Albistea entzun

Maria Txibite: «Pandemia amaitu? Esan dezakeguna da transmisioa apaldu dela, eta apaltzen segitu behar dugula»

Nafarroako Osasun Departamentuko iturriek BERRIAri azaldu diote izurriari neurria hartzeko parametroak «positiboak» direla, «eta horrek neurrien arintze bat ekarriko duela, ezusterik ezean»

Maria Txibite lehendakaria, artxiboko irudi batean.
Maria Txibite lehendakaria, artxiboko irudi batean. IDOIA ZABALETA / FOKU Tamaina handiagoan ikusi

Ion Orzaiz -

2021eko irailak 23 11:42

Ez da bukatu, baina datuak itxaropentsuak dira. Mezu hori eman dute Nafarroako Gobernuko arduradunek gaur goizean. Atzo, Osasun Publikoko eta Lan Osasuneko Nafarroako Institutuak bukatutzat jo zuen «iazko udan hasitako aldi epidemikoa», eta adierazi zuen «beste garai batean» sartu dela herrialdea, birusaren transmisioa kontrolatuago dagoelako. Baieztapen horrek sortutako ikusminaz jabetuta, Nafarroako Gobernuko lehendakariak ez du «epidemiaren bukaeraz» hitz egin nahi izan, baina nabarmendu du «helmuga oso gertu» dagoela: «Esan dezakegu pandemia amaitu dela? Tira, esan dezakeguna da birusaren transmisio maila oso apala dela, apaltzen segitu behar dugula eta, beheranzko joera hori egonkortzen bada, are gehiago arinduko ditugula neurri murriztaileak».

Neurrien arintzeari dagokionez, Txibitek esan du hasiak direla hainbat sektorerekin hitz egiten, «urriaren 1etik aurrera» neurrien malgutzeari segida emate aldera. Hala ere, gogorarazi du birusa ez dela desagertu, oraindik ere badela txertoa hartu ez duen jendea eta ezinbestekoa izanen dela, «neurri batean bederen», maskaren erabilerari, pertsonen arteko distantziari eta bestelako babes neurriei eustea.

Nafarroako Osasun Departamentuko iturriek BERRIAri azaldu diotenez, hiru aldagai aztertzen dituzte izurriaren bilakaerari neurria hartzeko: egoera epidemiologikoa, txertatze maila eta ospitaleen okupazioa. «Osasun Publikoko Institutuaren txosten epidemiologikoa testuinguru zabalago horren barruan ulertu behar dugu. Egia da, egoera epidemiologikoari dagokionez, datuak positiboak direla: epidemiatzat jotzen denaren langaren azpitik dago birusaren kutsatze maila, baina beheranzko joera hori egonkortu beharra dago». Kutsatzeek beheranzkoari eusten badiote eta «ezusterik ezean», Osasun Departamentuko arduradunek uste dute izurria «kontrolatzeko bidean» egonen litzatekeela aurki, «baina egoera horren aurreko fasean gaude oraindik».

Horrez gain, epidemiaren beste bi neurgailuei ere erreparatzeko galdegin du Osasun Departamentuak: «Ospitaleratze kopuruari dagokionez, joera positiboa da, baina ZIU zainketa intentsiboetako unitateetan egoera ez da hain ona, oraingoz, oheen erdiak okupatuta daudelako. Bestalde, txertatzearen eraginkortasuna agerikoa da, eta oraintxe Nafarroako biztanleen %87k hartua du dosiren bat gutxienez». Hortaz, datuak onak direla nabarmendu dute departamentuko ordezkariek, «baina datorren astean eginen dugu balorazio osoago bat, perspektiba apur batekin, eta orduan iragarriko dira Nafarroako Gobernuak hartuko dituen erabakiak».

Beste 138 kasu Hegoaldean

Atzoko datuek ere erakusten dute izurriaren intzidentzia beheranzkoan dela: 138 positibo zenbatu zituzten Osakidetzak eta Osasunbideak Hego Euskal Herrian eginiko 8.430 proba diagnostikoetan. Herrialdeka, 23 atzeman zituzten Araban, 66 Bizkaian, 24 Gipuzkoan, eta 18 Nafarroan.

32 pertsona ospitaleratu zituzten atzo COVID-19ak jota, eta 62 gaixo larri daude Hegoaldeko ospitaleetako ZIUetan. Hildako baten berri ere eman du Osasunbideak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskalgintzaren Kontseiluaren manifestazio bat, Iruñean, aurtengo uztailean. ©Iñigo Uriz / Foku

CCOOk jarritako helegiteari EH Bilduk egindako kritikak gaitzetsi ditu sindikatuak

Berria

CCOOk azaldu du arriskutsua iruditzen zaiola «herri batekiko atxikimendua hizkuntzaren bidez bakarrik neurtzea», eta «euskara ez jakite hutsa eskuin muturrarekin» lotzeak elkarbizitza zailtzen duela.

Arantxa Tapiak beste sailburu batzuekin batera atzo egin zuen agerraldia. ©DAVID AGUILAR / EFE

Eusko Jaurlaritzak %30 murriztu nahi ditu berotegi efektuko gasak 2024rako

Jone Arruabarrena

Jaurlaritzak Energia Trantsizioaren eta Klima aldaketaren plana aurkeztu du. Tapiak 305 milioi euroko inbertsioa iragarri du arlo horretan

Galdakaon egingo duten BERRIA Zabalik kanpaina aurkezteko ekitaldia, gaur goizean. ©MARISOL RAMIREZ / FOKU

BERRIAk kanpaina bat egingo du Galdakaon, bertako merkataritza sustatzeko

Berria

Galdakaoko Udalarekin eta Dendari elkartearen babesarekin egingo dute kanpaina. Mila euroko sari bat zozkatuko dute kanpainan parte hartuko duten herritarren artean.

Emakume bat, etxe agentzia baten aurrean. ©LUIS TEJIDO / EFE

Alokairuen prezioa soilik «tentsio handiko» tokietan mugatuko du Madrilek

Juanma Gallego

Ministroen Kontseiluak etxebizitzaren lege aurreproiektua onartu du. Erkidegoen esku utziko dute araua aplikatzea eta prezioak arautzea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.