Euskal Herriko Eskubide Sozialen Gutunak etapa berri bat zabalduko du, ekinbidea «indartzeko» asmoarekin

Sei hilabeteko epe bat zabalduko du, ekinbidean parte hartzen ez duten eragileek bertara batzeko aukera izan dezaten. Pandemiak utzi dituen ondorioei aurre egiteko sareak sendotu nahi ditu.

Gaur goizean Eskubide Sozialen Karta osatzen duten eragileek egindako bilera. @LABSINDIKATUA
jone arruabarrena
2021eko urriaren 16a
15:52
Entzun

Euskal Herriko Eskubide Sozialen Gutuna osatzen duten eragileek gaur egin dute lehen bilera pandemia hasi zenetik, Gasteizen. Bertan erabakitakoa jakinarazi dute gero, agerraldi batean: Sei hilabeteko epe berri bat zabalduko dute, ekinbidea eta inguruko sareak «indartzeko» asmoarekin. Bertan parte hartzen ez duten eragileei gonbita egin die ekinbidera batzeko eta «sareak indartzeko».

Beñat Irasuegi bozeramaileak adierazi duenez, pandemiak agerian utzi du «burujabetzaren eta oinarrizko giza eskubideen» beharra, eta, Irasuegiren ustez, are modu argiagoan ikusten da orain konpondu beharreko «egiturazko arazoak» daudela. Azaldu duenez, pandemia garaian eskubideak murriztu egin dira, eta herritarren bizi baldintzak nabarmen okertu dira. Horregatik zabaldu dute deialdia, izurriak utzi duen egoera berriko erronkei begira.

Helburu gisa jarri dute subiranotasunaren aldeko eragileak elkartu eta agenda sozial berritu bat sortzea, besteak beste. Jakinarazi dutenez, urte politiko hau «berezia» izango da, COVID-19ak utzi dituen arazoez jabetu eta horiek «kudeatzen» hasiko direlako.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.