Albistea entzun

hezkuntza

Ikastetxeek Lanbide Heziketa inklusiboa lortzeko itun bat eskatu dute

Hetel elkarteak nabarmendu duenez, Oinarrizko lanbide Heziketa «aukera eskola bat» da, besteak beste, hezkuntzan arazoak dituzten gazteei edo migratzaileei laguntzen dielako.

Hetelek emandako prentsaurrekoa, gaur goizean, Bilbon
Hetelek emandako prentsaurrekoa, gaur goizean, Bilbon Oskar Matxin Edesa / FOKU Tamaina handiagoan ikusi

Irati Urdalleta Lete -

2021eko urriak 18 14:06

Lanbide Heziketa inklusiorako zer-nolako tresna den nabarmendu du Julen Elgeta Heteleko presidenteak, gaur goizean Bilbon eman duen prentsaurrekoan. Arabako, Bizkaiko eta Gipuzkoako Lanbide Heziketako 27 ikastetxe biltzen dituen elkartea da Hetel, eta ikasturte honetarako erronka bat jarri diote haien buruari: LH Lanbide Heziketa inklusiboa dela erakustea. Ildo horretatik joz, itun bat eskatu du Elgetak: «Enpresen, erakundeen, ikastetxeen eta gizartearen arteko konpromiso edo itun soziala behar dugu, euskal LH inklusiboa lortzeko. Horrek esan nahi du inor ez dela kanpoan utzi behar, bere jatorria, generoa edo gaitasunak edozein direla ere, eta pertsona guztien ikaskuntza premiei erantzun behar zaiela, arreta berezia jarriz marjinalitatearen eta gizarte bazterkeriaren aurrean kalteberak direnei».

Oinarrizko Lanbide Heziketa zenbait ikaslerentzat «aukera eskola bat» dela nabarmendu du Elgetak, besteak beste, hezkuntza arazoak dituzten gazteei edo migratzaileei laguntzen dielako. Azaldu duenez, Heteleko ikastetxeetako Oinarrizko Lanbide Heziketan matrikulatzen diren ikasleen %26 ez dira Derrigorrezko Bigarren Hezkuntzan eskolatuta egon; %13,1ek «eskola premia bereziak» dituzte; %11k gizarte zerbitzuen laguntza jasotzen dute; eta %32 etorkinak dira. Ikasketa horiekin lortzen dituzten emaitzak goraipatu ditu: «%72k baino gehiagok erdi mailako heziketa ziklo batean jarraitzen duten ikasten, lan merkatuan sartzeko aukera gehiago izango dutelako».

2021-2022ko ikasturtean hainbat berrikuntza txertatu dituzte. Eredu dualean programa pilotu bat martxan jarriko dute, erdi mailako eta goi mailako zikloetako lehen mailako ikasleek 2022ko apiriletik aurrera enpresetan praktikak egin ditzaten. Asteko hiru egunetan ikastetxera joango dira, eta beste bietan enpresara.

Hiru sari

Hetel sariaren VII. edizioko irabazleak zein diren ere jakinarazi du Elgetak. Haizea Windek, Ulma Packaging enpresak eta Julia Liberalek jasoko dituzte sariak. Elgetaren hitzetan, Lanbide Heziketa inklusiboa bultzatzeko egin duten ekarpena saritu du epaimahaiak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zitarik gabe txertatzeko gunea, Mutiloan (Nafarroa). ©IDOIA ZABALETA / FOKU

1.890 positibo atzeman dituzte Hego Euskal Herrian

Ion Orzaiz

Nafarroako Gobernuak ez du baztertu «neurri komunitario gehiago ezartzea», izurriaren bilakaeraren arabera

Arantxa Tapia Eusko Jaularitzako Ekonomia Garapena, Jasangarritasuna eta Ingurumen sailburua ©David Aguilar/ Efe

Ingurumen Administrazioaren Legea onartu du Eusko Legebiltzarrak

Edurne Begiristain

EAJren eta PSE-EEren botoekin egin du aurrera legeak. Oposizioak aho batez arbuiatu du araua, eta bereziki kritikatu du EAJk eta PSE-EEk interes orokorreko proiektuak izendatzeko sortutako figura berria.

Zadorra ibaia, gainezka egina, artxiboko irudi batean. ©Juana Ruiz, FOKU

Ibaiek gainezka egin dute hainbat tokitan, eta uholde arriskuak kezka piztu du

Berria

Euriteen eraginez, Zadorra eta Cadagua ibaietako ura hainbat tokitan atera da bidetik, eta zirkulazioa nabarmen korapilatu da azken orduetan. Jaurlaritzak larrialdi egoeraren bigarren fasea ezarriko du eguerdian.

Osasun publikoa indartzeko planik ez izatea leporatu diote Jaurlaritzari

Iosu Alberdi

Osasun Publikoa Aurrerak, Babestu Arabak eta Gasteizko hainbat auzo elkartek «antisozialtzat» jo dituzte 2022rako aurrekontuak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.