Albistea entzun

hezkuntza

Steilasek «hezkuntza sistema publiko-pribatua» amaitzeko eskatu du

'Euskal eskola publikoaren etorkizunean lanean' izenburupean, jardunaldiak egingo dituzte hilaren 28an, Donostian.

Steilasen prentsaurrekoa, gaur goizean, Bilbon
Steilasen prentsaurrekoa, gaur goizean, Bilbon Oskar Matxin Edesa / foku Tamaina handiagoan ikusi

Irati Urdalleta Lete -

2021eko urriak 20

Hezkuntza eragileak Arabako, Bizkaiko eta Gipuzkoako ikastetxeetan eragina izango duen hezkuntza legera eta haren aurretik lortu nahi duten hezkuntza hitzarmenera begira jarrita daude. Steilas sindikatuak prentsaurrekoa eman du gaur goizean Bilbon, bere iritzia zein den jakinarazteko eta lehentasunak finkatzeko. «Publifikazio prozesu progresiboaren» aldeko apustua berretsi dute. Nabarmendu dutenez, «urteak» daramatzate hezkuntza sistemako «egiturazko arazoak» salatzen, eta horretan egungo «sistema publiko-pribatuak» duen erantzukizuna izan dute hizpide: «Behin eta berriro esan dugu egun dugun sistema publiko-pribatu duala gure gizartearen estratifikaziorako eta segregaziorako tresna bat dela».

Iñigo Urkullu Eusko Jaurlaritzako lehendakariak urtebete aurreratu du hezkuntza hitzarmena lortzeko epea: 2022an lortu asmo dute. Sindikatuak eskatu du akordioaren datari baino garrantzi handiagoa emateko hura lortzeko moduari. «Prozesu horrek benetan parte hartzailea izan beharko du, eta, alderdi politikoetatik harago, hezkuntza komunitatea ere barne izan beharko du. Prozesuak presa eta interes politikoetatik aldendu beharko du, parte hartzea eta etekina erreala izan daitezen». Beste eskaera bat ere egin dute: «Gaurko gatazka konpondu nahi badugu, dugun hezkuntza sistema publiko-pribatua amaitu beharko da; hau da, ituntze politika unibertsala amaitu beharko da».

Sindikatuaren hitzetan, Eusko Jaurlaritzak EH Bildu du hitzarmenerako bidelagun, «EH Bilduk ere momentu berean hezkuntza akordioaren beharra baieztatu baitzuen aurkeztutako hezkuntza proposamenean». Azaldu dutenez, «balizko akordio horren» lehen zertzeladak komunikabideen bidez jaso dituzte: deszentralizazioa, udalaren garrantzia, ikastetxeen autonomia eta bi sareen egungo titulartasunak —publiko eta pribatua— bere horretan mantentzea. Steilas «oso arduratuta» dago, ez baitute uste neurri horiek egungo egoera konpontzeko balio dutenik.

Hurrengo astean, jardunaldiak

Hezkuntza hitzarmenari buruz duten iritzia ematearekin batera, Steilasek jardunaldi batzuk ere aurkeztu ditu. Hilaren 28an egingo dituzte, Donostiako Kursaalean, Euskal eskola publikoaren etorkizunean lanean izenburupean. Besteak beste, eskola publikoko guraso eta zuzendarien ikuspegia jasoko dute, EHIGEko Lurdes Imazen eta Heizeko Iñigo Salaberriaren eskutik, eta Kataluniako esperientziaren berri emango du Xabier Diez i Rodriguez USTEC sindikatuko kideak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Irabia-Izagaren Izaga egoitza, Cordovillan, artxiboko irudi batean. ©IÑIGO URIZ / FOKU

Nafarroak batxilergoko ituna eten die ikasleak sexuka bereizten dituzten eskolei

Ion Orzaiz- Irati Urdalleta Lete

Hezkuntza Departamentuaren esanetan, Opus Deiren bi eskolek, Miravalles-Redinek eta Irabia-Izagak, «ez dituzte betetzen itunerako ezaugarriak»
Pilar Alegria Espainiako Hezkuntza ministro eta PSOEko eleduna, atzo egindako agerraldian. ©FERNANDO ALVARADO / EFE

'Soilik baietz da baietz' legea aldatzea Kongresuan proposatuko du PSOEk

Maite Asensio Lozano

Berdintasun Ministerioak ez du uste moldaketak zigor berrazterketen auzia konponduko duenik
Alberto Perez, Sindikatu Medikoko burua, atzoko agerraldian. ©AITOR KARASATORRE / FOKU

Osasunbidearen eskaintza medikuei: soldata igoera eta 32 paziente egunean

Ion Orzaiz

Nafarroako Gobernuak «asmo handiko eskaintza» egin dio Sindikatu Medikoari, greba eragozteko. Esklusibotasuna kenduko lukete, baina trabak jarrita sare publikoan eta pribatuan aldi berean aritzeari
Donostia ospitaleko zerbitzuburuen protesta bat, abenduan. ©JON URBE / FOKU

Negoziazioa «bideratuta» egon arte protestan segituko dute Donostia ospitalean

Julen Aperribai

Elkarretaratzea egin dute berriro ere. »Kronograma» bat bidali zioten Osakidetzako zuzendaritzari, eta horren erantzuna jaso zain daude

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.