Albistea entzun

‘Kalera Info’-ren itxiera arbuiatzeko eskatu dio EH Bilduk Eusko Legebiltzarrari

Eusko Jaurlaritzari galdegin dio «bide judizial eta politikoetatik» ekiteko oinarrizko eskubideen alde

'Kalera Info' aldizkariaren itxiera salatzeko agerraldia
'Kalera Info' aldizkariaren itxiera salatzeko agerraldia BERRIA Tamaina handiagoan ikusi

Berria -

2021eko irailak 24 16:58

Legez besteko proposamen bat aurkeztu du koalizioak Eusko Legebiltzarrean. Parlamentuak Kalera Info aldizkariaren eta webgunearen itxiera arbuiatu dezan eskatu du bertan. Audientzia Nazionalaren «hamaikagarren erasoa» dela esan dute, «adierazpen eta iritzi askatasunaren eta politikan parte hartzeko eskubidearen aurka».

Formazio subiranistak azpimarratu du hedabideen itxiera ez dela «fenomeno berria» eta Espainiako estatuaren izaera antidemokratikoa aspalditik datorrela. Horren harira, Madrilgo Gobernuari eskatu dio Europar Batasunaren Oinarrizko Eskubideen Gutuna sinatzeko, eta errespetatzeko adierazpen, iritzi eta informazio askatasunak.

Era berean, koalizioak Eusko Jaurlaritzari galdegin dio Araba, Bizkaia eta Gipuzkoako biztanleen «oinarrizko eskubideak» defendatzeko, eta «bide politiko eta judizialak» erabiltzeko horretarako.

2017an sortu zen Kalera Info, eta hiru hilean behin argitaratzen da. Presoen eta haien ingurukoen informazioa ematen du: epaiketena, eta kartzelen arteko leku-aldatzeena, besteak beste. EH Bilduk adierazi du itxiera Espainiako Audientzia Nazionalaren eraso bat dela, alderdi politiko baten jarduera komunikatiboaren aurkakoa. Are gehiago, informazio askatasuna «bortxatu» ez ezik, mugimendu politiko oso baten aurka egiten duela.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Gregorio Eskuderoren aldeko manifestazioa, gaur, Orion. ©Gorka Rubio / FOKU

Gregorio Eskudero 70 urteko presoa Euskal Herriratzeko eskatu dute Orion

Berria

Eskuderori hirugarren gradua ezartzeko ere eskatu du Sarek. Orain, Dueñaseko (Espainia) kartzelan dago preso, lehen graduan.

Plaza Hutsan 350 lagun baino gehiago elkartu dira. ©SORTU

«Herrigintza aro berri bat pizteko oinarria» jarri du Sortuk Burlatan

Mikel Elkoroberezibar Beloki

Plaza Hutsa bete dute 350 lagunek baino gehiagok, herrigintzaren eta estrategia independentistaren arteko lotura sakontzeko helburuarekin.

Urkulluk ukatu egin du epaiek hizkuntz politikan eragin izana

Urkulluk ukatu egin du epaiek hizkuntz politikan eragin izana

Iosu Alberdi

Euskararen kontrako «erasoei» aurre egiteko, hizkuntzaren inguruko herri akordio bat proposatu dio EH Bilduk Eusko Jaurlaritzari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.