Albistea entzun

Euskal Presoak

Igor Uriarte ez zigortzea erabaki du epaileak, errudun izendaturik ere

Gaur izan du auzi saioa Baionako epaitegian, Frantziako Estatuko lurraldean bizitzeko zuen debekua urratzeagatik. «Berri biziki ona da», Maritxu Paulus Basurkoren hitzetan

Igor Uriart, Baionako epitegian, gaur arratsaldean
Igor Uriart, Baionako epitegian, gaur arratsaldean Bob Edme Tamaina handiagoan ikusi

Ekhi Erremundegi Beloki -

2021eko irailak 21 10:04

Errudun izendaturik ere, Igor Uriarte euskal preso ohia ez zigortzea erabaki du Baionako epaitegiak. 2020ko urrian atxilotu zuen Uriarte Frantziako Poliziak, Ziburun (Lapurdi), errepideko kontrol batean. Bilatuak diren pertsonen fitxategian Frantziako Estatuan egoteko debekua zuela agertu zen, eta berehala atxiloaldian sartu zuten. Jakinarazpena jaso, Baionako prokuradorearen aitzinetik pasatu, eta berehalako epaiketa izan zuen. Epaileak fiskalaren eskaerarekin bat egin zuen, eta urtebeteko epea eman dio gasteiztarrari Frantziako Estatuan egoteko debekua kentzeko desmartxak egiteko. Maiatzean, Uriarteri lurralde debekua kentzea erabaki zuen Parisko Zigor Auzitegiak, terrorismoaren kontrako Frantziako fiskaltzaren oniritziarekin.

Argumentu hori baliatu du Maritxu Paulus Basurko abokatuak Uriarteri zigorrik ez ematea eskatzeko, eta epaitegiak arrazoi eman dio. «Erruduna kontsideratua izan zaitezke, baina ez da egoki ikusten kondena bat ezartzea, baldin eta hiru baldintza beteak badira», azaldu du Paulus Basurkok. Auziperatua «gizarteratua» izatea, egindako kaltea «konpondua» izatea eta ordena publikoari eragindako «traba» bukatua izatea dira hiru baldintzak. Gaur hartu duen erabakiaren arabera, Baionako epaitegiak kontsideratu du Uriarteren egoerak ez duela gehiago arau hausterik sortzen.

«Berri biziki ona» dela erran du Paulus Basurkok. «Ez da ohiturazko kondena bat, aski salbuespenezkoa da. Ezin da kondena hori baino gutxiago izan; hori da kondenarik txikiena». Gaurko erabakiak beste kasu batzuetarako balio dezakeen galdetuta, oroitarazi du Frantziako legedian kondena indibidualizatua dela. Hala ere, haren ustez, beste inork baldintza berak beteko balitu, «espero daiteke» emaitza berdina izatea, baina ezin da segurtatu. «Garrantzitsuena da lurraldeko debekua kentzea lortu izana. Bizi osoko debekua zen, eta kentzea lortu genuen, fiskaltzaren oniritziarekin».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Ipar Euskal Heriko hautetsiak, mahai inguruan ©Bob Edme

Brian Currin: «Presoen egoera barkaezina da; ez dago aitzakiarik»

Ekhi Erremundegi Beloki

Aieteko Nazioarteko Konferentziaren hamargarren urteurreneko jardunaldien azken saioa izan da Baionan. Iragandakoaz eta gelditzen diren erronkez mintzatu dira bertako eta nazioarteko eragileak. Nazioartearen pisu politikoa erabiliz presoen auzia konpontzeko mekanismoak sortzera deitu du Brian Currin Hego Afrikako abokatuak.

Egitasmoa babesten duten zenbait kide, gaur, Nafarroako Jauregiaren aurrean. ©Idoia Zabaleta / Foku

Nafarroa XXI dinamika sortu dute, Foru Hobekuntzaren inguruko «herri kontakizun bat» sortzeko

Ane Eslava

Nafarroaren «autogobernu galerarekin larrituta», herrialdearen orainaren eta etorkizunari buruzko eztabaida «plural eta parte hartzailea» sustatu nahi dute.

 ©Jon Urbe / FOKU

Herri baten biderako gakoak

Enekoitz Esnaola

Erabakitzeko eskubidea, erreferenduma, estrategia partekatua, gizarte zibila, desobedientzia, eta bide demokratikoak eta baketsuak nabarmendu dituzte Ibarretxek, Torrak, Alvarezek eta Cuixartek

<em>Gatazken eraldaketa demokratikoa</em> izenpeko mahai ingurua, atzo, Donostiako Kursaalean. ©JON URBE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna