ©Berria

Sozialistak «ongizatearen berme» direla esan dute Anduezak eta Txibitek

Gotzon Hermosilla

PSE-EEk eta PSNk bilera egin dute, eta bi alderdien arteko «lotura estuak» nabarmendu dituzte.

<b>Foru Hobekuntzaren 40. urteurrena ospatu zen atzo Senatuan.</b> ©J.C. HIDALGO / EFE

Txibitek Foru Hobekuntza goraipatu du, «batasun konstituzionalaren barnean»

Joxerra Senar

Senatuan egin da Nafarroako estatutuaren urteurreneko ekitaldi nagusia. Hitzeman du «lehenbailehen» egingo dutela ituna trafiko eskumenari buruz

EH Bilduko Maddalen Iriarte eta Nerea Kortajarena aurrekontuei buruzko agerraldi batean. ©ENDIKA PORTILLO / FOKU

Oposizio taldeak adina osoko zuzenketa Jaurlaritzaren aurrekontuei

Xabier Martin

Osoko zuzenketez gain, 711 zuzenketa partzial aurkeztu dituzte EH Bilduk, Elkarrekin Podemosek eta PP+C’s-ek, 1.433 milioi eurorenak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...