Errioxako Gobernu Ordezkaritzak eman du ezbeharraren berri: Nafarroako 19 urteko gazte bat hil da goizaldean, Calahorran (Errioxa) izandako auto istripu baten ondorioz. Gaztea bizikletan zihoan bart, eta auto batek harrapatu egin du. Txirrindularia larriki zauritu da talkaren eraginez. Osasun larrialdietako zerbitzuak bertaratu dira gaztea artatzeko, eta Iruñeko Ospitalera bidean zirela zendu da, 01:00a aldera.
Emandako datuen arabera, hildakoa San Adriango (Nafarroa) herritarra zen, Hamza Bouazzaoui izenekoa. Atleta zen Grupoempleo klubean, eta, hain zuzen ere, klubak doluminak igorri ditu Twitter bidez. «Nafarroako atletismoarentzako egun tristea» dela azaldu dute, gaztearen heriotzagatik.
😢 Es un día triste para el atletismo navarro. El atleta de San Adrián, Hamza Bouazzaoui (19 años) ha fallecido esta noche víctima de un atropello ¡DEP Hamza! Estarás siempre en nuestros corazones pic.twitter.com/8BPxThjVaD
— Grupompleo Pamplona Atlético (@PamplonaAt) October 26, 2021