Albistea entzun

Haur pobreziaren «aurka borrokatzeko» akordioa lortu dute Eusko Legebiltzarrean

Araban, Bizkaian eta Gipuzkoan haurren pobrezia puntu eta erdi igo da bi urtean, eta adingabeen artean %11,7ra iritsi da.

Pobreziaren aurkako manifestazioa Bilbon. Artxiboko irudia
Pobreziaren aurkako manifestazioa Bilbon. Artxiboko irudia Marisol Ramirez/ FOKU Tamaina handiagoan ikusi

Unai Etxenausia -

2021eko urriak 14 16:38

Elkarrekin Podemos-IUk haur pobreziaren aurka «borrokatzeko» eta haurren eskubideak areago «hobetzeko» mozio bat aurkeztu du Eusko Legebiltzarreko osoko bilkuran. EAJk, PSEk eta PPk babestu egin dute. EH Bildu, berriz, abstenitu egin da.

Isabel Gonzalez Elkarrekin Podemos-IUko legebiltzarkideak adierazi duenez, ezin daiteke «normal onartu» haurren pobrezia, eta orain arteko politikek «porrot» egin dutela esan du. Izan ere, Araban, Bizkaian eta Gipuzkoan goraka doa haur pobrezia: pobreziaren eta desorekaren 2020ko azken inkestak ohartarazi duenez, haurren pobrezia puntu eta erdi handitu da bi urtean, eta adingabeen artean %11,7ra iritsi da.

Adostutakoen artean, Aukerak Suspertzen programa abian jartzea erabaki dute: haurren alfabetatzea eta familia zaurgarrien irisgarritasun digitala errazteko. Horrez gain, egoera sozioekonomiko zaurgarrian dauden familietan hezkuntza behar bereziak edo ikaskuntza zailtasunak dituzten ikasleek behar duten laguntza espezifikoa indartuko dute. Legebiltzarraren egutegian, berriz, gaur-gaurko gai bihurtuko da haur eta nerabeen eskubideen lege proiektu berria.

Gonzalezek esan du «zapore gazi-gozoa» utzi diola azken erabakiak, eta «anbizioa falta» izan dela aurpegiratu die beste alderdiei. Koalizio morearen jatorrizko proposamenean, lerro estrategiko bat txertatzea nahi zuten Euskadi Next- 21-26 funtsen barnean, haurren politiken gainekoa. «Guztiz ezinezkoa izan da, Berdintasun Ministerioko Corresponsables programan ikusi dugun bezalaxe», azaldu du Gonzalezek.

Hitzarmenetik kanpo

Hitzarmenetik kanpo gelditu da haurren pobrezia borrokatzeko laguntza espezifiko bat, txirotasunaren mugan bizi diren eta seme-alabak dituzten familientzat bermea ematekoa zena. Gonzalezek baieztatu du neurri horrek «zinez hobetuko» zuela haien bizimodua.

Azkenik, Gonzalezek gogora ekarri ditu Erika Tavaresen bi ume adingabeak —bikotekideak hil zuen Tavares— . Eskatu du haien eskura jartzeko doluan eta egoera psikologikoan laguntzeko behar diren baliabideak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Eusko Legebiltzarreko osoko bilkuren aretoa, artxiboko irudian ©Jaizki Fontaneda/ Foku

Eusko Legebiltzarrak ez du lortu ETA «gaitzesteko» adierazpen instituzionala adostea

Edurne Begiristain

ETAren amaieraren hamargarren urteurrena dela eta, testu bat onartu dute EAJk, PSEk, Elkarrekin Podemos-IUk, PP+C´s-ek eta Voxek. EH Bildu ez da batu adierazpenera.

Sortuko ehunen bat kide, atzo, Donostian plazaratutako adierazpenean. ©JAGOBA MANTEROLA / FOKU

Bakerako eta elkarbizitzarako «ausardiaz» segituko du Sortuk

Enekoitz Esnaola

«Aterabide demokratikoa» eskatu du ETAren jarduera armatuaren bukaeraren 10. urteurrenean

Iñigo Urkullu —erdian—, Beatriz Artolazabalen eta Maria Jauregiren artean, atzoko ekitaldian. ©ARITZ LOIOLA / FOKU

Urkulluk esan du ETA «hanka sartzea» izan zela, «hasieratik amaieraraino»

Gotzon Hermosilla- Joxerra Senar

«Memoria zintzoa» aldarrikatu du ETAren biktimak gogoratzeko ekitaldian. Txibitek positibotzat jo du ezker abertzaleak «eragindako mina aitortu izana»

Biktima guztientzat errekonozimendua eskatzen duen kartel bat, Eusko Legebiltzarraren parean. ©JUANAN RUIZ / FOKU

Memoria duen etorkizunera

Iosu Alberdi

EAEko Ahal Dugu-k «espazio partekatu bat» eraikitzeko beharra adierazi du. Sozialistek «demokraziaren garaipena» aldarrikatu dute; Covitek ukatu egin du halakorik gertatu izana

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.