Albistea entzun

Ekonomia azkar suspertzen ari da Nafarroan, %2,6 handitu baita martxotik ekainera

Urtebete atzera eginez gero, %18,5eko jauzia eman du, baina aintzat hartu behar da iazko bigarren hiruhilekoan konfinamenduak eragin handia izan zuela barne produktu gordinean

Nafarroako alde zaharreko tabernak, maiatzaren 16ean, barruan kontsumitzea baimendu zenean,
Nafarroako alde zaharreko tabernak, maiatzaren 16ean, barruan kontsumitzea baimendu zenean, Villar Lopez / EFE Tamaina handiagoan ikusi

Joxerra Senar -

2021eko irailak 23

Uztailean aurreratutako datua berretsi du Nastat Nafarroako estatistika erakundeak: bigarren hiruhilekoan, ekonomia %2,6 handitu da lehen hiruhilekoarekin alderatuta, eta %18,5 iazko epe bereko datuarekin alderatuz gero. Datuok baieztatzen dute ekonomia indarrez suspertzen ari dela, batik bat industriak eta barne eskariak, gehienbat familien kontsumoak, bultzatuta.

Hain zuzen ere, iragan astean, Araban, Bizkaian eta Gipuzkoan ekonomiak joera bera duela azpimarratu zuen Jaurlaritzak. Apur bat apalago bada ere, %2,2 handitu zen bertako ekonomia bigarren hiruhilekoan.

Eskaintzari erreparatuta, sektore ekonomikoen artean indartsuen industria ari da hazten. Iazko epearekin alderatuta, %26 handitu da industriaren jarduera martxotik ekainera bitartean. Dena den, iragan urte amaieratik lehengaien eta energiaren garestitzeak bete-betean eragin die industriako azpisektore batzuei, eta hornidura arazoak izaten ari dira enpresak —tartean, VW bera, erdieroaldeen krisia dela eta—.

Nastaten datuetan ez da egoera hori islatu, baina urtarriletik uztailera arteko industria produkzioaren jarduera indizeak jaso du eragin hori. Iazko uztailetik, urtebetean Nafarroako industria jardueraren indizea %9,6 handitu zen, eta garraio osagaiek (%60), papergintzak eta zurgintzak (%23), eta metalgintzak (%21) joera hobea izan arren, energia sektoreak %20 egin zuen atzera, eta manufaktura eta elikagai industriek %3,8 eta %1,9 baino ez zuten egin gora.

Beste sektoreei begira, lehen hiruhilekoarekin alderatuta murrizketen arintzeak eta alarma egoera altxatzeak mesede egin zien zerbitzuei (%21,4 handitu da), batik bat ostalaritzari, merkataritzari eta garraioari. Joera horrekin bat eginez, Nastatek hotelen abuztuko datua eman du: Nafarroako hotel eta ostatuetan 278.101 egonaldi erregistratu dira, iaz baino %79 gehiago.

Neurri batean, joera hori barne eskariak berak hauspotu du. Oro har kontsumoa %13,8 handitu da bigarren hiruhilekoan, batik bat familien zein norbanakoen erosketek (%16,8) eta enpresen inbertsioek (%24,2) gidatuta.

Kanpo merkataritzari dagokionez, Nafarroako enpresek iaz epe berean baino %31,4 gehiago esportatu zuten martxotik ekainera bitartean, batik bat industria jarduerak bultzatuta. Halaber, inportazioak %27,9 handitu dira; Nastaten arabera, esportazioen eta inportazioen arteko alde horrek barne kontsumoaren «dinamismo handiagoa» adierazten du.

Suspertzeak eragina izan du enpleguan. Bigarren hiruhilekoan %15,7 handitu da enplegu kopurua, iazko epe berarekin alderatuta. Industrian %16,5eko gorakada izan du; merkatuen zerbitzuetan, %22,8koa; eta eraikuntzan, %18koa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

KENKARIEN EZBAIA

Joxerra Senar

Kenkarien eta pizgarrien ondorioz, Hego Euskal Herriko ogasunek 544 milioi euro biltzeari utziko diote sozietate zergan aurten. Neurrion asmoa da enpresek xede batzuetara bideratzea, baina Nafarroan egin den txosten batek «zalantza handiak» azaldu ditu lau kenkariren eraginkortasunaz.
Fessenheim herriko zentral nuklearra, Alsazian. Iaz itzali zuten. ©CHRISTOPHE KARABA / EFE
Jaurlaritzako, aldundietako eta udaletako ordezkariak, atzo, bilera hasi aurretik, Gasteizen. ©JAIZKI FONTANEDA / FOKU

Jaurlaritzak inoizko gastu handiena egingo du zerga bilketa onari esker

Aitor Biain

Bilketa %9,6 handituko da aurten, eta %4,6 datorren urtean. Diru gehigarria zorra txikitzeko eta inbertsioak egiteko erabiliko dute. Aurrekontuak 13.000 milioiren langa gaindituko du lehen aldiz

Urnietako kiroldegiko berritze lanak, atzo; hor hil zen bi beharginetako bat. ©JAVIER ETXEZARRETA / EFE

Egun berean eraikuntzako bi langile hil dira, Urnietan eta Amurrion

Jokin Sagarzazu

Bata kiroldegia berritzeko lanetan ari zen, eta bestea, berriz, etxe berri baten eraikuntzan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna