Albistea entzun

Ohorezko sarien inguruko kode etikoa eztabaidatuko dute datozen hilabeteetan

Donostiako Zinemaldiak eta (H)emen elkarteak antolaturiko genero berdintasunaren inguruko jardunaldia elkarrekin lan egiteko borondatearekin eta konpromisoarekin amaitu da

Johnny Deppi emandako Donostia sariak polemika piztu du
Johnny Deppi emandako Donostia sariak polemika piztu du Gorka Rubio / Foku Tamaina handiagoan ikusi

Berria -

2021eko irailak 24

Donostiako Zinemaldiak eta (H)emen ikus-entzunezkoen eta arte eszenikoen sektoreko emakumeei zuzendutako elkarteak antolatutako lan jardunaldia Tabakaleran egin dute gaur goizean, eta bertan Espainiako eta Herrialde Katalanetako ikus-entzunezkoen alorreko beste hainbat emakume elkartek ere hartu dute parte.

Zinemaldiak ohar baten bidez jakinarazi duenez, zinema jaialdiko zuzendaritzak konpromisoa hartu du datozen hilabeteetan ohorezko sarien inguruko kode etiko bat eztabaidatzeko. Elkarteek, beren aldetik, «positibotzat»jo dute zinemaldiak ohorezko sariak hautatzeko irizpideari buruz proposatutako berrikuspen borondatea, baina ez dute nahikotzat jo: «Zinemaldien esparru etikoak arduratsua izan behar du sozialki, eta indarkeriarik gabeko gizarte bati lagundu behar dio. Zinemaldiek ez dute bakarrik irudimena sortzen programatutako filmen bidez, baita emandako sarien eta errekonozimenduen bidez ere, oihartzun mediatiko eta soziala dutelako. Horregatik, esparru etikoa zabaldu behar da ohorezko sarietan genero-ikuspegia sar dadin».

Bileran hainbat gai jorratu dituzte, eta ikus-entzunezkoetako elkarteek, besteak beste, eskatu diote zinemaldiaren zuzendaritzari emakumeen eta gizonen interpretazio sariak berreskuratzeko. «Gaur egungo nazioarteko testuinguruan, aktoreek rol protagonistetan duten parte-hartzeari buruzko datuak oso urrun daude paritarioak izatetik», adierazi dute ohar baten bitartez. «Gainera, emakumezko pertsonaien garrantzia eta sakontasuna, tamalez, oraindik oso urrun dago gizonezko pertsonaienetik. Horri gehitzen badiogu emakume gidoilariek eta zuzendariek idatzi eta zuzendutako filmen kopuru handi batek emakumezko protagonista bat dutela, erabaki horrek eragina izan dezake sortzaileek zuzendutako filmen errekonozimenduan. Testuinguru horretan, emakumeen interpretazio onenaren saria kentzeak egiturazko desberdintasuna indartzen du».

Elkarteek adierazi dutenez, Donostiako Zinemaldiaren 69. edizioan parte hartu duten zuzendarien % 29 izan dira emakumeak, eta oraindik ekintza positiboko neurriak behar dira «egiturazko desberdintasuna betikotzen duen balantza orekatzeko». Honen harira, Zinemaldiak Europa-Latinoamerika Koprodukzio Foroan; Nest, Ikusmira Berriak egoitza-programan; eta Zuzendari Berriak sailean, emakumeek zuzendutako filmen parte-hartzea handitzeko eta babesteko konpromisoa hartu du.

Gaurko bilera hasiera bat izan dela adierazi dute Donostiako Zinemaldiak eta (H)emen elkarteak. Aurrerantzean hiru hilean behin egingo dituzte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

<em>Emakumeak abstrakziogile</em> erakusketako hainbat obra, Bilboko Guggenheim museoan. ©MONIKA DEL VALLE / FOKU

Motibo ez-abstraktuak

Iñigo Astiz

Emakumezko artistek abstrakzioaren historian izan duten lekua aldarrikatzen duen erakusketa bat zabaldu du Bilboko Guggenheim museoak: 'Emakumeak abstrakziogile'. Guztira, 110 artistaren 400 obra baino gehiago bildu dituzte
Xabier Erkizia eta Maialen Lujanbio, atzo, Tabakalerako eskailerapean. ©GORKA RUBIO / FOKU

Errealitatea, artelan bat bezala

Gorka Arrese

Maialen Lujanbiok 'Bizitza happening' soinu instalazioa paratu du Tabakalerako eskaileran
Jon Bagues, iazko urtarrilean, Eresbileko zuzendari gisa egindako azken agerraldietako batean, Donostian. ©J.C. RUIZ / FOKU

Jon Baguesi emango dio Eusko Ikaskuntzak Manuel Lekuona saria

Ane Eslava - Itziar Ugarte Irizar

Euskal musikaren ondarearen alde eginiko lanagatik sarituko dute Eresbileko zuzendari izandakoa
Cary Joji Fukunagaren <em>No Time To Die</em> pelikulako fotograma bat. ©BERRIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.