Albistea entzun

Zerga sistema

Gipuzkoak beste sei hilabetez atzeratu du Ticket Bai sistema

Derrigorrezkotasuna 2022ko uztailaren 1ean hasiko da, eta ez urtarrilean.

Jokin Perona eta Jabier Larrañaga, 2019an, Ticket Bai sistema aurkeztu zutenean.
Jokin Perona eta Jabier Larrañaga, 2019an, Ticket Bai sistema aurkeztu zutenean. Gorka Estrada / Efe Tamaina handiagoan ikusi

Iker Aranburu -

2021eko urriak 22

Gipuzkoako Aldundiak ere atzeratu egin du Ticket Bai sistema indarrean jartzeko data. Urtarrilaren 1ean ezarri beharrean, uztailaren 1etik aurrera izango da derrigorrezkoa lurraldeko dendarientzat, autonomoentzat eta jarduera ekonomiko bat duten besteentzat.

TicketBai sistemaren bitartez, enpresa handiek eta txikiek egiten dituzten faktura guztiak automatikoki iritsiko dira ogasunera. Horren bitartez zerga iruzurra borrokatu nahi dutela argudiatu dute sistemaren bultzatzaileek: Arabako, Bizkaiko eta Gipuzkoako foru aldundiek, eta Eusko Jaurlaritzak.

Sistemak sortu ditu kexu batzuk, batez ere dendari txikien artean, ordenagailu bat eta software berezi bat eskatzen dielako. Inbertsioak merezi ez ziela eta, adineko merkatari batzuk beren negozioa itxiko zutela iragartzera iritsi dira. Kexu horiek direla eta, Jokin Perona Gipuzkoako Ogasun diputatuak iragarri du erretiroa gertu dutenak salbuetsiko dituela.

Uztailean, Bizkaiak erabaki zuen beste bi urtez atzeratzea Ticket Bai sistema, COVID-19ak eragindako krisi ekonomikoak zailtasun gehigarriak ekarri dizkielako merkatariei.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Macron, Sant Nazaerko parke eolikoaren inaugurazioan. ©STEPHANE MAHE / EFE

Parisek arindu egin nahi du berriztagarrien tramitazioa

Iker Aranburu

Auzoekiko atzerapena murrizte aldera, proiektu eolikoak eta fotovoltaikoak moteltzen dituzten tramiteak eta auzibideak laburtzeko lege proiektua egin du Frantziako Gobernuak
Metalgitzako langile bat jardun betean. ©Marisol Ramirez / FOKU

Metalgintzako negoziazioak: Nafarroan akordioa gertuago dago; Bizkaian, urrun

Imanol Magro Eizmendi

Nafarroako metalgintzako patronalak UGTren eta CCOOren eskaintzak aztertuko ditu. Bizkaikoak, berriz, ez du aldatu lan ituna berritzeko eginiko azken eskaintza.

Hiru kamioi geldirik Oiartzungo aparkekuan. ©Gorka Rubio / FOKU

Jaurlaritzak zazpi milioi euro jarri ditu kamioiak berritzeko planerako

Imanol Magro Eizmendi

Asteartean hasiko da eskaerak egiteko epea. 34.000 eurora arteko laguntzak banatuko dira.

Gazte bat jan itzazu aberatsak dioen pintaketa baten aurretik pasatzen, Atenasen. ©ORESTIS PANAGIOTOU / EFE

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...