Migratzaileak

Ehunka iheslari heldu dira asteburuan Espainiako kostaldera

Almeriako kostaldetik gertu hondoratutako ontzi batean zihoazen hamabi pertsonaren bila jarraitzen dute itsas erreskateko taldeek. Cadizen, berriz, joan den ostegunean hondoratutako ontzian zihoazen bi pertsonaren gorpuak aurkitu dituzte.

Itsas salbamenduko kideek joan den ostegunean erreskatatutako talde bat, Kanaria Handian. ELVIRA URQUIJO A.
arantxa elizegi egilegor
2021eko urriaren 18a
11:37
Entzun

Gehienak Kanarietara eta Balear uharteetara heldu dira azken orduetan, baina izan dira kontinentera jo dutenak ere. Orotara, 500dik gora iheslari heldu dira asteburuaz geroztik. Balear uharteetara jo dute gehienek. 230 pertsona iritsi dira hara, 18 ontzitan. Murtziara beste 118 pertsona heldu dira, hamar txalupatan, tartean 11 adingabe. Guztiak dira aljeriar jatorrikoak, eta, iturri ofizialen arabera, osasunez ondo iritsi dira Espainiako kostaldera.

Ez dute guztiek zorte bera izan. Erreskate taldeek lanean jarraitzen dute, joan den ostegunean hondoratutako ontzian zihoazen iheslarien bila. Barbaten izan zen ezbeharra, Cadizko kostaldetik gertu. 28 lagun zihoazen bertan, eta horietatik hamarren gorpuak aurkitu dituzte, azken biak atzo bertan. Almeriatik gertu, berriz, desagertutako hamabi lagunen bila jarraitzen dute salbamendu taldeek.

Kanaria Handira ere hainbat ontzi iritsi dira. Horietako batean 45 pertsona zihoazen. Gurutze Gorriak zabaldu duenez, astebete zeramaten itsasoan noraezean. Ontzia 45 lagunekin irten zen, baina soilik 44 iritsi dira bizirik, tartean hainbat adingabe.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.