Albistea entzun

Hatortxu Rock

Jaialdi berezi bat iragarri du Hatortxu Rockek datorren urterako

Hatortxu Rock jaialdiak 25. aldia ospatuko du abenduaren 18an, ‘Kilometroak metro’ lelopean. Datorren urteko uztailean ere bi eguneko jaialdi berezi bat egingo du, eta Atarrabian izango da hori ere.

Hatortxu Rock jaialdiaren 2017ko irudi bat, Atarrabian (Nafarroa).
Hatortxu Rock jaialdiaren 2017ko irudi bat, Atarrabian (Nafarroa). Idoia Zabaleta Tamaina handiagoan ikusi

Nagore Arin -

2021eko urriak 14

«Beste urte batez, hemen da Hatortxu Rock». Horrela iragarri du Hatortxu Rock jaialdiak bueltan dela, «urte eta erdi berezi» baten ostean ohiko formatura bueltatzeko prest dagoela. «Hamarnaka adjektibo jartzen ahal zaizkie atzean utzi ditugun hilabete hauei guztiei [...]. Baina, horren guztiaren gainetik, Hatortxu Rock jaialdiak ideia argi bat izan du: lanean jarraitu beharra dago». Atarrabian (Nafarroa), jaialdiaren ohiko etxean ospatuko dute itzulera: abenduaren 18an izango da, eta datozen asteetan emango dute bertan joko duten talde eta musikarien berri.

Ekitaldiaren harira plazaratutako oharrean azaldu dutenez, «guztiok ezagutzen dugun Hatortxu Rock bat» izango da abenduaren 18an egingo dutena, murrizketa neurriak bertan behera gelditu direnez gero «Hatortxu Rock antolatu eta jaialdiaz gozatzeko moduan» daudela iritzi baitiote. Ohi bezala, euskal preso politikoek senide eta gertukoek pairatzen duten sakabanaketa politika salatzeko antolatu dute, eta irabazi ekonomikoak ere sakabanaketaren aurkako lanera bideratuko dituzte.

Igande honetatik aurrera erosi ahal izango da jaialdirako sarrera: 20:00etan jarriko dituzte salgai, jaialdiaren webgune ofizialean, eta 20 euroan erosi ahal izango dira. Egunean bertan, berriz, 25 euro ordaindu beharko dira sarrera bakoitzarengatik. Zehaztu dutenez, iazko aldi berezian sarrera erosi zuten guztiek aukera izango dute aurtengo hau aurresalmentan lortzeko, eta posta elektronikora bidaliko dieten mezu baten bitartez erosi ahal izango dute sarrera.

Beste ekitaldi bat 2022an

Ez da jaialdiak eman duen albiste bakarra; izan ere, hurrengo urtean ere ekitaldi handi bat izango dela aurreratu dute. Uztailaren 29an eta 30ean izango da, Atarrabian, eta bi egun iraungo du. «Azken urtean antolatu ezin izan diren ekitaldi guztiak kontuan hartuta eta sakabanaketaren aurkako borrokan dagoen beharra aztertuta» hartu dute erabaki hori. Une horretan koronabirusaren bilakaera zein den aztertu beharko dutela ere aurreikusi dute, baina gaur-gaurkoz «zita berezi» hori prestatzen hasiak direla. «Gero eta gertuago ikusten dugun sakabanketa politikaren amaiera gauzatzeko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñaki Uriarte arkitektoa. ©MARISOL RAMIREZ / FOKU

HANDITZEA TXIKIZIOA DELAKOAN

Iñigo Astiz

EAEko Ingurumen eta Hirigintza fiskalak tramiterako onartu du Bilboko Arte Ederren Museoa handitzeko proiektua geldiarazteko eskaria. Iñaki Uriarte arkitektoa buru, herri mugimendu batek salatu du ustezko irregulartasun eta lege hauste «multzo bat» egon dela Norman Fosterren proposamenean eta hura onartzeko prozesuan.
Aldoux Huxley, 1930ean. ©DOROTHY WILDING / LONDRESKO NATIONAL PORTRAIT GALLERY

Hilketa politikoa: teorian eta praktikan

Gorka Arrese

Aldous Huxleyren 'Bai mundu berria' euskaraz argitaratu zela 50 urte dira. Beste bat da, ordea, idazle ingelesaren nobelarik konplexuena eta anbizio handikoena: 'Point Counter Point', intriga paraleloekin eta argumentuen kontrapuntuaz.

Gerlaren gizalegea

Irati Majuelo

Idazlea: Slavenka Drakulic. Itzultzailea: Amaia Apalauza. Argitaletxea: Txalaparta.

Ezohiko atsegina

Imanol Mercero

Idazlea eta ilustratzailea: Adrien Albert. Itzultzailea: Bego Montorio. Argitaletxea: Astiberri.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.