Albistea entzun

Bertsolaritza

Maddalen Arzallus gailendu da Xilabako finalerdian

513,5 puntu eskuratuta, Maddalen Arzallus Antiak irabazi du Xilabako bigarren finalerdia, Bardozen. Miren Artetxe eta Xumai Murua sailkatu dira haren atzetik.

Maddalen Arzallus, gaur, Bardozeko saioan.
Maddalen Arzallus, gaur, Bardozeko saioan. GUILLAUME FAUVEAU Tamaina handiagoan ikusi

Hodei Iruretagoiena -

2021eko urriak 23

Kasik berrehun lagunek bete dute Bardozeko Ezker Pareta, eta saio bizia osatu dute bertsolariek, Pantxika Solozarno gai-jartzailearen esanetara. Maddalen Arzallusek irabazi du finalerdia, 513,5 punturekin. Miren Artetxek egin du bigarren, 500,5 puntu batuta; eta haien atzetik sailkatu dira Xumai Murua (488,5), Ramuntxo Christy (481,5), Iker Altuna (468) eta Irati Alcantarilla (461,5).

Saio parekatua izan da oro har, baina ofizioak hutsik egin gabe osatu ondoren, Arzallusek koska bat gora egin du kartzelako ariketan. Horrenbestez, Arzallus anai-arrebak zuzenean sailkatuta daude azaroaren 13ko finalerako.

Datorren larunbatean jokatuko da hirugarren eta azken finalerdia, Izpurako Faustin Bentaberrin. Sei bertsolari hauek ariko dira: Egoitz Zelaia, Gillen Hiribarren, Johaine Sarraillet, Maindi Murua Berra, Odei Barroso Gomila eta Patxi Iriart Hiribarren.

Bizkaiko laugarren kanporaketa

Oihana Bartra Arenasek irabazi du Bizkaiko Bertsolari Txapelketaren laugarren kanporaketa, 479 punturekin, Mungiako Olalde aretoan. Paule Ixiar Loizaga Legarra izan da bigarrena, 472,5 puntu bilduta. Haien atzetik sailkatu dira, hurrenez hurren, Aitor Etxebarriazarraga Gabiola (472), Koldo Gezuraga Seijido (460), Aissa Intxausti Aburruza (427,5) eta Arkaitz Zipitria Mendizabal (426).

Bartrarekin batera, beste hiru bertsolari zuzenean sailkatuta daude finalaurrekoetarako. Ibon Ajuariagojeaskoa gailendu zen Durangoko kanporaketan; Gorka Pagonabarraga, Igorrekoan; eta Txaber Altube, Ortuellan.

Bosgarren kanporaketa datorren larunbatean jokatuko dute Elorrioko Arriola antzokian. Sei bertsolari ariko dira: Aitor Arrutia Azkueta, Peru de Pedro Larrea, Igor Galarza Intxausti, Imanol Arrutia Azkueta, Iñaki Iturriotz Zuluaga eta Imanol Uria Albizuri.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Koldo Zabala dantzari eta koreografoa. ©Bob Edme / LE JOURNAL

Zabala maisuari omenaldia

Iñaki Etxeleku - Ipar Euskal Herriko Hitza

Koldo Zabala dantzaria zena omendu zutean atzo Biarritzen, ‘Zabaltzen’ deituriko dantza emanaldiaren bidez. Zabalak zuzendu zuen Oldarra taldeko dantzari ohi andanak parte hartuko zuen. Koreografo gisa sortu zituen zati batzuk berriz muntatu zituzten.

Hiru emakumezko eta hiru gizonezko oholtzan. Era berean, Txapelketa Nagusian lehen aldiz kantatu duten bi bertsolari. ©BOB EDME

Parekatu ez diren ehuneko batzuk

Miren Mujika Telleria

2001eko Bertsolari Txapelketa Nagusiaz geroztik, inoiz baino aurpegi berri gehiago izan dira aurtengo sariketan; guztira, hamabost. Ordea, badira datu batzuk erakusten dutenak aldaketa gertatu den arren oraindik ez dela lortu sexuen arteko orekarik.
 ©JON URBE / @FOKU

Labriten eta Labriterako egina

Ainhoa Sarasola

Kukai dantza konpainiaren 'Jazoerak' emanaldia egingo dute bihar Labrit frontoian, Iruñeko 1972-2022 Topaketen barruan. Beste diziplina batzuetako hainbat artista ere arituko dira
Maskos Untzeta musikaria (lehen planoan), gitarrarekin eta harmonikarekin kantuan, Giovanni Zanon gitarrista alboan duela, Donostian. ©ANDONI CANELLADA / FOKU

Oreka aurkitzeko, kantuan

Ainhoa Sarasola

Markos Untzetak hamar kanta bildu ditu 'Ekilibrista' bere seigarren diskoan. Blues, country eta pop-rock amerikarraren bidetik, «soiltasuna eta gardentasuna» lortu nahi izan ditu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...