Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Euskal presoak

Espetxe politikaren aldaketa «sendotzeko», manifestaziora deitu du Sarek larunbaterako

ETAk jardun armatua eten zueneko hamargarren urteurrenaren bezperan, eskubide urraketa guztiei irenbidea emateko eskatu du plataformak. Manifestazioa 17:00etan aterako da, Antiguako tuneletik. Baieztatu du, besteak beste, Kataluniako preso politikoen ordezkaritza bat egongo dela, eta Gatibuk emanaldia egingo duela amaieran.

Sareren agerraldia gaur, Donostian
Sareren agerraldia gaur, Donostian Jon Urbe / FOKU Tamaina handiagoan ikusi

Oihane Puertas Ramirez -

2021eko urriak 19

Sare plataformak agerraldia egin du gaur goizean Donostian, ETAk jardun armatua eten zueneko hamargarren urteurrenaren bezperan. Bertan, espetxe politikaren aldaketa «sendotzeko premia» nabarmendu du, eta eskubide urraketa guztiei irtenbidea emateko eskatu; espetxe politikarekin eta biktima guztien aitortzarekin lotutakoei. Adierazi duenez, egoera «ezin da gehiago luzatu»: «Bizikidetza lortzeko ezinbestekoa da konfrontazioz eta sufrimenduz lotutako kapitulu hau ixtea». Eskubide urraketak amaitzeko, manifestaziorako deia egin du larunbaterako, eta, herritarrez gain, eragileei ere parte hartzeko deia egin die.

Sareren arabera, hamar urte hauetan «aukera paregabea» zabaldu da bizikidetzan eta bakean «aurrera egiteko», baita pertsona guztien sufrimendu eta giza eskubideekiko errespetuan «aurrera egiteko» ere. Baina azaldu du «aurrerapen batzuk» egon diren arren aukera hori «erdizka aprobetxatu» dela; besteak beste, «inork» ez zuelako espero gaur egun ere euskal presoek bizi duten eskubideen urraketaren aurka «konponbide justurik» ez egotea. Horrekin batera, Sarek eskerrak eman dizkie urte hauetan «modu arduratsuan eta ahalegin handia eginez» aurrerapauso bat emateko aukera «aprobetxatu» duten guztiei.

Plataformaren ustez, ETAren ekinbidearen amaierak «salbuespen legediaren amaiera» ekarri behar zuen, baina «urruntzeari eutsi egin zaio»: 104 preso daude Euskal Herritik kanpoko espetxeetan, «etxetik batez beste 250 eta 600 km arteko distantziara». Preso horien senideek egin behar dituzten bidaia luzeez gain, salbuespeneko espetxe politika «eragin negatiboa» duen beste arlo batzuetan ere aplikatzen da: hamar preso daude espetxeko hirugarren graduan, eta 70 preso inguru egon beharko lirateke egoera horretan; presoen %90ek espetxeko baimena hartzeko eskubidea dute, baina «ez zaie baimenik ematen», eta Auzitegi Nazionalak ezartzen duen «blokeoa» jasaten ari dira. Horregatik, egoera horren aurka eta gainerako kasu guztietan «justizia eta bihozberatasuna» eskatu ditu Sarek.

Plataformako bozeramaileek adierazi dute Sarek «oso modu baikorrean» hartu dituela Arkaitz Rodriguez Sortuko idazkari nagusiak eta Arnaldo Otegi EH Bilduko koordinatzaile nagusiak atzo Aieten eginiko adierazpenak. Bego Atxa bozeramaileak Sareren «aitorpen eta babes osoa» adierazi die ezker abertzaleak egindako adierazpenei; «zubiak eraikitzen jarraitzeko aurrerapausoak» baitira. Gaineratu du «ondo» legokeela «gainontzeko indarkeriari babesa eman diotenek» ere horrelako aldarrikapenak egitea. Joseba Azkarraga bozeramaileak ere adierazi du atzo esandakoa bizikidetza lortzeko «pauso garrantzitsua» izan dela.

Agerraldian, gainera, larunbatean Donostian egingo den euskal presoen eskubideen aldeko manifestaziora joateko deia egin diete herritarrei eta herriko ordezkari sindikal, politiko eta sozialei. Manifestazioa 17:00etan aterako da, Antiguako tuneletik, eta Bulebarrean amaituko da. Plataformak baieztatu du, besteak beste, Kataluniako preso politiko ohien ordezkaritza bat egongo dela, eta Gatibuk emanaldia egingo duela amaieran.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

EAJren burukideak, BECeko Batzar Nagusian ©Monika del Valle / Foku

«Entzute aktiboko» prozesu bat abian jarriko du EAJk datozen hilabeteetan

Gotzon Hermosilla

Jeltzaleak VIII. Batzar Nagusia egiten ari dira Barakaldoko BECen.

Igandean egin ziren kontzejuetako hauteskundeak. Irudian, Añuako herritarrak botoa ematen. ©ARABAKO KONTZEJUEN ELKARTEA

Arabako kontzejuen %24k izango dute emakume bat lehendakari

Edurne Begiristain

Kontzejuetako administrazio batzarretako ordezkariak aukeratu dituzte. Finantzaketa, digitalizazioa, emakumeen parte hartzea eta despopulazioa izango dituzte erronka nagusi

Maddalen Iriarte EH Bilduko bozeramailea, atzo, Eusko Legebiltzarrean. ©JAIZKI FONTANEDA / FOKU

«Aukera bat» aurrekontuei

Jon O. Urain

EH Bilduk ez dio osoko zuzenketarik jarri Jaurlaritzaren aurrekontu proiektuari, «elkarrizketarako borondate zintzoa» erakusteko. Eskertuta erantzun du Urkulluk: «Bide berri bat irekitzen da»

Olatz Garamendi Gobernantza Publiko eta Autogobernu sailburua ©Raul Bogajo / FOKU

Garamendik ez du parte hartuko Autonomia Erkidegoetako Presidenteen Konferentzian

Oihane Puertas Ramirez

Adierazi du Espainiako Gobernua hitzartutako «aldebiko akordioak behin eta berriz ukatzen» ari dela, eta Sanchezen Gobernuari eskatu dio bete dezala Eusko Jaurlaritzarekin «hitzartutakoa». Garamendik nabarmendu du ez dutela onartuko «Eusko Jaurlaritza gutxiestea».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.