Albistea entzun

Eusko Legebiltzarrak ez du lortu ETA «gaitzesteko» adierazpen instituzionala adostea

ETAren amaieraren hamargarren urteurrena dela eta, testu bat onartu dute EAJk, PSEk, Elkarrekin Podemos-IUk, PP+C´s-ek eta Voxek. EH Bildu ez da batu adierazpenera.

Eusko Legebiltzarreko osoko bilkuren aretoa, artxiboko irudian
Eusko Legebiltzarreko osoko bilkuren aretoa, artxiboko irudian Jaizki Fontaneda/ Foku Tamaina handiagoan ikusi

Edurne Begiristain -

2021eko urriak 21 07:06

ETAren amaieraren hamargarren urteurrenaren harira, PP-Ciudadanos taldeak adierazpen instituzional baterako proposamena aurkeztu zuen joan den asteazkenean Eusko Legebiltzarrean, eta gaur izan dute hizpide Bozeramaileen Batzordean. Bilera horretan, PP-C's taldearen testuaren ordezko beste bat aurkeztu dute EAJk eta PSEk, eta horren alde agertu dira Elkarrekin Podemos-IU, PP+C's eta Vox. EH Bilduk, ordea, ez du dokumentua sinatu, eta, beraz, testua ez da aho batez onartu. Izan ere, legebiltzarreko araudiak dio adierazpen instituzional bat onartzeko ezinbestekoa dela talde politiko guztien adostasuna; baina, gaur, EH Bilduk ez du gainerako alderdiek onartutako testuaren inguruko jarrerarik agertu.

Hori hala, EH Bilduk ez beste taldeek sinatutako testuak «gogor gaitzetsi» du «ETAren jarduera terroristak lau hamarkadatan baino gehiagotan izandako zentzugabekeria eta bidegabekeria». Halaber, taldeek salatu dute indarkeriak ez duela «zilegitasunik» helburu politikoak lortzeko. ETAren indarkeriaren «basakeria» jasan zuten biktimei laguntza eskaini diete, halaber. «Argi eta garbi esaten dugu min hori ez zela inoiz gertatu behar. ETAk kalte konponezina utzi zuen euskal gizarte osoan». Horrekin batera, taldeek azpimarratu dute garai berriak «erantzukizunak onartzea eta eragindako mina aitortzea» eskatzen duela bizikidetza «egiatik, memoriatik eta justiziatik» eraiki nahi bada. «Gogoeta plurala sustatzeko lan egin behar da, argi eta garbi gera dadin ezin dela argudiorik, gatazkaren teoriarik, aurrez aurreko bandorik edo alde desberdineko urraketen salaketarik argudiatu ETAren indarkeria gutxietsi, justifikatu edo legitimatzeko». Halaber, testuan taldeek konpromisoa hartu dute indarkeriaren zikloa amaituta «ahalegin guztiak» egingo dituztela bizikidetza eta pertsona guztien «giza duintasunaren eta giza eskubideen» errespetua eraikitzeko.

EH Bilduk adierazi du ez dutela testuari buruzko aldeko edo kontrako jarrerarik azalduko, eta oso kritiko agertu dira adierazpen instituzionala sustatu duen PP-C's koalizioarekin; leporatu diote haren helburua ez dela izan «adierazpena, akordioa eta zubiak eraikitzea; konfrontazioa, lubakiak eta gaiaren erabilera alderdikoia egitea baizik». Gogorarazi dute, halaber, Voxekin batera ez dutela ezer sinatuko.

PPren kritika

Eusko Legebiltzarrean gertatutakoa EH Bilduren aurka egiteko baliatu du Carlos Iturgaitz Eusko Legebiltzarreko PP+Cs taldeko presidenteak. Haren ustez, ETA gaitzesteko adierazpena babestu ez izanak agerian uzten du koalizio abertzaleak ETAren biktimei zuzendutako mezua «faltsua» zela. Iturgaitzen ustez, EH Bilduk «arkume mozorroa kendu du, otso mozorroa jartzeko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bego Atxa eta Joseba Azkarraga, atzoko prentsaurrekoan. ©ANDONI CANELLADA / FOKU

Sarek Auzitegi Nazionalaren «blokeo jarrera» kritikatu du

Isabel Jaurena

Sare Herritarraren arabera, 47 euskal preso daude orain urruneko espetxeetan. «Presoengandik gertuen daudenen» jarrera nabarmendu du, erabakiak «jarraipen egokia» egin eta gero hartzeagatik

Bego Atxa eta Joseba Azkarraga, gaur goizeko prentsaurrekoan. ©Andoni Canellada / Foku

Sarek Auzitegi Nazionalaren «blokeo jarrera» salatu du

Isabel Jaurena

Sare Herritarrak adierazi du 47 euskal preso daudela oraindik urruneko espetxeetan

Antonio Caño 2018an, 'El Pais' egunkarik zuzendari zenean. Don Mitxelen albiste faltsua sinistu duenetako bat da. ©Fernando Villar / EFE

Arralderi buruzko txio batek agerian utzi du albiste faltsuen ahalmena

Paulo Ostolaza

Fikziozko herri horretako udalak Miguel Angel Blancoren hiltzailea seme kutun izendatu duela idatzi du Twitterreko Don Mitxel erabiltzaileak. Besteak beste, Daniel Lacalle ekonomialariak eta Antonio Caño El País-eko zuzendari ohiak sinistu eta zabaldu dute mezua.

Iruñeko zezen plaza, uztailaren 14ko arratsean. ©Iñigo Uriz, FOKU

Aske utzi dituzte Mutilzarra peñaren salaketaren harira Iruñean atxilotuak

Uxue Rey Gorraiz

Poliziak bost lagun atxilotu zituen atzo, uztailaren 14an Iruñeko zezen plazan izandako istiluekin lotuta. Aske dira, baina epaileak deklaratzera deituko ditu. Gorroto delitua egozten diete. Mutilzarraren arabera, hainbat pertsonak eraso egin zieten peñako zenbait kideri.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.