Albistea entzun

Polizia operazioa

Hiriburuko Aturri kolegioa osoki miatu ondoan, ez du jende susmagarririk atzeman Frantziako Poliziak

Ikasleak ikastetxe barnean konfinaturik atxiki dituzte, eta pixkanaka aterako dituzte arratsaldean zehar. Esan dutenez, azterketa psikologikoa egingo diete gurasoei itzuli aurretik, ondo dauden ikusteko.

Polizia bat pistola eskuan, kolegioaren inguruan.
Polizia bat pistola eskuan, kolegioaren inguruan. Bob Edme Tamaina handiagoan ikusi

Oihana Teyseyre Koskarat -

2021eko urriak 21 15:30

Hiriburuko (Lapurdi) Aturri kolegioaren ingurua zerratu du Frantziako Poliziak goizetik. Pirinio Atlantikoetako prefeturak goizean jakinarazi duenez, «ustez norbaitzuk legez kanpo sartu dira» kolegiora.Jerome Bourrier Baionako prokuradoreak BERRIAri baieztatu dionez, ikasle batzuek eman du alerta, goizean. Haren lekukotasunaren arabera, «bi pertsona» sartu dira ikastetxe barnera. Frantziako Poliziak osoki miatu du egoitza, baina ez dute jende susmagarririk atzeman. Anartean, 700 ikasleak eraikinean konfinaturik egon dira. Segurtasun Plana aktibatu du prefeturak: protokoloaren arabera ikasleek eta langileek ikasgeletan egon behar dute, atea blokeatuta.

Frantziako jendarmeen arabera «pertsona liskartiak» izan zitezkeen. Baionako Philippe Le Moing-Surzur suprefetak adierazi du bi gizonen bila segituko dutela. Ikastetxe barneko operazioa bukatutzat eman dute, eta ikasleak pixkanaka aterako dituzte. Arta psikologikoak eskainiko zaizkie.

Ez dute nehor atzeman kolegioan, baina lehergailuak topatzeko operazio bat egin dute. Eztanda bat entzun da kolegio inguruan: prefeturak esan du eztanda «bi autoren inguruko susmoa argitzeko eginiko operazio baten ostean» gertatu dela, eta ez dagoela zauriturik, ez dutela inor topatu eta ez dagoela arriskurik.

Bestalde, Prefeturak gurasoei eskatu die ez bertaratzeko, eta telefono zenbaki bat jarri dute «kezkatuak dauden gurasoentzat». Euskal Irratien arabera, gurasoak Hiriburuko Ikea dendako aparkalekuan bildu dituzte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lehen mailako artako kontsultak atzeratuko ditu Osakidetzak

Lehen mailako artako kontsultak atzeratuko ditu Osakidetzak

Arantxa Iraola-Irati Urdalleta Lete

Osasun sailburu Gotzone Sagarduik egin du jakinarazpena: «Aparteko larritasuna ez duten» kontsultak atzeratuko dira.

Baionako txertaketa gunea, artxiboan ©Guillaume Fauveau

Pfizer dosiak ez ote diren faltako beldur dira txertaketa guneetako langileak

Oihana Teyseyre Koskarat

Eskualdeko Osasun Agentziak hobetsi du Moderna txertoak banatzea. Baionako txertaketa guneko langileek lana uzteko eskubidea aldarrikatu dute, pazienteei «gardentasuna zor» zaielakoan.

5-11 urte arteko haurren txertaketa onetsi du Espainiako Osasun Publikoko Batzordeak

5-11 urte arteko haurren txertaketa onetsi du Espainiako Osasun Publikoko Batzordeak

Arantxa Iraola-Irati Urdalleta Lete

Hilaren 15etik aurrera autonomia erkidegoek haurrak txertatzen hasi ahal izango dutela jakinarazi du

Munilla meza ematen Azpetian (Gipuzkoa), 2019an. ©Javier Etxezarreta / EFE

Donostiako apezpikutza utziko du Jose Ignacio Munillak

Paulo Ostolaza

Ia hamabi urte egin ditu karguan. Alacanteko (Herrialde Katalanak) gotzaina izango da aurrerantzean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.